Mobil versiya
Hikmət Hacıyev: "Asiyanın Qəlbi" - İstanbul Prosesi vacib regional platformadır
Tarix: 30-11-2017 | Saat: 18:34
Bölmə:Siyasət | çapa göndər

Hikmət Hacıyev: "Asiyanın Qəlbi" - İstanbul Prosesi vacib regional platformadır



"Asiyanın Qəlbi" - İstanbul Prosesi "Asiyanın Qəlbi" regionunda sabitlik, sülh və çiçəklənmənin təşviqi və Əfqanıstanın bütün region ilə bağlantısının genişləndirilməsi üçün siyasi dialoq və sıx regional əməkdaşlıq üçün vacib regional platformadır.

aia.az bildirir ki, bunu Trend-ə XİN-nin Mətbuat Xidmətinin rəhbəri Hikmət Hacıyev bildirib.

"Asiyanın Qəlbi" - İstanbul Prosesi çərçivəsində "Güclü Asiyanın Qəlbi regionu naminə təhlükəsizlik və bağlılıq" mövzusunda 7-ci nazirlər konfrans sabah Bakıda keçiriləcək. Bu gün konfransın yüksək səviyyəli nümayəndələr səviyyəsində işçi görüşü keçirilib.

H.Hacıyev bildirib ki, VII nazirlər konfransında "Asiyanın Qəlbi" - İstanbul Prosesində iştirak edən dövlətlər və təşkilat olaraq Əfqanıstan İslam Respublikasının Prezidenti və xarici işlər naziri, eləcə də Türkiyə, Pakistan, İranın xarici işlər naziri, Hindistanın xarici işlər üzrə dövlət naziri, Qırğız Respublikası, Qazaxıstan, Tacikistan və Türkmənistanın xarici işlər nazirinin müavini, Rusiya və Çinin Əfqanıstan üzrə xüsusi nümayəndələri, Birləşmiş Ərəb Əmirlikləri və Səudiyyə Ərəbistanından nümayəndə heyətləri, həmçinin BMT Baş katibinin Əfqanıstan üzrə və Orta Asiya üzrə xüsusi nümayəndələrinin iştirakı nəzərdə tutulub:

"İstanbul prosesini dəstəkləyən dövlətlər olaraq, Böyük Britaniya Baş nazirinin Əfqanıstan üzrə xüsusi nümayəndəsi, ABŞ Dövlət Departamentinin Cənub və Mərkəzi Asiya üzrə nümayəndəsi, Yaponiya, İspaniya və Norveçin Əfqanıstan üzrə xüsusi təmsilçiləri, İtaliya, Kanada, Danimarka, Fransa, Finlandiya, Polşa, Misir, İsveç və digər dövlətlərin Xarici İşlər Nazirliklərinin yüksək səviyyəli nümayəndə heyətləri iştirak edəcəklər.

Eyni zamanda İstanbul Prosesini dəstəkləyən beynəlxalq təşkilatlar olaraq Avropa İttifaqı adından Estoniyanın xarici işlər naziri, NATO-nun Əfqanıstan üzrə yüksək səviyyəli mülki nümayəndəsi, İqtisadi Əməkdaşlıq Təşkilatının və Türk Şurasının baş katibləri, Türk Mədəniyyəti və İrsi Fondunun prezidenti, İslam Əməkdaşlıq Təşkilatının Baş katibinin müavini, Asiyada Qarşılıqlı Fəaliyyət və Etimad Quruculuğu Konfransının icraçı direktor müavini, Şanxay Əməkdaşlıq Təşkilatının Baş katibinin müavininin və digər beynəlxalq təsisatların təmsilçilərinin iştirakı planlaşdırılır".

Tədbirdə toplam olaraq 250 nəfərdən artıq nümayəndə iştirak edəcək.

"Asiyanın Qəlbi" - İstanbul Prosesi çərçivəsində VII nazirlər konfransını işıqlandırmaq üçün 100-dən artıq yerli və xarici KİV nümayəndəsi akkreditasiyadan keçib.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024