Azərbaycan dövləti özünün müəyyənləşdirdiyi siyasi kursun dönməzliyini təmin edəcək!
Tarix: 14-10-2026 | Saat: 19:51
Bölmə:Siyasət | çapa göndər
Dövlət müstəqilliyi bərpa olunduqdan sonra Azərbaycan özünün daxili siyasətini milli-mənəvi dəyərlər əsasında, azərbaycançılıq əsasında, dünyəvilik əsasında, müasirlik əsasında, islami dəyərlər əsasında müəyyənləşdirdi və bu siyasətini dönmədən həyata keçirməyə başladı. Xarici siyasətini də bu siyasətə uyğun prinsiplərlə aparan Azərbaycan dünyada həm bəşəri dövlət kimi tanındı, həm də tolerant dövlət kimi.
Hər dövlət özünün Konstitusiyasına əsaslanır. Bu, heç bir dövlətin siyasətinin nüfuz edə bilməyəcəyi qanunvericilik hüququdur. Azərbaycan müstəqil dövlət kimi özünün təhsil sistemini də müəyyənləşdirib, təhsilin aparılması metodlarını da, bu istiqamətdə qanunlarını da. Bunlar dövlətin dövlətçiliyə xidmətləri sırasındadır. Orta təhsil on illik olub, indi on bir illikdir. Başqa dövlətlər buna necə nüfuz edə bilər? Azərbaycan dövləti özünün məktəbli vətəndaşlarının geyim formasını da müəyyənləşdirir. Buna etiraz etməyə hansı dövlətin və yaxud hansı qurumların səlahiyyəti çatar?
Bu haqda düşünməyənlərin iradəsi ilə yaranan bu və ya digər irili-xırdalı problem, əslində, problem deyil, müəyyən qurumların, klanların, təxribat şəbəkələrinin başladığı ideoloji fəaliyyətin bir hissəsidir.
Azərbaycan Respublikası Nazirlər Kabinetinin 2022-ci il 17 mart tarixli 96 nömrəli Qərarı ilə təsdiq edilmiş “Dövlət ümumi təhsil müəssisəsi təhsilalanlarının geyim formalarının təsvirləri”ndə dəyişiklik edilməsi haqqında Azərbaycan Respublikasının Nazirlər Kabineti qərar qəbul edib. Dövlətin qəbul etdiyi qərara müəyyən qruplar tərəfindən idarə edilən vətəndaşların etirazı və bu səviyyədə etirazı düşünülmüş, planlaşdırılmış insidentdir.
Azərbaycanda təhsil vətənpərvərliyin formalaşması prosesinin başlanğıcıdır. Bu baxımdan məktəblər Azərbaycanın sabahlarının vətəndaşlarını formalaşdırır. Vahid məktəbli forması şagirdlərin qarşılıqlı münasibətlərində uyğunluq, sosial tarazlıq, bunların vasitəsilə qarşılıqlı anlaşma və mehribanlıq yaratmalıdır. Belə olarsa, şagirdin düşüncələri tədrisdən də yayınmaz. Bunu təhsil siyasəti də tələb edir. Şübhəsiz ki, belə bir aksiyanın zərərlərini dərk etməyənlərin vətəndaşlığında nəsə çatışmır
Nazirlər Kabinetinin 21 sentyabr 2026-cı il tarixli və 6 oktyabr 2026-cı il tarixli qərarı müəyyənləşdirilən geyim formasındakı dəyişikliklər, təhsil müəssisələrində geyim normaları şagirdlərin hüquqlarını zərrəcə pozmur, geyimin səliqəli, baxımlı olmasını təmin edir, həm də təhsilin dünyəvilik amilinin saxlanılması təmin olunur.
Azərbaycanda müxtəlif dinlərə mənsub vətəndaşlar yaşayır. Onların etiqadları qanunla qorunur. Digər dinlərə mənsub olan şagirdlər də dinin müəyyənləşdirdiyi məqamlara uyğun geyimə meyil göstərərsə, onda Azərbaycanın təhsil sistemi necə ola bilər?
Bu qərar uşaqların uşaq dünyasının yad təsirlərdən qorunmasını da zəruriləşdirib.Uşaq psixologiyasına dini aspektdən yanaşmanın hansı psixoloji deformasiyalar yarada biləcəyini unutmaq olmaz.
“Uşaq hüquqları haqqında” Qanun da valideynlərin uşaqlarını dini əqidələrinə uyğun tərbiyə etmək hüququnu tanıyır, lakin bu tanıma valideynlərə uşaqlarını dinə etiqad etməyə yönləndirməsi, müəyyən mənada, hicabın nə olduğunu başa düşməyən uşağa hicab bağlamağa meyilləndirməsi, təkid etməsi qadağan olunur. Bəs onda bu gün başlayan bu qarışıq, qondarılmış aksiyalar nə deməkdir?
Bir faktı diqqətə çatdırmaq istəyirəm: on-on iki yaşlı məktəbli qız televiziyada deyir ki, bayrağımızı sevmişəm, indi bizi məktəbə hicabla buraxmırlar, bu, bayrağımızdakı yaşıl rəngə etirazdır. Diqqət yetirin: 10-12 yaşlı məktəbli hansı məntiqdən çıxış edir. Yaşıl rəngi bu qədər “sevən” məktəbli digər rəngləri niyə unudur, ona digər rəngləri unutduran kimlərdir?
Milli dəyərlərimiz, Azərbaycan ailə modeli, milli təəssübkeşlik və vətənpərvərlik bir-biri ilə qaşılıqlı əlaqədə böyük mənəvi gücə çevrilir. Hər biri ayrılıqda, hamısı vəhdətdə Azərbaycanda yüksək səviyyəli təhsil sisteminin formalaşmasının istiqamətləridir.
Dünyəviliyi unutmaq, islami dəyərlərin mahiyyətini tam dərk etmədən qız uşaqlarının uşaqlıq dünyasını əllərindən almaq nə valideynlərə, nə bu və ya digər quruma bağışlanmamalıdır. Bağışlanmayacaq da...
Azərbaycanla Türkiyə tarixən nəfəs-nəfəsə yaşamış dövlətlərdir. Bu iki dövlətin münasibətlərinə bu və ya digər məqamla zərrəcə təsir etməyə fərd olaraq kimsənin, partiya olaraq heç bir partiyanın, dövlət olaraq heç bir dövlətin haqqı yoxdur…
Səbinə XASAYEVA,
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 14-10-2026 | Saat: 19:51
Bölmə:Siyasət | çapa göndər
Dövlət müstəqilliyi bərpa olunduqdan sonra Azərbaycan özünün daxili siyasətini milli-mənəvi dəyərlər əsasında, azərbaycançılıq əsasında, dünyəvilik əsasında, müasirlik əsasında, islami dəyərlər əsasında müəyyənləşdirdi və bu siyasətini dönmədən həyata keçirməyə başladı. Xarici siyasətini də bu siyasətə uyğun prinsiplərlə aparan Azərbaycan dünyada həm bəşəri dövlət kimi tanındı, həm də tolerant dövlət kimi.
Hər dövlət özünün Konstitusiyasına əsaslanır. Bu, heç bir dövlətin siyasətinin nüfuz edə bilməyəcəyi qanunvericilik hüququdur. Azərbaycan müstəqil dövlət kimi özünün təhsil sistemini də müəyyənləşdirib, təhsilin aparılması metodlarını da, bu istiqamətdə qanunlarını da. Bunlar dövlətin dövlətçiliyə xidmətləri sırasındadır. Orta təhsil on illik olub, indi on bir illikdir. Başqa dövlətlər buna necə nüfuz edə bilər? Azərbaycan dövləti özünün məktəbli vətəndaşlarının geyim formasını da müəyyənləşdirir. Buna etiraz etməyə hansı dövlətin və yaxud hansı qurumların səlahiyyəti çatar?
Bu haqda düşünməyənlərin iradəsi ilə yaranan bu və ya digər irili-xırdalı problem, əslində, problem deyil, müəyyən qurumların, klanların, təxribat şəbəkələrinin başladığı ideoloji fəaliyyətin bir hissəsidir.
Azərbaycan Respublikası Nazirlər Kabinetinin 2022-ci il 17 mart tarixli 96 nömrəli Qərarı ilə təsdiq edilmiş “Dövlət ümumi təhsil müəssisəsi təhsilalanlarının geyim formalarının təsvirləri”ndə dəyişiklik edilməsi haqqında Azərbaycan Respublikasının Nazirlər Kabineti qərar qəbul edib. Dövlətin qəbul etdiyi qərara müəyyən qruplar tərəfindən idarə edilən vətəndaşların etirazı və bu səviyyədə etirazı düşünülmüş, planlaşdırılmış insidentdir.
Azərbaycanda təhsil vətənpərvərliyin formalaşması prosesinin başlanğıcıdır. Bu baxımdan məktəblər Azərbaycanın sabahlarının vətəndaşlarını formalaşdırır. Vahid məktəbli forması şagirdlərin qarşılıqlı münasibətlərində uyğunluq, sosial tarazlıq, bunların vasitəsilə qarşılıqlı anlaşma və mehribanlıq yaratmalıdır. Belə olarsa, şagirdin düşüncələri tədrisdən də yayınmaz. Bunu təhsil siyasəti də tələb edir. Şübhəsiz ki, belə bir aksiyanın zərərlərini dərk etməyənlərin vətəndaşlığında nəsə çatışmır
Nazirlər Kabinetinin 21 sentyabr 2026-cı il tarixli və 6 oktyabr 2026-cı il tarixli qərarı müəyyənləşdirilən geyim formasındakı dəyişikliklər, təhsil müəssisələrində geyim normaları şagirdlərin hüquqlarını zərrəcə pozmur, geyimin səliqəli, baxımlı olmasını təmin edir, həm də təhsilin dünyəvilik amilinin saxlanılması təmin olunur.
Azərbaycanda müxtəlif dinlərə mənsub vətəndaşlar yaşayır. Onların etiqadları qanunla qorunur. Digər dinlərə mənsub olan şagirdlər də dinin müəyyənləşdirdiyi məqamlara uyğun geyimə meyil göstərərsə, onda Azərbaycanın təhsil sistemi necə ola bilər?
Bu qərar uşaqların uşaq dünyasının yad təsirlərdən qorunmasını da zəruriləşdirib.Uşaq psixologiyasına dini aspektdən yanaşmanın hansı psixoloji deformasiyalar yarada biləcəyini unutmaq olmaz.
“Uşaq hüquqları haqqında” Qanun da valideynlərin uşaqlarını dini əqidələrinə uyğun tərbiyə etmək hüququnu tanıyır, lakin bu tanıma valideynlərə uşaqlarını dinə etiqad etməyə yönləndirməsi, müəyyən mənada, hicabın nə olduğunu başa düşməyən uşağa hicab bağlamağa meyilləndirməsi, təkid etməsi qadağan olunur. Bəs onda bu gün başlayan bu qarışıq, qondarılmış aksiyalar nə deməkdir?
Bir faktı diqqətə çatdırmaq istəyirəm: on-on iki yaşlı məktəbli qız televiziyada deyir ki, bayrağımızı sevmişəm, indi bizi məktəbə hicabla buraxmırlar, bu, bayrağımızdakı yaşıl rəngə etirazdır. Diqqət yetirin: 10-12 yaşlı məktəbli hansı məntiqdən çıxış edir. Yaşıl rəngi bu qədər “sevən” məktəbli digər rəngləri niyə unudur, ona digər rəngləri unutduran kimlərdir?
Milli dəyərlərimiz, Azərbaycan ailə modeli, milli təəssübkeşlik və vətənpərvərlik bir-biri ilə qaşılıqlı əlaqədə böyük mənəvi gücə çevrilir. Hər biri ayrılıqda, hamısı vəhdətdə Azərbaycanda yüksək səviyyəli təhsil sisteminin formalaşmasının istiqamətləridir.
Dünyəviliyi unutmaq, islami dəyərlərin mahiyyətini tam dərk etmədən qız uşaqlarının uşaqlıq dünyasını əllərindən almaq nə valideynlərə, nə bu və ya digər quruma bağışlanmamalıdır. Bağışlanmayacaq da...
Azərbaycanla Türkiyə tarixən nəfəs-nəfəsə yaşamış dövlətlərdir. Bu iki dövlətin münasibətlərinə bu və ya digər məqamla zərrəcə təsir etməyə fərd olaraq kimsənin, partiya olaraq heç bir partiyanın, dövlət olaraq heç bir dövlətin haqqı yoxdur…
Səbinə XASAYEVA,
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
