“Səbrin də bir həddi var, nə qədər olar?!” – Mürvət Həsənlidən dövlət qurumlarına sərt çağırış
Tarix: 15-09-2026 | Saat: 19:20
Bölmə:Ölkə | çapa göndər
Tanınmış iş adamı Mürvət Həsənli sahibkarların və fermerlərin fəaliyyətinə yaradılan süni maneələrlə bağlı sərt mövqe ortaya qoyub. O bildirib ki, bəzi dövlət qurumlarının əsassız müdaxilələri sahibkarların vaxtını, enerjisini və maliyyə imkanlarını tükəndirir, nəticədə təkcə ayrı-ayrı şəxslərə deyil, bütövlükdə ölkə iqtisadiyyatına zərbə vurulur.
aia.az Musavat.com-a istinadən xəbər verir ki, Azərbaycan Quş Əti, Yumurta İstehsalçıları və İxracatçıları Assosiasiyasının rəhbəri olan Mürvət Həsənli bu barədə sosial şəbəkə hesabında geniş paylaşım edib.
“Səbrin də bir həddi var. Nə qədər olar?!” sözləri ilə başlayan paylaşımda iş adamı mövcud vəziyyətdən ciddi narazılığını ifadə edib:
“And olsun Allaha, sahibkar artıq öz işi ilə məşğul ola bilmir. Həftənin ən azı dörd gününü ayrı-ayrı dövlət qurumlarının yaratdığı əsassız problemləri həll etməyə sərf edir”.
Mürvət Həsənlinin fikrincə, sahibkarın əsas işi istehsalı artırmaq, yeni iş yerləri açmaq, investisiya qoymaq və ölkə iqtisadiyyatına töhfə vermək olmalıdır. Lakin bəzi hallarda iş adamları öz bizneslərini inkişaf etdirmək əvəzinə, süni maneələri aradan qaldırmağa, bürokratik əngəllərlə mübarizə aparmağa məcbur qalırlar.
Bu isə sahibkarın təkcə vaxtını deyil, işgüzar enerjisini və maliyyə imkanlarını da tükəndirir. Sahibkar yeni layihələr üzərində düşünməli olduğu halda, müxtəlif qurumların yaratdığı problemlərin həlli üçün qapılar döyməli olur.
“Prezidentin tapşırıqlarını kim icra etməlidir?”
İş adamı Prezident İlham Əliyevin sahibkarların və fermerlərin fəaliyyətinə maneələrin yaradılmaması ilə bağlı dəfələrlə verdiyi açıq tapşırıqları da xatırladıb.
“Cənab Prezident dəfələrlə açıq şəkildə bildirib ki, sahibkarı, fermeri incitmək olmaz, onların fəaliyyətinə maneələr yaradılmamalıdır. Bəs bu tapşırıqları kim eşitməli və kim icra etməlidir?” – deyə Mürvət Həsənli sual edib.
Onun sözlərinə görə, hər hansı dövlət qurumunun qanunsuz və əsassız şəkildə fermeri incitməsi, sahibkarın normal fəaliyyətinə mane olması artıq yalnız bir vətəndaşa qarşı haqsızlıq sayıla bilməz. Belə münasibət ölkədə həyata keçirilən sahibkarlığın inkişafı siyasətinə, iqtisadi fəallığın artırılması məqsədlərinə və dövlət başçısının müəyyənləşdirdiyi siyasi-iqtisadi xəttə ziddir.
Mürvət Həsənli vurğulayıb ki, sahibkar dövlətdən xüsusi imtiyaz və ya qanundan kənar güzəşt tələb etmir. Onun istəyi yalnız qanunların işləməsi, ədalətli münasibətin təmin olunması və fəaliyyətinə əsassız müdaxilələrin edilməməsidir.
Sahibkara vurulan zərər iqtisadiyyata da dəyir
Paylaşımda diqqət çəkilən əsas məqamlardan biri də sahibkara yaradılan problemlərin iqtisadi nəticələridir. İş adamı hesab edir ki, hər bir süni maneə gec-tez müəssisənin maliyyə vəziyyətinə birbaşa təsir göstərir.
Sahibkar heç bir hüquqi və iqtisadi əsas olmadan zərərə salınırsa, onun istehsal imkanları zəifləyir, yeni investisiya qoymaq imkanları məhdudlaşır və mövcud iş yerləri risk altına düşür. Müəssisənin gəlirləri azaldıqda isə sahibkarın vergi və digər maliyyə öhdəliklərini vaxtında və tam şəkildə yerinə yetirməsi də çətinləşir.
Başqa sözlə, sahibkara qarşı yaradılan süni maneə yalnız həmin iş adamının və ya müəssisənin şəxsi problemi kimi qiymətləndirilə bilməz. İstehsal azalırsa, məşğulluq səviyyəsi aşağı düşür. Müəssisə gəlir itirirsə, dövlət büdcəsinə ödənilən vergilər də azalır. İnvestisiya imkanları zəifləyirsə, iqtisadi inkişaf və yeni iş yerlərinin yaradılması prosesi ləngiyir.
Beləliklə, hansısa qurumun sahibkara yaratdığı əsassız problem son nəticədə dövlətin iqtisadi maraqlarına, büdcə gəlirlərinə və vətəndaşların məşğulluğuna da mənfi təsir göstərir.
“Problem yaratmaq yox, işləməsinə şərait yaratmaq lazımdır”
Mürvət Həsənli hesab edir ki, dövlət qurumlarının əsas vəzifəsi sahibkarı bürokratik çəkişmələrin içinə salmaq deyil, onun qanuni fəaliyyətini qorumaq və inkişafına şərait yaratmaq olmalıdır.
Sahibkar vaxtını müxtəlif qurumların yaratdığı süni problemləri həll etməyə deyil, istehsala, inkişafa, sərmayə qoyuluşuna və yeni iş yerlərinin açılmasına sərf etməlidir. Çünki güclü sahibkar yalnız öz biznesini böyütmür; o, məşğulluq yaradır, vergi ödəyir, daxili istehsalı artırır və ölkənin iqtisadi dayanıqlığını möhkəmləndirir.
Tanınmış iş adamı paylaşımını dövlət qurumlarına ünvanlanan konkret çağırışla tamamlayıb:
“Sahibkara problem yaratmaq yox, işləməsinə şərait yaratmaq lazımdır”.
Məlumatlanmaq üçün Facebook səhifəmizi
Digər xəbərlər
Tarix: 15-09-2026 | Saat: 19:20
Bölmə:Ölkə | çapa göndər
Tanınmış iş adamı Mürvət Həsənli sahibkarların və fermerlərin fəaliyyətinə yaradılan süni maneələrlə bağlı sərt mövqe ortaya qoyub. O bildirib ki, bəzi dövlət qurumlarının əsassız müdaxilələri sahibkarların vaxtını, enerjisini və maliyyə imkanlarını tükəndirir, nəticədə təkcə ayrı-ayrı şəxslərə deyil, bütövlükdə ölkə iqtisadiyyatına zərbə vurulur.
aia.az Musavat.com-a istinadən xəbər verir ki, Azərbaycan Quş Əti, Yumurta İstehsalçıları və İxracatçıları Assosiasiyasının rəhbəri olan Mürvət Həsənli bu barədə sosial şəbəkə hesabında geniş paylaşım edib.
“Səbrin də bir həddi var. Nə qədər olar?!” sözləri ilə başlayan paylaşımda iş adamı mövcud vəziyyətdən ciddi narazılığını ifadə edib:
“And olsun Allaha, sahibkar artıq öz işi ilə məşğul ola bilmir. Həftənin ən azı dörd gününü ayrı-ayrı dövlət qurumlarının yaratdığı əsassız problemləri həll etməyə sərf edir”.
Mürvət Həsənlinin fikrincə, sahibkarın əsas işi istehsalı artırmaq, yeni iş yerləri açmaq, investisiya qoymaq və ölkə iqtisadiyyatına töhfə vermək olmalıdır. Lakin bəzi hallarda iş adamları öz bizneslərini inkişaf etdirmək əvəzinə, süni maneələri aradan qaldırmağa, bürokratik əngəllərlə mübarizə aparmağa məcbur qalırlar.
Bu isə sahibkarın təkcə vaxtını deyil, işgüzar enerjisini və maliyyə imkanlarını da tükəndirir. Sahibkar yeni layihələr üzərində düşünməli olduğu halda, müxtəlif qurumların yaratdığı problemlərin həlli üçün qapılar döyməli olur.
“Prezidentin tapşırıqlarını kim icra etməlidir?”
İş adamı Prezident İlham Əliyevin sahibkarların və fermerlərin fəaliyyətinə maneələrin yaradılmaması ilə bağlı dəfələrlə verdiyi açıq tapşırıqları da xatırladıb.
“Cənab Prezident dəfələrlə açıq şəkildə bildirib ki, sahibkarı, fermeri incitmək olmaz, onların fəaliyyətinə maneələr yaradılmamalıdır. Bəs bu tapşırıqları kim eşitməli və kim icra etməlidir?” – deyə Mürvət Həsənli sual edib.
Onun sözlərinə görə, hər hansı dövlət qurumunun qanunsuz və əsassız şəkildə fermeri incitməsi, sahibkarın normal fəaliyyətinə mane olması artıq yalnız bir vətəndaşa qarşı haqsızlıq sayıla bilməz. Belə münasibət ölkədə həyata keçirilən sahibkarlığın inkişafı siyasətinə, iqtisadi fəallığın artırılması məqsədlərinə və dövlət başçısının müəyyənləşdirdiyi siyasi-iqtisadi xəttə ziddir.
Mürvət Həsənli vurğulayıb ki, sahibkar dövlətdən xüsusi imtiyaz və ya qanundan kənar güzəşt tələb etmir. Onun istəyi yalnız qanunların işləməsi, ədalətli münasibətin təmin olunması və fəaliyyətinə əsassız müdaxilələrin edilməməsidir.
Sahibkara vurulan zərər iqtisadiyyata da dəyir
Paylaşımda diqqət çəkilən əsas məqamlardan biri də sahibkara yaradılan problemlərin iqtisadi nəticələridir. İş adamı hesab edir ki, hər bir süni maneə gec-tez müəssisənin maliyyə vəziyyətinə birbaşa təsir göstərir.
Sahibkar heç bir hüquqi və iqtisadi əsas olmadan zərərə salınırsa, onun istehsal imkanları zəifləyir, yeni investisiya qoymaq imkanları məhdudlaşır və mövcud iş yerləri risk altına düşür. Müəssisənin gəlirləri azaldıqda isə sahibkarın vergi və digər maliyyə öhdəliklərini vaxtında və tam şəkildə yerinə yetirməsi də çətinləşir.
Başqa sözlə, sahibkara qarşı yaradılan süni maneə yalnız həmin iş adamının və ya müəssisənin şəxsi problemi kimi qiymətləndirilə bilməz. İstehsal azalırsa, məşğulluq səviyyəsi aşağı düşür. Müəssisə gəlir itirirsə, dövlət büdcəsinə ödənilən vergilər də azalır. İnvestisiya imkanları zəifləyirsə, iqtisadi inkişaf və yeni iş yerlərinin yaradılması prosesi ləngiyir.
Beləliklə, hansısa qurumun sahibkara yaratdığı əsassız problem son nəticədə dövlətin iqtisadi maraqlarına, büdcə gəlirlərinə və vətəndaşların məşğulluğuna da mənfi təsir göstərir.
“Problem yaratmaq yox, işləməsinə şərait yaratmaq lazımdır”
Mürvət Həsənli hesab edir ki, dövlət qurumlarının əsas vəzifəsi sahibkarı bürokratik çəkişmələrin içinə salmaq deyil, onun qanuni fəaliyyətini qorumaq və inkişafına şərait yaratmaq olmalıdır.
Sahibkar vaxtını müxtəlif qurumların yaratdığı süni problemləri həll etməyə deyil, istehsala, inkişafa, sərmayə qoyuluşuna və yeni iş yerlərinin açılmasına sərf etməlidir. Çünki güclü sahibkar yalnız öz biznesini böyütmür; o, məşğulluq yaradır, vergi ödəyir, daxili istehsalı artırır və ölkənin iqtisadi dayanıqlığını möhkəmləndirir.
Tanınmış iş adamı paylaşımını dövlət qurumlarına ünvanlanan konkret çağırışla tamamlayıb:
“Sahibkara problem yaratmaq yox, işləməsinə şərait yaratmaq lazımdır”.
Məlumatlanmaq üçün Facebook səhifəmizi
Xəbəri paylaş
Digər xəbərlər
15-09-2026
