Bakıda kinoya çəkilmək istəyən iki qadın zorlandıqlarını iddia edir - ŞOK GÖRÜNTÜ
Tarix: 25-08-2026 | Saat: 18:18
Bölmə:Ölkə | çapa göndər
Aktyorluq təlimi və film-serial çəkilişlərinə cəlb olunmaq vədi ilə pul aldıqları iddia edilən “Devin Medya” ilə bağlı yeni ağır ittihamlar səsləndirilib. İki qadın qurumun fəaliyyəti ilə bağlı Musavat.com-a videomüraciət yollayaraq qurumdan şikayətçi olduqlarını bildiriblər. Əllərində səs yazıları, WhatsApp yazışmaları və digər sənədlərin olduğunu açıqlayıblar.
Musavat.com-a daxil olan müraciətlərdə “Devin Medya”nın fəaliyyəti ilə bağlı müxtəlif iddialar yer alır.
Zərərçəkmiş olduğunu bildirən Leylanın (ad dəyişdirilib) sözlərinə görə, o, aktyorluq təliminə qoşulmaq üçün quruma müraciət edib. Onun iddiasına əsasən, dərslərə başladıqdan sonra kartından 700 manat çıxarılıb. Daha sonra ona “Dark Shopper” səhifəsində iki bölüm oynayacağı, bundan sonra ödədiyi pulun geri qaytarılacağı bildirilib. Leyla videomüraciətində daha sonra son dərəcə ağır ittiham irəli sürür. O bildirir ki, Şüvəlandakı bağ evinə dəvət olunub və orada zorakılığa məruz qalıb. Onun sözlərinə görə, hadisədə Atilla Uysal və Recep Katı adlı şəxslər iştirak edib.
Zərərçəkmiş iddia edir ki, hadisədən sonra polisə müraciət etmək istəsə də, Recep Katı tərəfindən hədə-qorxu və təzyiqlərlə üzləşib: “Bizim burada adamlarımız var, səni öldürərlər və s. İşin altından çıxarıq, bizi heç kim mühakimə edə bilməz”.
Leylanın sözlərinə görə, uşağının həyatı ilə bağlı təhdidlərdən sonra qorxaraq şikayətindən geri çəkilib. O, sonradan psixoloji vəziyyətinin pisləşdiyini, həkim və dərman müalicəsinə ehtiyac yarandığını bildirərək ona dəymiş ziyanın ödənilməsini tələb edir.
Digər zərərçəkmiş də danışdı
Səmla(ad dəyişdirilib) adlı digər qadın isə “Devin Medya”nın fəaliyyət göstərdiyi Bakı şəhəri, Xətai rayonu, 8 Noyabr küçəsi 4 ünvanındakı “Amay” ticarət mərkəzinin 3-cü girişinin 2-ci mərtəbəsində aktyorluq təlimi almaq üçün müraciət etdiyini bildirir.
Onun sözlərinə görə, “Devin Medya”nın qeyri-rəsmi işçiləri kimi təqdim etdiyi Sevinc Vəliyeva və Şəlalə Atayeva ilə tələbəlik müqaviləsi bağlanıb.
Səmla qeyd edir ki, qeydiyyat zamanı 20 manat, müqavilə bağlanarkən isə 1000 manat ödəyib və ümumilikdə 1020 manat pul verib. Onun iddiasına görə, ödənişlərin bir hissəsi nağd, bir hissəsi isə kartdan-karta həyata keçirilib və ödənişlərin hamısına fiskal çek təqdim olunmayıb.
Şikayətçinin sözlərinə görə, ona peşəkar aktyorluq təlimi keçiriləcəyi və gələcəkdə film və seriallarda iştirak etmək imkanı yaradılacağı vəd edilib. Lakin sonradan təlimlərin vəd olunan səviyyədə olmadığını düşünərək ödədiyi pulun geri qaytarılmasını tələb edib. O, pulunun qaytarılmadığını bildirir.
“Məni Şüvəlandakı bağa dəvət etdi”
Səmlanın müraciətində daha ağır ittihamlar da yer alır. O iddia edir ki, “Devin Medya” əməkdaşı Atilla Uysalın yaxın dostu olduğunu bildirdiyi Recep Katı onunla evlənmək məqsədilə münasibət qurub.
Daha sonra isə onu Atilla Uysalın Şüvəlandakı bağına dəvət edib. Səmlanın sözlərinə görə, həmin ünvanda onun razılığı olmadan cinsi zorakılığa məruz qalıb. O, hadisədən sonra Recep Katının ona təzyiq göstərdiyini və “bizim əlimiz uzundur, bizə heç kim heç nə edə bilməz” məzmununda ifadələr işlətdiyini bildirir. Səmla həmin ifadələrin səs yazısının onda olduğunu deyir. Onun iddiasına görə, hadisə barədə Atilla Uysala məlumat verdikdən sonra Recep Katı Azərbaycandan çıxaraq Türkiyəyə gedib.
Səmla həmçinin Atilla Uysalın “Azərbaycanda get haraya istəyirsən şikayət et” məzmununda ifadələr səsləndirdiyini iddia edir və bu danışığın da səs yazısının olduğunu bildirir.
“Əlimdə sübutlar var”
Şikayətçi qadın məsələnin araşdırılması üçün əlində rəsmi sənədlər, WhatsApp yazışmaları və səs yazılarının olduğunu, bunları hüquq-mühafizə orqanlarına təqdim etməyə hazır olduğunu açıqlayıb. O, ölkə rəhbərliyinə, daxili işlər naziri Vilayət Eyvazova və baş prokuror Kamran Əliyevə müraciət edərək araşdırma aparılmasını xahiş edib.
Səmla “Devin Medya”nın fəaliyyəti ilə bağlı başqa şəxslərin də şikayətlərinin olduğunu iddia edir və Atilla Uysalın məsuliyyətə cəlb edilməsini, Recep Katının Azərbaycana qaytarılması istiqamətində qanunvericiliyə uyğun tədbirlər görülməsini istəyir.
Qeyd edək ki, səsləndirilən ittihamlar hazırda şikayətçilərin iddialarıdır və onların hüquqi baxımdan təsdiqlənməsi üçün aidiyyəti dövlət qurumları tərəfindən araşdırma aparılması zəruridir. Xüsusilə cinsi zorakılıq, hədə-qorxu, şantaj, qanunsuz ödənişlərin alınması və mümkün vergi pozuntuları ilə bağlı iddialar varsa, hər bir epizod üzrə ayrıca hüquqi qiymət verilməlidir. Şikayətçilərin sözlərinə görə, onların təqdim etməyə hazır olduqları səs yazıları, yazışmalar, müqavilələr və ödəniş sənədləri araşdırmanın mühüm predmetinə çevrilə bilər.
Musavat.com olaraq qarşı tərəfin – “Devin Medya”, Atilla Uysal, Recep Katı və adı çəkilən digər şəxslərin mövqeyini dərc etməyə hazırıq.
Məlumatlanmaq üçün Facebook səhifəmizi
Digər xəbərlər
Tarix: 25-08-2026 | Saat: 18:18
Bölmə:Ölkə | çapa göndər
Aktyorluq təlimi və film-serial çəkilişlərinə cəlb olunmaq vədi ilə pul aldıqları iddia edilən “Devin Medya” ilə bağlı yeni ağır ittihamlar səsləndirilib. İki qadın qurumun fəaliyyəti ilə bağlı Musavat.com-a videomüraciət yollayaraq qurumdan şikayətçi olduqlarını bildiriblər. Əllərində səs yazıları, WhatsApp yazışmaları və digər sənədlərin olduğunu açıqlayıblar.
Musavat.com-a daxil olan müraciətlərdə “Devin Medya”nın fəaliyyəti ilə bağlı müxtəlif iddialar yer alır.
Zərərçəkmiş olduğunu bildirən Leylanın (ad dəyişdirilib) sözlərinə görə, o, aktyorluq təliminə qoşulmaq üçün quruma müraciət edib. Onun iddiasına əsasən, dərslərə başladıqdan sonra kartından 700 manat çıxarılıb. Daha sonra ona “Dark Shopper” səhifəsində iki bölüm oynayacağı, bundan sonra ödədiyi pulun geri qaytarılacağı bildirilib. Leyla videomüraciətində daha sonra son dərəcə ağır ittiham irəli sürür. O bildirir ki, Şüvəlandakı bağ evinə dəvət olunub və orada zorakılığa məruz qalıb. Onun sözlərinə görə, hadisədə Atilla Uysal və Recep Katı adlı şəxslər iştirak edib.
Zərərçəkmiş iddia edir ki, hadisədən sonra polisə müraciət etmək istəsə də, Recep Katı tərəfindən hədə-qorxu və təzyiqlərlə üzləşib: “Bizim burada adamlarımız var, səni öldürərlər və s. İşin altından çıxarıq, bizi heç kim mühakimə edə bilməz”.
Leylanın sözlərinə görə, uşağının həyatı ilə bağlı təhdidlərdən sonra qorxaraq şikayətindən geri çəkilib. O, sonradan psixoloji vəziyyətinin pisləşdiyini, həkim və dərman müalicəsinə ehtiyac yarandığını bildirərək ona dəymiş ziyanın ödənilməsini tələb edir.
Digər zərərçəkmiş də danışdı
Səmla(ad dəyişdirilib) adlı digər qadın isə “Devin Medya”nın fəaliyyət göstərdiyi Bakı şəhəri, Xətai rayonu, 8 Noyabr küçəsi 4 ünvanındakı “Amay” ticarət mərkəzinin 3-cü girişinin 2-ci mərtəbəsində aktyorluq təlimi almaq üçün müraciət etdiyini bildirir.
Onun sözlərinə görə, “Devin Medya”nın qeyri-rəsmi işçiləri kimi təqdim etdiyi Sevinc Vəliyeva və Şəlalə Atayeva ilə tələbəlik müqaviləsi bağlanıb.
Səmla qeyd edir ki, qeydiyyat zamanı 20 manat, müqavilə bağlanarkən isə 1000 manat ödəyib və ümumilikdə 1020 manat pul verib. Onun iddiasına görə, ödənişlərin bir hissəsi nağd, bir hissəsi isə kartdan-karta həyata keçirilib və ödənişlərin hamısına fiskal çek təqdim olunmayıb.
Şikayətçinin sözlərinə görə, ona peşəkar aktyorluq təlimi keçiriləcəyi və gələcəkdə film və seriallarda iştirak etmək imkanı yaradılacağı vəd edilib. Lakin sonradan təlimlərin vəd olunan səviyyədə olmadığını düşünərək ödədiyi pulun geri qaytarılmasını tələb edib. O, pulunun qaytarılmadığını bildirir.
“Məni Şüvəlandakı bağa dəvət etdi”
Səmlanın müraciətində daha ağır ittihamlar da yer alır. O iddia edir ki, “Devin Medya” əməkdaşı Atilla Uysalın yaxın dostu olduğunu bildirdiyi Recep Katı onunla evlənmək məqsədilə münasibət qurub.
Daha sonra isə onu Atilla Uysalın Şüvəlandakı bağına dəvət edib. Səmlanın sözlərinə görə, həmin ünvanda onun razılığı olmadan cinsi zorakılığa məruz qalıb. O, hadisədən sonra Recep Katının ona təzyiq göstərdiyini və “bizim əlimiz uzundur, bizə heç kim heç nə edə bilməz” məzmununda ifadələr işlətdiyini bildirir. Səmla həmin ifadələrin səs yazısının onda olduğunu deyir. Onun iddiasına görə, hadisə barədə Atilla Uysala məlumat verdikdən sonra Recep Katı Azərbaycandan çıxaraq Türkiyəyə gedib.
Səmla həmçinin Atilla Uysalın “Azərbaycanda get haraya istəyirsən şikayət et” məzmununda ifadələr səsləndirdiyini iddia edir və bu danışığın da səs yazısının olduğunu bildirir.
“Əlimdə sübutlar var”
Şikayətçi qadın məsələnin araşdırılması üçün əlində rəsmi sənədlər, WhatsApp yazışmaları və səs yazılarının olduğunu, bunları hüquq-mühafizə orqanlarına təqdim etməyə hazır olduğunu açıqlayıb. O, ölkə rəhbərliyinə, daxili işlər naziri Vilayət Eyvazova və baş prokuror Kamran Əliyevə müraciət edərək araşdırma aparılmasını xahiş edib.
Səmla “Devin Medya”nın fəaliyyəti ilə bağlı başqa şəxslərin də şikayətlərinin olduğunu iddia edir və Atilla Uysalın məsuliyyətə cəlb edilməsini, Recep Katının Azərbaycana qaytarılması istiqamətində qanunvericiliyə uyğun tədbirlər görülməsini istəyir.
Qeyd edək ki, səsləndirilən ittihamlar hazırda şikayətçilərin iddialarıdır və onların hüquqi baxımdan təsdiqlənməsi üçün aidiyyəti dövlət qurumları tərəfindən araşdırma aparılması zəruridir. Xüsusilə cinsi zorakılıq, hədə-qorxu, şantaj, qanunsuz ödənişlərin alınması və mümkün vergi pozuntuları ilə bağlı iddialar varsa, hər bir epizod üzrə ayrıca hüquqi qiymət verilməlidir. Şikayətçilərin sözlərinə görə, onların təqdim etməyə hazır olduqları səs yazıları, yazışmalar, müqavilələr və ödəniş sənədləri araşdırmanın mühüm predmetinə çevrilə bilər.
Musavat.com olaraq qarşı tərəfin – “Devin Medya”, Atilla Uysal, Recep Katı və adı çəkilən digər şəxslərin mövqeyini dərc etməyə hazırıq.
Məlumatlanmaq üçün Facebook səhifəmizi
Xəbəri paylaş
Digər xəbərlər
25-08-2026
