Mobil versiya
Maybach-dan ilk yolsuzluq avtomobili - FOTO
Tarix: 05-03-2017 | Saat: 20:12
Bölmə:Media | çapa göndər

Maybach-dan ilk yolsuzluq avtomobili - FOTO







Mercedes-Benz şirkəti yolsuzluq avtomobili G-Class-ın ən yaxşı yeni versiyasını təqdim edib. Avtomobil Landaulet G650 adlandırılıb və Maybach brendi altında istehsal ediləcək. Avtomobilin təqdimatı martın 7-də Cenevrə avtosalonunda keçiriləcək. Satışa isə bu ilin sonlarında çıxarılacaq. Maybach-ın ilk yolsuzluq avtomobili məhdud sayda - 99 ədəd buraxılacaq. Bu barədə brendin mətbuat xidməti məlumat yayıb.

Aia.Az auto.az-a istinadən bildirir ki, yenilik 6,0-litrlik benzin V12 mühərriki alıb. O, 630 a.g.-ə malikdir. Yolsuzluq avtomobilinin dinamik xarakteristikaları hələlik sirr olaraq qalır. Landaulet G650 3 bloklama diferensialı olan tam ötürücü ilə təchiz edilib.

Yolsuzluq avtomobilinin uzunluğu 5345 mm, eni 2110 mm-dir. Təkər bazasının uzunluğu 3428 mm-dir. Sürücünün və qabaq sərnişinin üzərində möhkəm stasionar dam ilə yanaşı, avtomobilin arxa oturacaqları hissəsindəki dam açılandır.

Salonun qabaq və arxa hissələrini idarəolunan şüşə arakəsmə bölür. Masaj funksiyası olan sərnişin oturacaqları S-Class Pullman-dan götürülüb. Salonda, həmçinin yığılan stollar və 10-düymlük iki displey var.


aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024