2 fevral Ulu Öndərin gənclərə ən böyük hədiyyəsidir - İlham Məmmədov
Tarix: 01-02-2026 | Saat: 17:12
Bölmə:Siyasət | çapa göndər
“Bir ölkənin gələcəyi onun sağlam ruhda, vətənpərvər olaraq böyüyən gəncliyindən asılıdır. Sevindirici hal ondan ibarətdir ki, Azərbaycan dövləti də hər zaman gənclərimizin məhz bu prinsiplər əsasında böyüməsi, tərbiyə olunmasına üstünlük verib, onu prioritet sayıb. Məhz bunun göstəricisidir ki, bu gün Azərbaycanda milli ruhda böyümüş, vətənpərvər, dövlətini sevən gənclər ordusu mövcuddur”.
Bu fikirləri Newscenter.az-a Milli Məclisin deputatı İlham Məmmədov 2 Fevral Gənclər Gününün əhəmiyyətindən, bu günün tarixi zərurətindən danışarkən səsləndirib. Millət vəkili deyib ki, müstəqilliyin ilk illərində bütün sahələrdə olduğu kimi gənclərlə iş sahəsində də ölkədə ciddi bir boşluq vardı:
“Gənclər ya xoşbəxt gələcək ümidi ilə Rusiya, Avropa ölkələrinə üz tutur, ya da kənar təsirlərə düşərək kosmopolit ruhda böyüyürdülər. Ulu Öndər Heydər Əliyev 1993-cü ildə xalqın təkidli tələbi ilə hakimiyyətə qayıtdıqdan sonra
Bütün sahələrdə olduğu kimi gənclərlə iş sahəsində də ciddi addımlar atılmağa başlanıldı”.
Millət vəkili deyib ki, 1996-cı ildə ölkədə gənclərlə işi mərkəzləşdirilmiş şəkildə həyata keçirən, onların problemləri ilə məşğul olan dövlət qurumunun, Gənclər və İdman Nazirliyinin yaradılması bu istiqamətdə atılan addımlardan idi:
“Gənclər və İdman Nazirliyinin yaradılması həm də ölkədə dövlət gənclər siyasətinin yeni mərhələyə qədəm qoyduğunun göstəricisi idi. Nazirlik gənclərin problemlərini, onların qayğılarını araşdırıb müvafiq qurumlara təqdim edir və həmin istiqamətlər üzrə də zaman-zaman fərman və sərəncamlar imzalanır, dövlət proqramları qəbul edilirdi. Bununla paralel olaraq Ulu Öndər şəxsən özü də müntəzəm olaraq gənclərlə görüşür, onların qayğılarını, problemlərini gənclərin öz dilindən eşidirdi. Bu mənada ölkədə keçirilən Gənclər Forumları xüsusi əhəmiyyət daşıyırdı. İlk dəfə 1996-cı ildə Ümummilli Liderin iştirakı ilə keçirilən Azərbaycan Gənclərinin I Forumu sonradan ənənə halını aldı. Forumda Ulu Öndərin şəxsən iştirakı Azərbaycan dövləti və onun liderinin gənclərə nə dərəcədə diqqət və qayğı ilə yanaşdığını bir daha təsdiq etmiş oldu. 1997-ci il, fevralın 1-də Ümummilli Lider Heydər Əliyev tərəfindən imzalanmış Sərəncama əsasən fevralın 2-sinin Azərbaycanda Gəncləri Günü elan edilməsi məhz dövlətin gənclərə diqqət və qayğısının davamı idi. Bu, həm də Ulu Öndərin gənclərə ən böyük hədiyyəsi idi. O zaman Azərbaycanın çoxminli gənclər orudusu tərəfindən bu fərman böyük sevinclə qarşılandı və Azərbaycan gənci onun arxasında güclü bir dövlətin mövcudluğuna əmin oldu”.
İlham Məmmmədov deyib ki, sonrakı illərdə Heydər Əliyevin gənclərlə bağlı bir sıra fərman və sərəncamlar imzalaması, dövlət proqramları qəbul etməsi bu sahədə illərlə mövcud olan problemlərin tədricən aradan qalxmasına yol açdı:
“Heydər Əliyev üçün əsas məqamlardan biri də gənclərin bilik və bacarıqlı, vətənpərvər olması idi. Təsadüfi deyil ki, Ulu Öndər çıxışlarından birində bu istiqamətə diqqət ayıraraq deyirdi: ““Bizim bu günkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir… Gənclərimiz mükəmməl təhsil almalı, həyatı dərindən öyrənməli, dünyada gedən prosesləri bilməlidir. Lazımi fəaliyyət göstərib öz xalqına, dövlətinə xidmət etməlidir”. Elə Ümummilli Liderin istedadlı gənclərin üzə çıxarılması məqsədilə təqaüdlər təsis etməsi, gənclərin xarici ölkələrin universitetlərində təhsil almasına xidmət edən dövlət proqramları təsdiq etməsi də məhz buna xidmət edirdi”.
Deputat qeyd edib ki, günümüzdə Azərbaycanda dövlət gənclər siyasəti keyfiyyət baxımından yeni mərhələyə qədəm qoyub:
“Bu siyasətin əsas ana xəttini Heydər Əliyevin müəyyənləşdirdiyi siyasət təşkil etsə də, eyni zamanda dövlət gənclər siyasəti yeni çağırışlara, reallıqlara uyğun şəkildə həyata keçirilir. Azərbaycan gəncləri Cənab İlham Əliyevin rəhbərliyi altında dövlətin diqqət və qayğısı ilə əhatələniblər. Xaricdə təhsil proqramlarının davam etməsi, paytaxt və bölgələrdə “Gənclər Ev”lərinin açılması, ali məktəblərə yüksək balla daxil olan gənclərə Prezident təqaüdünün verilməsi, 2007-ci ilin Azərbaycanda “Gənclər İli” elan olunması və s. məhz gənclərimizin bilik və bacarıqlı, vətənpərvər ruhda yetişməsinə xidmət edir”.
Süleyman
Məlumatlanmaq üçün Facebook səhifəmizi
Digər xəbərlər
Tarix: 01-02-2026 | Saat: 17:12
Bölmə:Siyasət | çapa göndər
“Bir ölkənin gələcəyi onun sağlam ruhda, vətənpərvər olaraq böyüyən gəncliyindən asılıdır. Sevindirici hal ondan ibarətdir ki, Azərbaycan dövləti də hər zaman gənclərimizin məhz bu prinsiplər əsasında böyüməsi, tərbiyə olunmasına üstünlük verib, onu prioritet sayıb. Məhz bunun göstəricisidir ki, bu gün Azərbaycanda milli ruhda böyümüş, vətənpərvər, dövlətini sevən gənclər ordusu mövcuddur”.
Bu fikirləri Newscenter.az-a Milli Məclisin deputatı İlham Məmmədov 2 Fevral Gənclər Gününün əhəmiyyətindən, bu günün tarixi zərurətindən danışarkən səsləndirib. Millət vəkili deyib ki, müstəqilliyin ilk illərində bütün sahələrdə olduğu kimi gənclərlə iş sahəsində də ölkədə ciddi bir boşluq vardı:
“Gənclər ya xoşbəxt gələcək ümidi ilə Rusiya, Avropa ölkələrinə üz tutur, ya da kənar təsirlərə düşərək kosmopolit ruhda böyüyürdülər. Ulu Öndər Heydər Əliyev 1993-cü ildə xalqın təkidli tələbi ilə hakimiyyətə qayıtdıqdan sonra
Bütün sahələrdə olduğu kimi gənclərlə iş sahəsində də ciddi addımlar atılmağa başlanıldı”.
Millət vəkili deyib ki, 1996-cı ildə ölkədə gənclərlə işi mərkəzləşdirilmiş şəkildə həyata keçirən, onların problemləri ilə məşğul olan dövlət qurumunun, Gənclər və İdman Nazirliyinin yaradılması bu istiqamətdə atılan addımlardan idi:
“Gənclər və İdman Nazirliyinin yaradılması həm də ölkədə dövlət gənclər siyasətinin yeni mərhələyə qədəm qoyduğunun göstəricisi idi. Nazirlik gənclərin problemlərini, onların qayğılarını araşdırıb müvafiq qurumlara təqdim edir və həmin istiqamətlər üzrə də zaman-zaman fərman və sərəncamlar imzalanır, dövlət proqramları qəbul edilirdi. Bununla paralel olaraq Ulu Öndər şəxsən özü də müntəzəm olaraq gənclərlə görüşür, onların qayğılarını, problemlərini gənclərin öz dilindən eşidirdi. Bu mənada ölkədə keçirilən Gənclər Forumları xüsusi əhəmiyyət daşıyırdı. İlk dəfə 1996-cı ildə Ümummilli Liderin iştirakı ilə keçirilən Azərbaycan Gənclərinin I Forumu sonradan ənənə halını aldı. Forumda Ulu Öndərin şəxsən iştirakı Azərbaycan dövləti və onun liderinin gənclərə nə dərəcədə diqqət və qayğı ilə yanaşdığını bir daha təsdiq etmiş oldu. 1997-ci il, fevralın 1-də Ümummilli Lider Heydər Əliyev tərəfindən imzalanmış Sərəncama əsasən fevralın 2-sinin Azərbaycanda Gəncləri Günü elan edilməsi məhz dövlətin gənclərə diqqət və qayğısının davamı idi. Bu, həm də Ulu Öndərin gənclərə ən böyük hədiyyəsi idi. O zaman Azərbaycanın çoxminli gənclər orudusu tərəfindən bu fərman böyük sevinclə qarşılandı və Azərbaycan gənci onun arxasında güclü bir dövlətin mövcudluğuna əmin oldu”.
İlham Məmmmədov deyib ki, sonrakı illərdə Heydər Əliyevin gənclərlə bağlı bir sıra fərman və sərəncamlar imzalaması, dövlət proqramları qəbul etməsi bu sahədə illərlə mövcud olan problemlərin tədricən aradan qalxmasına yol açdı:
“Heydər Əliyev üçün əsas məqamlardan biri də gənclərin bilik və bacarıqlı, vətənpərvər olması idi. Təsadüfi deyil ki, Ulu Öndər çıxışlarından birində bu istiqamətə diqqət ayıraraq deyirdi: ““Bizim bu günkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir… Gənclərimiz mükəmməl təhsil almalı, həyatı dərindən öyrənməli, dünyada gedən prosesləri bilməlidir. Lazımi fəaliyyət göstərib öz xalqına, dövlətinə xidmət etməlidir”. Elə Ümummilli Liderin istedadlı gənclərin üzə çıxarılması məqsədilə təqaüdlər təsis etməsi, gənclərin xarici ölkələrin universitetlərində təhsil almasına xidmət edən dövlət proqramları təsdiq etməsi də məhz buna xidmət edirdi”.
Deputat qeyd edib ki, günümüzdə Azərbaycanda dövlət gənclər siyasəti keyfiyyət baxımından yeni mərhələyə qədəm qoyub:
“Bu siyasətin əsas ana xəttini Heydər Əliyevin müəyyənləşdirdiyi siyasət təşkil etsə də, eyni zamanda dövlət gənclər siyasəti yeni çağırışlara, reallıqlara uyğun şəkildə həyata keçirilir. Azərbaycan gəncləri Cənab İlham Əliyevin rəhbərliyi altında dövlətin diqqət və qayğısı ilə əhatələniblər. Xaricdə təhsil proqramlarının davam etməsi, paytaxt və bölgələrdə “Gənclər Ev”lərinin açılması, ali məktəblərə yüksək balla daxil olan gənclərə Prezident təqaüdünün verilməsi, 2007-ci ilin Azərbaycanda “Gənclər İli” elan olunması və s. məhz gənclərimizin bilik və bacarıqlı, vətənpərvər ruhda yetişməsinə xidmət edir”.
Süleyman
Məlumatlanmaq üçün Facebook səhifəmizi
Xəbəri paylaş
Digər xəbərlər
