Azərbaycan Respublikasında Dövlət Suverenliyi Günü: Dövlətçiliyimizin və Tarixi Zəfərimizin Simvolu
Tarix: 23-09-2025 | Saat: 10:17
Bölmə:Siyasət | çapa göndər
Hər bir xalq üçün öz taleyini sərbəst şəkildə müəyyən etmək, müstəqil dövlətini qurmaq və onu inkişaf etdirmək tarixi nailiyyət, milli iradənin təntənəsidir. Azərbaycan xalqı da əsrlər boyu azadlıq və müstəqillik arzusu ilə yaşamış, bu yolda saysız-hesabsız sınaqlardan keçmişdir. Tariximizin müxtəlif mərhələlərində üzləşdiyimiz işğal, repressiyalar və milli məhrumiyyətlər xalqımızın dövlətçilik iradəsini sarsıda bilməmişdir. 1991-ci ildə Azərbaycanın dövlət müstəqilliyini bərpa etməsi yalnız hüquqi deyil, həm də mənəvi, tarixi baxımdan böyük dönüş nöqtəsi olmuşdur.
Azərbaycan torpaqlarının 30 ildən artıq müddətdə işğal altında qalması ölkəmizin suverenliyini faktiki şəkildə məhdudlaşdırmışdı. Ermənistanın təcavüzkar siyasəti nəticəsində Qarabağ və ətraf rayonlarımız işğal olunmuş, bir milyondan çox soydaşımız doğma yurd-yuvasından didərgin düşmüşdür. Bu dövr ərzində Azərbaycanın diplomatik və siyasi mübarizəsi ilə yanaşı, ordu quruculuğu sahəsində həyata keçirdiyi ardıcıl siyasət suverenliyin bərpası üçün zəmin yaratmışdır.
2020-ci ilin payızında 44 gün davam edən II Qarabağ müharibəsi Azərbaycanın dövlət suverenliyinin və ərazi bütövlüyünün bərpası yolunda tarixi mərhələ oldu. Müzəffər Azərbaycan Ordusunun şücaəti və Ali Baş Komandan İlham Əliyevin qətiyyətli rəhbərliyi ilə ölkəmiz işğala son qoyaraq beynəlxalq hüququn və ədalətin zəfər çalmasını təmin etdi. Bu qələbə təkcə hərbi deyil, həm də siyasi və ideoloji baxımdan böyük əhəmiyyətə malik idi. Azərbaycan xalqı bu zəfərlə dövlətçiliyinin gücünü bütün dünyaya nümayiş etdirdi.
2023-cü ilin aprel ayında Laçın yolunda nəzarət-buraxılış məntəqəsinin qurulması Azərbaycanın suveren hüquqlarının daha bir real təsdiqi oldu. Bu addım ölkənin beynəlxalq sərhədləri üzərində tam nəzarətini təmin etdi və separatçılıq meyillərinin qarşısının alınmasında mühüm rol oynadı.
Düz iki il əvvəl – 2023-cü ilin sentyabr ayında Azərbaycan Ordusu cəmi bir gün davam edən lokal antiterror əməliyyatı ilə separatçıların tör-töküntüsünə son qoydu. Bu əməliyyat nəticəsində Azərbaycan dövlət suverenliyini tam şəkildə bərpa etdi. Prezident İlham Əliyevin də qeyd etdiyi kimi, beynəlxalq hüquq zəfər çaldı, dövlətimizin ərazi bütövlüyü və suverenliyi reallıqda tam təmin edildi.
2024-cü ildə Azərbaycan Respublikasının Milli Məclisinin qərarı ilə 15 sentyabr – Dövlət Suverenliyi Günü kimi təsis olundu. Bu tarix, 2023-cü ildə həyata keçirilmiş antiterror əməliyyatının uğurla başa çatması və Azərbaycanın suverenliyinin tam bərpasının rəmzi olaraq seçildi. Dövlət Suverenliyi Günü ölkəmizin müstəqillik tarixində yeni mərhələnin başlanğıcı, milli birliyin və dövlətçilik əzminin simvoludur.
Azərbaycan Respublikasının Prezidenti cənab İlham Əliyevin sərəncamı ilə 2025-ci il “Konstitusiya və Suverenlik İli” elan edilmişdir. Bu qərar ölkəmizin hüquqi və siyasi inkişafının növbəti mərhələsini, dövlət institutlarının dayanıqlığını və xalqın öz dövlətinə inamını daha da möhkəmləndirmək məqsədi daşıyır. Bu il çərçivəsində keçiriləcək tədbirlər, islahatlar və təşəbbüslər Azərbaycanın suveren dövlət kimi möhkəmlənməsinə xidmət edəcəkdir.
Azərbaycan Respublikasında Dövlət Suverenliyi Günü yalnız bir tarixi xatırlatma deyil, həm də xalqımızın mübariz ruhunun, dövlətçilik iradəsinin və gələcəyə olan inamının təntənəsidir. Bu gün Azərbaycan dövləti regionda sülh və sabitliyin əsas təminatçısı kimi çıxış edir. Güclü dövlət, birləşmiş xalq və müzəffər ordu ilə Azərbaycan suverenliyini qorumaqda və möhkəmləndirməkdə davam edir.
İlqar İlyasov
YAP Laçın rayon təşkilatının sədri
Məlumatlanmaq üçün Facebook səhifəmizi
Digər xəbərlər
Tarix: 23-09-2025 | Saat: 10:17
Bölmə:Siyasət | çapa göndər
Hər bir xalq üçün öz taleyini sərbəst şəkildə müəyyən etmək, müstəqil dövlətini qurmaq və onu inkişaf etdirmək tarixi nailiyyət, milli iradənin təntənəsidir. Azərbaycan xalqı da əsrlər boyu azadlıq və müstəqillik arzusu ilə yaşamış, bu yolda saysız-hesabsız sınaqlardan keçmişdir. Tariximizin müxtəlif mərhələlərində üzləşdiyimiz işğal, repressiyalar və milli məhrumiyyətlər xalqımızın dövlətçilik iradəsini sarsıda bilməmişdir. 1991-ci ildə Azərbaycanın dövlət müstəqilliyini bərpa etməsi yalnız hüquqi deyil, həm də mənəvi, tarixi baxımdan böyük dönüş nöqtəsi olmuşdur.
Azərbaycan torpaqlarının 30 ildən artıq müddətdə işğal altında qalması ölkəmizin suverenliyini faktiki şəkildə məhdudlaşdırmışdı. Ermənistanın təcavüzkar siyasəti nəticəsində Qarabağ və ətraf rayonlarımız işğal olunmuş, bir milyondan çox soydaşımız doğma yurd-yuvasından didərgin düşmüşdür. Bu dövr ərzində Azərbaycanın diplomatik və siyasi mübarizəsi ilə yanaşı, ordu quruculuğu sahəsində həyata keçirdiyi ardıcıl siyasət suverenliyin bərpası üçün zəmin yaratmışdır.
2020-ci ilin payızında 44 gün davam edən II Qarabağ müharibəsi Azərbaycanın dövlət suverenliyinin və ərazi bütövlüyünün bərpası yolunda tarixi mərhələ oldu. Müzəffər Azərbaycan Ordusunun şücaəti və Ali Baş Komandan İlham Əliyevin qətiyyətli rəhbərliyi ilə ölkəmiz işğala son qoyaraq beynəlxalq hüququn və ədalətin zəfər çalmasını təmin etdi. Bu qələbə təkcə hərbi deyil, həm də siyasi və ideoloji baxımdan böyük əhəmiyyətə malik idi. Azərbaycan xalqı bu zəfərlə dövlətçiliyinin gücünü bütün dünyaya nümayiş etdirdi.
2023-cü ilin aprel ayında Laçın yolunda nəzarət-buraxılış məntəqəsinin qurulması Azərbaycanın suveren hüquqlarının daha bir real təsdiqi oldu. Bu addım ölkənin beynəlxalq sərhədləri üzərində tam nəzarətini təmin etdi və separatçılıq meyillərinin qarşısının alınmasında mühüm rol oynadı.
Düz iki il əvvəl – 2023-cü ilin sentyabr ayında Azərbaycan Ordusu cəmi bir gün davam edən lokal antiterror əməliyyatı ilə separatçıların tör-töküntüsünə son qoydu. Bu əməliyyat nəticəsində Azərbaycan dövlət suverenliyini tam şəkildə bərpa etdi. Prezident İlham Əliyevin də qeyd etdiyi kimi, beynəlxalq hüquq zəfər çaldı, dövlətimizin ərazi bütövlüyü və suverenliyi reallıqda tam təmin edildi.
2024-cü ildə Azərbaycan Respublikasının Milli Məclisinin qərarı ilə 15 sentyabr – Dövlət Suverenliyi Günü kimi təsis olundu. Bu tarix, 2023-cü ildə həyata keçirilmiş antiterror əməliyyatının uğurla başa çatması və Azərbaycanın suverenliyinin tam bərpasının rəmzi olaraq seçildi. Dövlət Suverenliyi Günü ölkəmizin müstəqillik tarixində yeni mərhələnin başlanğıcı, milli birliyin və dövlətçilik əzminin simvoludur.
Azərbaycan Respublikasının Prezidenti cənab İlham Əliyevin sərəncamı ilə 2025-ci il “Konstitusiya və Suverenlik İli” elan edilmişdir. Bu qərar ölkəmizin hüquqi və siyasi inkişafının növbəti mərhələsini, dövlət institutlarının dayanıqlığını və xalqın öz dövlətinə inamını daha da möhkəmləndirmək məqsədi daşıyır. Bu il çərçivəsində keçiriləcək tədbirlər, islahatlar və təşəbbüslər Azərbaycanın suveren dövlət kimi möhkəmlənməsinə xidmət edəcəkdir.
Azərbaycan Respublikasında Dövlət Suverenliyi Günü yalnız bir tarixi xatırlatma deyil, həm də xalqımızın mübariz ruhunun, dövlətçilik iradəsinin və gələcəyə olan inamının təntənəsidir. Bu gün Azərbaycan dövləti regionda sülh və sabitliyin əsas təminatçısı kimi çıxış edir. Güclü dövlət, birləşmiş xalq və müzəffər ordu ilə Azərbaycan suverenliyini qorumaqda və möhkəmləndirməkdə davam edir.
İlqar İlyasov
YAP Laçın rayon təşkilatının sədri
Məlumatlanmaq üçün Facebook səhifəmizi
Xəbəri paylaş
Digər xəbərlər
23-09-2025
22-09-2025
