Milli Qurtuluş Günü tariximizin dönüş nöqtəsidir
Tarix: 10-06-2025 | Saat: 12:05
Bölmə:Siyasət | çapa göndər
Azərbaycanın müstəqillik tarixi bir tərəfdən qürurverici və şanlı, digər tərəfdən isə böyük sınaqlar və faciələrlə doludur. 15 İyun – Milli Qurtuluş Günü isə bu tarixdə dönüş nöqtəsi, xalqın öz taleyinə sahib çıxmasının və dövlətin məhv olmaq təhlükəsindən xilas olmasının simvoludur. Bu gün, əslində, təkcə siyasi liderin hakimiyyətə qayıdışı deyil, həm də xalqın öz xilaskarına inamının və sabit, güclü dövlətə doğru atılan qətiyyətli addımın ifadəsidir. 1991-ci ildə Azərbaycan dövlət müstəqilliyini bərpa etsə də, bu illər heç də arzuolunan sabitlik və inkişafla müşayiət olunmadı. AXC-Müsavat cütlüyünün səriştəsiz və avantürist idarəçiliyi ölkəni dərin siyasi, iqtisadi və sosial böhranlara sürüklədi. Dövlətçilik ənənələri pozuldu, silahlı dəstələrin hökmranlığı, regionlarda separatizmin baş qaldırması, cəbhədə ardıcıl məğlubiyyətlər və əhalinin səfalət içində yaşaması Azərbaycanı vətəndaş müharibəsi və parçalanma təhlükəsi ilə üz-üzə qoydu. Belə bir ağır və taleyüklü zamanda xalqın səsi yalnız bir ünvanı çağırdı – Ulu öndər Heydər Əliyevi. Çünki Azərbaycan cəmiyyətində artıq belə bir ümumi fikir formalaşmışdı: bu ölkəni böhrandan çıxara biləcək, xalqı arxasınca aparmağa qadir yeganə lider yalnız Ulu Öndər Heydər Əliyevdir. Ulu Öndərin 1993-cü ilin iyununda Bakıya qayıdışı və Azərbaycan Respublikası Ali Sovetinin sədri seçilməsi ölkədə yeni bir mərhələnin başlanğıcı oldu. Qısa müddət ərzində dövlətçiliyin əsasları möhkəmləndirildi, ictimai-siyasi sabitlik təmin olundu, ordu quruculuğuna start verildi, Azərbaycanın beynəlxalq mövqeyi bərpa edildi. Heydər Əliyevin siyasi uzaqgörənliyi, prinsipial mövqeyi və böyük idarəçilik təcrübəsi ölkəni anarxiyadan çıxarıb sabitliyə, sabitlikdən isə inkişaf və tərəqqi yoluna apardı. Ulu öndər Heydər Əliyevin 1993-cü il oktyabr prezident seçkilərində xalqın mütləq əksəriyyətinin etimadını qazanması, onun xalqa verdiyi vəd – “Həyatımın qalan hissəsini xalqıma xidmətə həsr edəcəyəm” – siyasi iradəsinin, fədakarlığının və vətənə olan sədaqətinin sübutu idi. Bu baxımdan 15 İyun – Milli Qurtuluş Günü təkcə siyasi böhranın qarşısının alınması ilə deyil, həm də Azərbaycanın gələcəyinin xilası ilə əlamətdar oldu. Əgər Heydər Əliyevin qətiyyətli liderliyi olmasaydı, bu gün müstəqil Azərbaycan dövləti dünya siyasi xəritəsində yer almaya bilərdi. Bugünkü qüdrətli, sabit və inkişaf edən Azərbaycan dövlətinin təməlində məhz 15 İyun Qurtuluş Günü dayanır. Bu gün həm də dövlətçiliyin, xalq-iqtidar birliyinin və vətənə sədaqətin təntənəsidir. Tariximizin bu əlamətdar gününü qeyd etməklə biz təkcə bir liderin yox, bütün xalqın müdrikliyini və gələcəyə olan ümidini xatırlayırıq. Ulu Öndər Heydər Əliyevin siyasi irsinin layiqli davamçısı cənab Prezident İlham Əliyev tərəfindən bu gün həmin yol uğurla davam etdirilir. Azərbaycanın hərbi-siyasi uğurları, 2020-ci ildə əldə olunmuş tarixi Qələbə və işğaldan azad edilən torpaqlarda aparılan bərpa-quruculuq işləri 15 İyunun tarixdə nə qədər mühüm yer tutduğunu bir daha sübut edir. Ulu öndər Heydər Əliyev təkcə bir lider deyildi – o, millətin qürur simvolu, dövlətçilik məktəbinin banisi, suverenliyin qəhrəmanı idi. Onun Bakıya dönüşü – bir siyasi vətənə dönüş idi. Xalq bu dönüşü “qurtuluş” adlandırdı. Və tarix bu adı təsdiqlədi. Əslində, Heydər Əliyevin həyatı boyu gördüyü bütün işlər bir vəsiyyət idi. Gələcək nəsillərə, Azərbaycan gəncliyinə, dövlət məmurlarına, əsgərə, müəllimə – bu xalqın hər bir nümayəndəsinə ünvanlanmış böyük bir dövlətçilik vəsiyyəti. Azərbaycanın müstəqilliyi əbədi olmalıdır. Ərazi bütövlüyü bərpa edilməlidir. Azərbaycan güclü dövlətə çevrilməlidir. Xalq öz lideri ətrafında birləşməlidir. Bu vəsiyyətlərə sadiqlik isə cənab Prezident İlham Əliyevin siyasi missiyası oldu. O günlərdən düz 30 il keçdi. Və tarix göstərdi ki, Ulu öndər Heydər Əliyevin vəsiyyətinə ən layiqli cavab onun yetirməsi – cənab Prezident İlham Əliyev tərəfindən verildi. Onun rəhbərliyi ilə Azərbaycan cəmi bir neçə il ərzində sabitlik adasına çevrildi. Regional gücə, sonra isə beynəlxalq platformalarda hörmət edilən aktora çevrildi. 2020-ci ildə 44 günlük müharibədə tarixi Zəfər qazanaraq torpaqlarını azad etdi. Bu, sadəcə hərbi qələbə deyildi – bu, Ata vəsiyyətinin yerinə yetirilməsi idi. Cənab Prezident Zəfər çıxışında demişdir: “Biz bu Zəfərlə təkcə torpaqlarımızı deyil, tariximizi, ruhumuzu, inamımızı, ata vəsiyyətimizi də azad etdik.” Beləcə də Qurtuluşdan Zəfərə –hətta tarixə sığmayan yol başladı. Yəni, 1993-cü il – dövlət quruculuğunun başlanğıcı, 2003-cü il – inkişafın və vəsiyyətə sadiqliyin yeni mərhələsi, 2020-ci il – Zəfər, 2023-cü il – suverenliyin tam bərpası oldu. Bu xətt yalnız dövlətin taleyini deyil, xalqın ruhunu da dəyişdi. Azərbaycanlı özünə qayıtdı. Şəhidlərin ruhu rahatlıq tapdı. Qayıdışlar başlandı. Yollar çəkildi, bayraqlar ucaldı. Və bu gün – 15 iyun 2025-ci il tarixində – artıq “qurtuluş” sözünün mənası daha dərindir. O, həm də “vəfalılıq” sözüdür. Ulu öndər Heydər Əliyevə, onun ideyalarına, onun vəsiyyətinə və Azərbaycan xalqına olan sədaqətin simvoludur. Əgər bu gün Ulu öndər Heydər Əliyev bu xalqın suveren Şuşada qürurla dalğalanan bayrağını görsəydi, gözləri yaşarardı. O, bu zəfəri ömrü boyu arzulamış, bu vətənin azad gələcəyi üçün çalışmışdı. Bu gün biz onun ruhu qarşısında baş əyərək deyirik. Sizin vəsiyyətiniz yerinə yetirildi. Azərbaycan bütövdür. Azərbaycan qalib dövlətdir. Ulu öndərin dediyi kimi; “Gələcək nəsillər bu tarixi daha dərindən dərk etdikcə, bizim nə qədər böyük yol keçdiyimizi daha yaxşı anlayacaqlar.” Yekun olaraq deyə bilərik ki, 15 İyun – Milli Qurtuluş Günü təkcə keçmişin xatirəsi deyil, həm də gələcəyə aparan yolun başlanğıcıdır. Hər bir azərbaycanlı bu günün mənasını dərindən anlamalı, onun tarixdəki yerini qorumalı və Ulu Öndərin ideyalarına daim sadiq qalmalıdır.
David İbramxəlilov,
YAP Qusar rayon təşkilatının sədri.
Məlumatlanmaq üçün Facebook səhifəmizi
Digər xəbərlər
Tarix: 10-06-2025 | Saat: 12:05
Bölmə:Siyasət | çapa göndər
Azərbaycanın müstəqillik tarixi bir tərəfdən qürurverici və şanlı, digər tərəfdən isə böyük sınaqlar və faciələrlə doludur. 15 İyun – Milli Qurtuluş Günü isə bu tarixdə dönüş nöqtəsi, xalqın öz taleyinə sahib çıxmasının və dövlətin məhv olmaq təhlükəsindən xilas olmasının simvoludur. Bu gün, əslində, təkcə siyasi liderin hakimiyyətə qayıdışı deyil, həm də xalqın öz xilaskarına inamının və sabit, güclü dövlətə doğru atılan qətiyyətli addımın ifadəsidir. 1991-ci ildə Azərbaycan dövlət müstəqilliyini bərpa etsə də, bu illər heç də arzuolunan sabitlik və inkişafla müşayiət olunmadı. AXC-Müsavat cütlüyünün səriştəsiz və avantürist idarəçiliyi ölkəni dərin siyasi, iqtisadi və sosial böhranlara sürüklədi. Dövlətçilik ənənələri pozuldu, silahlı dəstələrin hökmranlığı, regionlarda separatizmin baş qaldırması, cəbhədə ardıcıl məğlubiyyətlər və əhalinin səfalət içində yaşaması Azərbaycanı vətəndaş müharibəsi və parçalanma təhlükəsi ilə üz-üzə qoydu. Belə bir ağır və taleyüklü zamanda xalqın səsi yalnız bir ünvanı çağırdı – Ulu öndər Heydər Əliyevi. Çünki Azərbaycan cəmiyyətində artıq belə bir ümumi fikir formalaşmışdı: bu ölkəni böhrandan çıxara biləcək, xalqı arxasınca aparmağa qadir yeganə lider yalnız Ulu Öndər Heydər Əliyevdir. Ulu Öndərin 1993-cü ilin iyununda Bakıya qayıdışı və Azərbaycan Respublikası Ali Sovetinin sədri seçilməsi ölkədə yeni bir mərhələnin başlanğıcı oldu. Qısa müddət ərzində dövlətçiliyin əsasları möhkəmləndirildi, ictimai-siyasi sabitlik təmin olundu, ordu quruculuğuna start verildi, Azərbaycanın beynəlxalq mövqeyi bərpa edildi. Heydər Əliyevin siyasi uzaqgörənliyi, prinsipial mövqeyi və böyük idarəçilik təcrübəsi ölkəni anarxiyadan çıxarıb sabitliyə, sabitlikdən isə inkişaf və tərəqqi yoluna apardı. Ulu öndər Heydər Əliyevin 1993-cü il oktyabr prezident seçkilərində xalqın mütləq əksəriyyətinin etimadını qazanması, onun xalqa verdiyi vəd – “Həyatımın qalan hissəsini xalqıma xidmətə həsr edəcəyəm” – siyasi iradəsinin, fədakarlığının və vətənə olan sədaqətinin sübutu idi. Bu baxımdan 15 İyun – Milli Qurtuluş Günü təkcə siyasi böhranın qarşısının alınması ilə deyil, həm də Azərbaycanın gələcəyinin xilası ilə əlamətdar oldu. Əgər Heydər Əliyevin qətiyyətli liderliyi olmasaydı, bu gün müstəqil Azərbaycan dövləti dünya siyasi xəritəsində yer almaya bilərdi. Bugünkü qüdrətli, sabit və inkişaf edən Azərbaycan dövlətinin təməlində məhz 15 İyun Qurtuluş Günü dayanır. Bu gün həm də dövlətçiliyin, xalq-iqtidar birliyinin və vətənə sədaqətin təntənəsidir. Tariximizin bu əlamətdar gününü qeyd etməklə biz təkcə bir liderin yox, bütün xalqın müdrikliyini və gələcəyə olan ümidini xatırlayırıq. Ulu Öndər Heydər Əliyevin siyasi irsinin layiqli davamçısı cənab Prezident İlham Əliyev tərəfindən bu gün həmin yol uğurla davam etdirilir. Azərbaycanın hərbi-siyasi uğurları, 2020-ci ildə əldə olunmuş tarixi Qələbə və işğaldan azad edilən torpaqlarda aparılan bərpa-quruculuq işləri 15 İyunun tarixdə nə qədər mühüm yer tutduğunu bir daha sübut edir. Ulu öndər Heydər Əliyev təkcə bir lider deyildi – o, millətin qürur simvolu, dövlətçilik məktəbinin banisi, suverenliyin qəhrəmanı idi. Onun Bakıya dönüşü – bir siyasi vətənə dönüş idi. Xalq bu dönüşü “qurtuluş” adlandırdı. Və tarix bu adı təsdiqlədi. Əslində, Heydər Əliyevin həyatı boyu gördüyü bütün işlər bir vəsiyyət idi. Gələcək nəsillərə, Azərbaycan gəncliyinə, dövlət məmurlarına, əsgərə, müəllimə – bu xalqın hər bir nümayəndəsinə ünvanlanmış böyük bir dövlətçilik vəsiyyəti. Azərbaycanın müstəqilliyi əbədi olmalıdır. Ərazi bütövlüyü bərpa edilməlidir. Azərbaycan güclü dövlətə çevrilməlidir. Xalq öz lideri ətrafında birləşməlidir. Bu vəsiyyətlərə sadiqlik isə cənab Prezident İlham Əliyevin siyasi missiyası oldu. O günlərdən düz 30 il keçdi. Və tarix göstərdi ki, Ulu öndər Heydər Əliyevin vəsiyyətinə ən layiqli cavab onun yetirməsi – cənab Prezident İlham Əliyev tərəfindən verildi. Onun rəhbərliyi ilə Azərbaycan cəmi bir neçə il ərzində sabitlik adasına çevrildi. Regional gücə, sonra isə beynəlxalq platformalarda hörmət edilən aktora çevrildi. 2020-ci ildə 44 günlük müharibədə tarixi Zəfər qazanaraq torpaqlarını azad etdi. Bu, sadəcə hərbi qələbə deyildi – bu, Ata vəsiyyətinin yerinə yetirilməsi idi. Cənab Prezident Zəfər çıxışında demişdir: “Biz bu Zəfərlə təkcə torpaqlarımızı deyil, tariximizi, ruhumuzu, inamımızı, ata vəsiyyətimizi də azad etdik.” Beləcə də Qurtuluşdan Zəfərə –hətta tarixə sığmayan yol başladı. Yəni, 1993-cü il – dövlət quruculuğunun başlanğıcı, 2003-cü il – inkişafın və vəsiyyətə sadiqliyin yeni mərhələsi, 2020-ci il – Zəfər, 2023-cü il – suverenliyin tam bərpası oldu. Bu xətt yalnız dövlətin taleyini deyil, xalqın ruhunu da dəyişdi. Azərbaycanlı özünə qayıtdı. Şəhidlərin ruhu rahatlıq tapdı. Qayıdışlar başlandı. Yollar çəkildi, bayraqlar ucaldı. Və bu gün – 15 iyun 2025-ci il tarixində – artıq “qurtuluş” sözünün mənası daha dərindir. O, həm də “vəfalılıq” sözüdür. Ulu öndər Heydər Əliyevə, onun ideyalarına, onun vəsiyyətinə və Azərbaycan xalqına olan sədaqətin simvoludur. Əgər bu gün Ulu öndər Heydər Əliyev bu xalqın suveren Şuşada qürurla dalğalanan bayrağını görsəydi, gözləri yaşarardı. O, bu zəfəri ömrü boyu arzulamış, bu vətənin azad gələcəyi üçün çalışmışdı. Bu gün biz onun ruhu qarşısında baş əyərək deyirik. Sizin vəsiyyətiniz yerinə yetirildi. Azərbaycan bütövdür. Azərbaycan qalib dövlətdir. Ulu öndərin dediyi kimi; “Gələcək nəsillər bu tarixi daha dərindən dərk etdikcə, bizim nə qədər böyük yol keçdiyimizi daha yaxşı anlayacaqlar.” Yekun olaraq deyə bilərik ki, 15 İyun – Milli Qurtuluş Günü təkcə keçmişin xatirəsi deyil, həm də gələcəyə aparan yolun başlanğıcıdır. Hər bir azərbaycanlı bu günün mənasını dərindən anlamalı, onun tarixdəki yerini qorumalı və Ulu Öndərin ideyalarına daim sadiq qalmalıdır.
David İbramxəlilov,
YAP Qusar rayon təşkilatının sədri.
Məlumatlanmaq üçün Facebook səhifəmizi
Xəbəri paylaş
Digər xəbərlər
jpeg-1749562593.jpeg)
10-06-2025
