Kamaləddin Qafarov: “Azərbaycanın qlobal təşəbbüsləri Türk dünyasının inkişafına xidmət edir”
Tarix: 24-05-2025 | Saat: 17:39
Bölmə:Siyasət / Seçilənlər-2 | çapa göndər
“Türk dövlətləri arasında dostluq və qardaşlıq əlaqələrinin gücləndirilməsi Azərbaycanın xarici siyasətinin prioritet istiqamətlərindən biridir. Keçən ilin iyul ayında Şuşada keçirilmiş Türk Dövlətləri Təşkilatının Dövlət başçılarının qeyri-rəsmi Zirvə görüşü də Türk dünyasının daha da güclənməsi istiqamətində atılmış növbəti mühüm addım olmuşdur”.
Bu sözləri mətbuata verdiyi açıqlamasında Milli Məclisin deputatı Kamaləddin Qafarov deyib.
O, bildirib ki, Macarıstanın paytaxtı Budapeşt şəhərində bu il may ayının 21-də isə Təşkilatın ikinci qeyri-rəsmi Zirvə görüşü keçirilib. “Diqqətəlayiq haldır ki, Macarıstan Türk Dövlətləri Təşkilatında yalnız müşahidəçi qismində iştirak edir. Bununla belə, rəsmi Budapeşt bu mühüm beynəlxalq tədbirə ev sahibliyi etməklə bir daha özünün müstəqil xarici siyasət yürütdüyünü və tarixi köklərinə sadiqliyini təsdiqləmiş oldu. Türk dünyasının birləşməsi bütün türkdilli xalqların gələcəyi üçün son dərəcə önəmlidir. Buna görə də Türk Dövlətləri Təşkilatına üzv olan bütün ölkələr bu istiqamətdə böyük səylər göstərirlər. Təbii ki, Azərbaycan üzv olduğu bütün digər beynəlxalq təşkilatlardakı kimi, Türk Dövlətləri Təşkilatında mühüm təşəbbüslərlə çıxış edir. Budapeşt Sammitində etdiyi çıxışında cənab Prezident İlham Əliyev bildirdi ki, bu il Azərbaycan Türk Dövlətləri Təşkilatının növbəti rəsmi Zirvə görüşünə ev sahibliyi edəcək. Qeyd olundu ki, indiyədək Azərbaycan ümumilikdə təşkilatın üzv ölkələrinə 20 milyard ABŞ dollarından çox sərmayə qoymuşdur. Bu il Türk İnvestisiya Fondunun rəsmi olaraq fəaliyyətə başlaması nəzərdə tutulur ki, bu da ümumilikdə Türk dünyasının inkişafına və inteqrasiyasına böyük töhfə olacaq. Hazırda ölkəmizin türk dövlətləri ilə nəqliyyat sahəsində əməkdaşlığı getdikcə güclənir. Son illər ərzində Azərbaycanda nəqliyyat infrastrukturuna - avtomobil yollarına, dəmir yolu xətlərinə, dəniz limanına, gəmiqayırma zavoduna, hava nəqliyyatına böyük həcmdə sərmayələr qoyulmuşdur. Nəticədə, açıq dənizlərə çıxışı olmayan Azərbaycan Avrasiyanın əsas nəqliyyat-logistika mərkəzlərindən birinə çevrilmişdir.”
K.Qafarov qeyd edib ki, Azərbaycanın beynəlxalq nəqliyyat - logistika sahəsində irəli sürdüyü təşəbbüslər, iştirak etdiyi transmilli layihələr Avrasiya kimi nəhəng coğrafiyada yerləşən bir çox ölkələrin inkişafına mühüm töhfələr verir: “Dövlət başçımızın çıxışında qeyd olunduğu kimi, keçən il Türkiyәnin vә Mәrkәzi Asiya dövlәtlәrinin Azәrbaycan ərazisindən tranzit keçәn daşımalarının hәcmi 11 milyon ton təşkil etmişdir. Azərbaycan qonşu ölkələrlə yeni əməkdaşlıq formatları yaratmış, müştərək müəssisələr qurulmuşdur. Orta Dəhlizin bir hissəsi olan Bakı-Tbilisi-Qars dəmir yolunun daşıma qabiliyyəti keçən il Azərbaycanın vəsaiti hesabına 5 milyon tona çatdırılmışdır. Təbii ki, bütün bu göstəricilər təkcə Azərbaycanın deyil, bu beynəlxalq layihələrin bütün iştirakçı ölkələrinin iqtisadi inkişafına böyük töhfədir. Əminliklə demək olar ki, bu müsbət tendensiya gələcəkdə daha yüksək dinamika ilə davam edəcək”.
Məlumatlanmaq üçün Facebook səhifəmizi
Digər xəbərlər
Tarix: 24-05-2025 | Saat: 17:39
Bölmə:Siyasət / Seçilənlər-2 | çapa göndər
“Türk dövlətləri arasında dostluq və qardaşlıq əlaqələrinin gücləndirilməsi Azərbaycanın xarici siyasətinin prioritet istiqamətlərindən biridir. Keçən ilin iyul ayında Şuşada keçirilmiş Türk Dövlətləri Təşkilatının Dövlət başçılarının qeyri-rəsmi Zirvə görüşü də Türk dünyasının daha da güclənməsi istiqamətində atılmış növbəti mühüm addım olmuşdur”.
Bu sözləri mətbuata verdiyi açıqlamasında Milli Məclisin deputatı Kamaləddin Qafarov deyib.
O, bildirib ki, Macarıstanın paytaxtı Budapeşt şəhərində bu il may ayının 21-də isə Təşkilatın ikinci qeyri-rəsmi Zirvə görüşü keçirilib. “Diqqətəlayiq haldır ki, Macarıstan Türk Dövlətləri Təşkilatında yalnız müşahidəçi qismində iştirak edir. Bununla belə, rəsmi Budapeşt bu mühüm beynəlxalq tədbirə ev sahibliyi etməklə bir daha özünün müstəqil xarici siyasət yürütdüyünü və tarixi köklərinə sadiqliyini təsdiqləmiş oldu. Türk dünyasının birləşməsi bütün türkdilli xalqların gələcəyi üçün son dərəcə önəmlidir. Buna görə də Türk Dövlətləri Təşkilatına üzv olan bütün ölkələr bu istiqamətdə böyük səylər göstərirlər. Təbii ki, Azərbaycan üzv olduğu bütün digər beynəlxalq təşkilatlardakı kimi, Türk Dövlətləri Təşkilatında mühüm təşəbbüslərlə çıxış edir. Budapeşt Sammitində etdiyi çıxışında cənab Prezident İlham Əliyev bildirdi ki, bu il Azərbaycan Türk Dövlətləri Təşkilatının növbəti rəsmi Zirvə görüşünə ev sahibliyi edəcək. Qeyd olundu ki, indiyədək Azərbaycan ümumilikdə təşkilatın üzv ölkələrinə 20 milyard ABŞ dollarından çox sərmayə qoymuşdur. Bu il Türk İnvestisiya Fondunun rəsmi olaraq fəaliyyətə başlaması nəzərdə tutulur ki, bu da ümumilikdə Türk dünyasının inkişafına və inteqrasiyasına böyük töhfə olacaq. Hazırda ölkəmizin türk dövlətləri ilə nəqliyyat sahəsində əməkdaşlığı getdikcə güclənir. Son illər ərzində Azərbaycanda nəqliyyat infrastrukturuna - avtomobil yollarına, dəmir yolu xətlərinə, dəniz limanına, gəmiqayırma zavoduna, hava nəqliyyatına böyük həcmdə sərmayələr qoyulmuşdur. Nəticədə, açıq dənizlərə çıxışı olmayan Azərbaycan Avrasiyanın əsas nəqliyyat-logistika mərkəzlərindən birinə çevrilmişdir.”
K.Qafarov qeyd edib ki, Azərbaycanın beynəlxalq nəqliyyat - logistika sahəsində irəli sürdüyü təşəbbüslər, iştirak etdiyi transmilli layihələr Avrasiya kimi nəhəng coğrafiyada yerləşən bir çox ölkələrin inkişafına mühüm töhfələr verir: “Dövlət başçımızın çıxışında qeyd olunduğu kimi, keçən il Türkiyәnin vә Mәrkәzi Asiya dövlәtlәrinin Azәrbaycan ərazisindən tranzit keçәn daşımalarının hәcmi 11 milyon ton təşkil etmişdir. Azərbaycan qonşu ölkələrlə yeni əməkdaşlıq formatları yaratmış, müştərək müəssisələr qurulmuşdur. Orta Dəhlizin bir hissəsi olan Bakı-Tbilisi-Qars dəmir yolunun daşıma qabiliyyəti keçən il Azərbaycanın vəsaiti hesabına 5 milyon tona çatdırılmışdır. Təbii ki, bütün bu göstəricilər təkcə Azərbaycanın deyil, bu beynəlxalq layihələrin bütün iştirakçı ölkələrinin iqtisadi inkişafına böyük töhfədir. Əminliklə demək olar ki, bu müsbət tendensiya gələcəkdə daha yüksək dinamika ilə davam edəcək”.
Məlumatlanmaq üçün Facebook səhifəmizi
Xəbəri paylaş
Digər xəbərlər
jpg-1748000716.jpg)
24-05-2025
23-05-2025
