Almaniya ilə yeni strateji əməkdaşlığa doğru
Tarix: 04-04-2025 | Saat: 10:34
Bölmə:Siyasət | çapa göndər
Aprelin 2-də Bakıda Azərbaycan Respublikasının Prezidenti cənab İlham Əliyev və Almaniya Federativ Respublikasının Prezidenti Frank-Valter Ştaynmayer arasında mühüm görüş baş tutdu. Bu görüş çərçivəsində liderlər iki ölkə arasında siyasi, iqtisadi və enerji sahələrində əməkdaşlığın inkişafı barədə ətraflı müzakirələr apardılar. Prezident İlham Əliyevin bəyanatında vurğulandığı kimi, bu səfər Azərbaycan-Almaniya münasibətlərinə yeni bir təkan vermək baxımından mühüm əhəmiyyət kəsb edir. Son illərdə Azərbaycan və Almaniya arasında siyasi dialoq daha intensiv xarakter alıb. Xüsusilə keçən il Prezident İlham Əliyevin Berlində keçirdiyi görüşlər və bu il Almaniya Prezidentinin Azərbaycana ilk rəsmi səfəri bu münasibətlərin daha da möhkəmlənməsinə xidmət edir. "Mən şadam ki, bizim aramızda siyasi dialoq müntəzəm olaraq aparılır,"-deyə Azərbaycan Prezidenti qeyd etdi. Cənab Prezident bildirdi ki, “Həm təkbətək görüşdə söhbət əsnasında, həm də nümayəndə heyətlərinin iştirakı ilə apardığımız danışıqlarda Almaniya-Azərbaycan əlaqələrinin gələcək inkişafı müzakirə edilmişdir. Mən tam əminəm ki, bu səfər bizim əlaqələrimizə yeni müsbət təkan verəcəkdir. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir”. Söhbət zamanı Cənubi Qafqazda sülh və sabitliyin təmin olunması məsələsi də diqqət mərkəzində olub. Prezident İlham Əliyev Azərbaycanın uzun müddət Ermənistanın işğalı nəticəsində qarşılaşdığı çətinlikləri xatırladaraq, ölkəmizin beynəlxalq hüququn prinsiplərinə əsaslanaraq ərazi bütövlüyünü bərpa etdiyini vurğuladı. O, hazırda Ermənistanla aparılan sülh danışıqlarının müsbət istiqamətdə irəlilədiyini və bu prosesin uğurla yekunlaşacağına ümid etdiyini bildirdi. “Azərbaycan 30 il ərzində erməni işğalından əziyyət çəkmişdir. Bizim xalqımız etnik təmizləməyə məruz qalmışdır. Bir milyon azərbaycanlı erməni aqressiyasına görə evsiz-eşiksiz qalmışdır və torpaqlarımızın təxminən 20 faizi işğal altına düşmüşdür. Əfsuslar olsun ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Hesab edirəm ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır” –Prezident İlham Əliyev bəyanatında bildirib. Azərbaycan və Almaniya arasında ticarət dövriyyəsinin kəskin artması iqtisadi əlaqələrin güclənməsinin bariz nümunəsidir. Prezident İlham Əliyevin sözlərinə görə, cari ilin ilk iki ayı ərzində iki ölkə arasında ticarət dövriyyəsi üç dəfə artıb. Bu artımın əsas səbəbi Azərbaycanın Almaniyaya ixrac etdiyi neftin həcminin artması olub. Bununla yanaşı, Azərbaycan iqtisadi əlaqələrin yalnız enerji sektoru ilə məhdudlaşmasını istəmir və ticarət dövriyyəsinin şaxələndirilməsi üçün Almaniya ilə əməkdaşlığı genişləndirmək niyyətindədir. Xüsusilə bərpaolunan enerji sahəsində Almaniya şirkətləri ilə əməkdaşlıq böyük perspektivlər vəd edir. "Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır," – deyə dövlət başçısı bildirib. Azərbaycanın ev sahibliyi etdiyi COP29 beynəlxalq iqlim konfransı çərçivəsində Almaniya ilə iqlim dəyişikliklərinə qarşı mübarizə və yaşıl enerji sahəsində əməkdaşlıq məsələləri də geniş müzakirə edilib. Liderlərin görüşündə qlobal siyasi proseslər də müzakirə olundu. Amerika-Avropa İttifaqı münasibətlərindəki gərginlik, Rusiya və Qərb arasında davam edən geosiyasi çəkişmələr dünyada iqtisadi və siyasi balanslara təsir edən əsas amillər kimi qiymətləndirildi. Cənab Prezidendt tərəfindən Azərbaycanın regionda sülh və sabitliyin təmin olunmasına xüsusi önəm verdiyi bir daha vurğulandı. Prezident İlham Əliyev qeyd etdi ki, ölkəmiz öz müstəqil siyasətini yürüdərək, beynəlxalq səviyyədə etibarlı tərəfdaş imicini qoruyub saxlayır. Almaniya Prezidentinin Azərbaycana ilk rəsmi səfəri iki ölkə arasında münasibətlərin daha da möhkəmlənməsinə imkan yaradacaq. "Bu səfər bizim əlaqələrimizə yeni müsbət təkan verəcəkdir," – deyə Prezident İlham Əliyev bəyan etdi. Azərbaycan və Almaniya arasında strateji tərəfdaşlığın dərinləşməsi təkcə iki ölkə üçün deyil, bütövlükdə region üçün mühüm əhəmiyyət daşıyır. Enerji, ticarət, texnologiya və iqlim dəyişikliyi sahələrində əməkdaşlıq yeni imkanlar yaradır və bu istiqamətdə gələcək layihələrin icrası gözlənilir. Bu səfər, şübhəsiz ki, Azərbaycan-Almaniya əlaqələrinin inkişafında tarixi hadisə kimi qiymətləndirilməlidir. İkitərəfli münasibətlərin möhkəmlənməsi regional və beynəlxalq əməkdaşlığa da müsbət təsir edəcək.
Arif Fərzəliyev,
YAP Cəbrayıl rayon təşkilatının sədri.
Məlumatlanmaq üçün Facebook səhifəmizi
Digər xəbərlər
Tarix: 04-04-2025 | Saat: 10:34
Bölmə:Siyasət | çapa göndər
Aprelin 2-də Bakıda Azərbaycan Respublikasının Prezidenti cənab İlham Əliyev və Almaniya Federativ Respublikasının Prezidenti Frank-Valter Ştaynmayer arasında mühüm görüş baş tutdu. Bu görüş çərçivəsində liderlər iki ölkə arasında siyasi, iqtisadi və enerji sahələrində əməkdaşlığın inkişafı barədə ətraflı müzakirələr apardılar. Prezident İlham Əliyevin bəyanatında vurğulandığı kimi, bu səfər Azərbaycan-Almaniya münasibətlərinə yeni bir təkan vermək baxımından mühüm əhəmiyyət kəsb edir. Son illərdə Azərbaycan və Almaniya arasında siyasi dialoq daha intensiv xarakter alıb. Xüsusilə keçən il Prezident İlham Əliyevin Berlində keçirdiyi görüşlər və bu il Almaniya Prezidentinin Azərbaycana ilk rəsmi səfəri bu münasibətlərin daha da möhkəmlənməsinə xidmət edir. "Mən şadam ki, bizim aramızda siyasi dialoq müntəzəm olaraq aparılır,"-deyə Azərbaycan Prezidenti qeyd etdi. Cənab Prezident bildirdi ki, “Həm təkbətək görüşdə söhbət əsnasında, həm də nümayəndə heyətlərinin iştirakı ilə apardığımız danışıqlarda Almaniya-Azərbaycan əlaqələrinin gələcək inkişafı müzakirə edilmişdir. Mən tam əminəm ki, bu səfər bizim əlaqələrimizə yeni müsbət təkan verəcəkdir. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir”. Söhbət zamanı Cənubi Qafqazda sülh və sabitliyin təmin olunması məsələsi də diqqət mərkəzində olub. Prezident İlham Əliyev Azərbaycanın uzun müddət Ermənistanın işğalı nəticəsində qarşılaşdığı çətinlikləri xatırladaraq, ölkəmizin beynəlxalq hüququn prinsiplərinə əsaslanaraq ərazi bütövlüyünü bərpa etdiyini vurğuladı. O, hazırda Ermənistanla aparılan sülh danışıqlarının müsbət istiqamətdə irəlilədiyini və bu prosesin uğurla yekunlaşacağına ümid etdiyini bildirdi. “Azərbaycan 30 il ərzində erməni işğalından əziyyət çəkmişdir. Bizim xalqımız etnik təmizləməyə məruz qalmışdır. Bir milyon azərbaycanlı erməni aqressiyasına görə evsiz-eşiksiz qalmışdır və torpaqlarımızın təxminən 20 faizi işğal altına düşmüşdür. Əfsuslar olsun ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Hesab edirəm ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır” –Prezident İlham Əliyev bəyanatında bildirib. Azərbaycan və Almaniya arasında ticarət dövriyyəsinin kəskin artması iqtisadi əlaqələrin güclənməsinin bariz nümunəsidir. Prezident İlham Əliyevin sözlərinə görə, cari ilin ilk iki ayı ərzində iki ölkə arasında ticarət dövriyyəsi üç dəfə artıb. Bu artımın əsas səbəbi Azərbaycanın Almaniyaya ixrac etdiyi neftin həcminin artması olub. Bununla yanaşı, Azərbaycan iqtisadi əlaqələrin yalnız enerji sektoru ilə məhdudlaşmasını istəmir və ticarət dövriyyəsinin şaxələndirilməsi üçün Almaniya ilə əməkdaşlığı genişləndirmək niyyətindədir. Xüsusilə bərpaolunan enerji sahəsində Almaniya şirkətləri ilə əməkdaşlıq böyük perspektivlər vəd edir. "Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır," – deyə dövlət başçısı bildirib. Azərbaycanın ev sahibliyi etdiyi COP29 beynəlxalq iqlim konfransı çərçivəsində Almaniya ilə iqlim dəyişikliklərinə qarşı mübarizə və yaşıl enerji sahəsində əməkdaşlıq məsələləri də geniş müzakirə edilib. Liderlərin görüşündə qlobal siyasi proseslər də müzakirə olundu. Amerika-Avropa İttifaqı münasibətlərindəki gərginlik, Rusiya və Qərb arasında davam edən geosiyasi çəkişmələr dünyada iqtisadi və siyasi balanslara təsir edən əsas amillər kimi qiymətləndirildi. Cənab Prezidendt tərəfindən Azərbaycanın regionda sülh və sabitliyin təmin olunmasına xüsusi önəm verdiyi bir daha vurğulandı. Prezident İlham Əliyev qeyd etdi ki, ölkəmiz öz müstəqil siyasətini yürüdərək, beynəlxalq səviyyədə etibarlı tərəfdaş imicini qoruyub saxlayır. Almaniya Prezidentinin Azərbaycana ilk rəsmi səfəri iki ölkə arasında münasibətlərin daha da möhkəmlənməsinə imkan yaradacaq. "Bu səfər bizim əlaqələrimizə yeni müsbət təkan verəcəkdir," – deyə Prezident İlham Əliyev bəyan etdi. Azərbaycan və Almaniya arasında strateji tərəfdaşlığın dərinləşməsi təkcə iki ölkə üçün deyil, bütövlükdə region üçün mühüm əhəmiyyət daşıyır. Enerji, ticarət, texnologiya və iqlim dəyişikliyi sahələrində əməkdaşlıq yeni imkanlar yaradır və bu istiqamətdə gələcək layihələrin icrası gözlənilir. Bu səfər, şübhəsiz ki, Azərbaycan-Almaniya əlaqələrinin inkişafında tarixi hadisə kimi qiymətləndirilməlidir. İkitərəfli münasibətlərin möhkəmlənməsi regional və beynəlxalq əməkdaşlığa da müsbət təsir edəcək.
Arif Fərzəliyev,
YAP Cəbrayıl rayon təşkilatının sədri.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
