Azərbaycan-Almaniya münasibətləri: çoxşaxəli əməkdaşlıq davamlı inkişaf amili kimi - ŞƏRH
Tarix: 03-04-2025 | Saat: 12:33
Bölmə:Manşet / Siyasət | çapa göndər
Almaniya Federativ Respublikasının Prezidenti Frank-Valter Ştaynmayerin Azərbaycana rəsmi səfəri iki ölkə arasında əlaqələrin inkişafı baxımından mühüm əhəmiyyət kəsb edir. Həm təkbətək görüşlərdə, həm də nümayəndə heyətlərinin iştirakı ilə keçirilən müzakirələrdə ikitərəfli əlaqələrin inkişaf perspektivləri nəzərdən keçirilib. Azərbaycan Prezidenti İlham Əliyev bu səfərin münasibətlərə yeni müsbət təkan verəcəyinə inamını ifadə edib.
İki ölkə arasında qarşılıqlı etimad və əməkdaşlıq əsasında formalaşan davamlı siyasi dialoq mühiti mövcuddur ki, bu da strateji maraqların uzlaşdırılmasına, regional və qlobal məsələlər üzrə birgə mövqelərin müəyyən edilməsinə şərait yaradır. Azərbaycan 30 il ərzində erməni işğalından əziyyət çəkmişdir. Beynəlxalq təşkilatların bu məsələyə ciddi müdaxilə etməməsinə baxmayaraq, Azərbaycan beynəlxalq hüququ bərpa edərək münaqişəni öz gücü ilə həll etmişdir. Hazırda Azərbaycan və Ermənistan arasında sülh prosesinin davam etməsi regional təhlükəsizliyin təmin olunması baxımından mühüm əhəmiyyət daşıyır.
İqtisadi sahədə Azərbaycan ilə Almaniya arasında əməkdaşlıq son illərdə nəzərəçarpacaq dərəcədə genişlənib. Azərbaycan 2030-cu ilə qədər bərpaolunan enerji istehsal gücünü 6 giqavata çatdırmağı planlaşdırır və bu layihələrin bir hissəsi Avropa bazarına yönəldiləcəkdir. Bu sahədə Almaniyanın geniş təcrübəsi Azərbaycanın strateji məqsədləri ilə üst-üstə düşür və enerji sahəsində tərəfdaşlıq üçün yeni imkanlar yaradır. Dövlətimizin başçısı qeyd edib ki, bu ilin yanvar-fevral aylarında bizim ticarət dövriyyəmiz təxminən üç dəfə artıb: “Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var”.
Azərbaycan və Almaniya ekoloji siyasət sahəsində sıx əməkdaşlıq edərək qlobal iqlim problemlərinin həllinə töhfə verə bilər. Azərbaycanın ev sahibliyi etdiyi COP29 beynəlxalq iqlim konfransı qlobal iqlim gündəliyində mühüm yer tutmuş və dünya ictimaiyyətinin diqqət mərkəzində olmuşdur. 197 ölkəni təmsil edən 77 mindən çox iştirakçının qatıldığı bu konfrans uğurlu nəticələrlə yadda qalmışdır. Almaniya bu istiqamətdə Azərbaycanla sıx əməkdaşlıq edir.
Azərbaycan və Almaniya prezidentləri arasında keçirilən görüşdə dünya siyasətində aktual məsələlər, o cümlədən ABŞ-Avropa İttifaqı münasibətləri və Rusiya-Qərb gərginliyi kimi mövzular da müzakirə olunmuşdur. Bu məsələlər beynəlxalq münasibətlərin inkişafına təsir göstərdiyi üçün onların hərtərəfli müzakirəsi və əməkdaşlıq perspektivləri xüsusi əhəmiyyət kəsb edir.
Bütövlükdə, iqtisadi əməkdaşlığın genişləndirilməsi, enerji sektorunda tərəfdaşlıq və ekoloji problemlərin həlli istiqamətində birgə səylər iki ölkənin qarşılıqlı maraqlarına xidmət edir. Almaniya Prezidentinin Azərbaycana ilk rəsmi səfəri bu əlaqələrin inkişafına təkan verəcək və qarşılıqlı əməkdaşlığın yeni mərhələyə keçməsinə şərait yaradacaqdır.
Heydər Əsədov
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 03-04-2025 | Saat: 12:33
Bölmə:Manşet / Siyasət | çapa göndər
Almaniya Federativ Respublikasının Prezidenti Frank-Valter Ştaynmayerin Azərbaycana rəsmi səfəri iki ölkə arasında əlaqələrin inkişafı baxımından mühüm əhəmiyyət kəsb edir. Həm təkbətək görüşlərdə, həm də nümayəndə heyətlərinin iştirakı ilə keçirilən müzakirələrdə ikitərəfli əlaqələrin inkişaf perspektivləri nəzərdən keçirilib. Azərbaycan Prezidenti İlham Əliyev bu səfərin münasibətlərə yeni müsbət təkan verəcəyinə inamını ifadə edib.
İki ölkə arasında qarşılıqlı etimad və əməkdaşlıq əsasında formalaşan davamlı siyasi dialoq mühiti mövcuddur ki, bu da strateji maraqların uzlaşdırılmasına, regional və qlobal məsələlər üzrə birgə mövqelərin müəyyən edilməsinə şərait yaradır. Azərbaycan 30 il ərzində erməni işğalından əziyyət çəkmişdir. Beynəlxalq təşkilatların bu məsələyə ciddi müdaxilə etməməsinə baxmayaraq, Azərbaycan beynəlxalq hüququ bərpa edərək münaqişəni öz gücü ilə həll etmişdir. Hazırda Azərbaycan və Ermənistan arasında sülh prosesinin davam etməsi regional təhlükəsizliyin təmin olunması baxımından mühüm əhəmiyyət daşıyır.
İqtisadi sahədə Azərbaycan ilə Almaniya arasında əməkdaşlıq son illərdə nəzərəçarpacaq dərəcədə genişlənib. Azərbaycan 2030-cu ilə qədər bərpaolunan enerji istehsal gücünü 6 giqavata çatdırmağı planlaşdırır və bu layihələrin bir hissəsi Avropa bazarına yönəldiləcəkdir. Bu sahədə Almaniyanın geniş təcrübəsi Azərbaycanın strateji məqsədləri ilə üst-üstə düşür və enerji sahəsində tərəfdaşlıq üçün yeni imkanlar yaradır. Dövlətimizin başçısı qeyd edib ki, bu ilin yanvar-fevral aylarında bizim ticarət dövriyyəmiz təxminən üç dəfə artıb: “Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var”.
Azərbaycan və Almaniya ekoloji siyasət sahəsində sıx əməkdaşlıq edərək qlobal iqlim problemlərinin həllinə töhfə verə bilər. Azərbaycanın ev sahibliyi etdiyi COP29 beynəlxalq iqlim konfransı qlobal iqlim gündəliyində mühüm yer tutmuş və dünya ictimaiyyətinin diqqət mərkəzində olmuşdur. 197 ölkəni təmsil edən 77 mindən çox iştirakçının qatıldığı bu konfrans uğurlu nəticələrlə yadda qalmışdır. Almaniya bu istiqamətdə Azərbaycanla sıx əməkdaşlıq edir.
Azərbaycan və Almaniya prezidentləri arasında keçirilən görüşdə dünya siyasətində aktual məsələlər, o cümlədən ABŞ-Avropa İttifaqı münasibətləri və Rusiya-Qərb gərginliyi kimi mövzular da müzakirə olunmuşdur. Bu məsələlər beynəlxalq münasibətlərin inkişafına təsir göstərdiyi üçün onların hərtərəfli müzakirəsi və əməkdaşlıq perspektivləri xüsusi əhəmiyyət kəsb edir.
Bütövlükdə, iqtisadi əməkdaşlığın genişləndirilməsi, enerji sektorunda tərəfdaşlıq və ekoloji problemlərin həlli istiqamətində birgə səylər iki ölkənin qarşılıqlı maraqlarına xidmət edir. Almaniya Prezidentinin Azərbaycana ilk rəsmi səfəri bu əlaqələrin inkişafına təkan verəcək və qarşılıqlı əməkdaşlığın yeni mərhələyə keçməsinə şərait yaradacaqdır.
Heydər Əsədov
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
03-04-2025
