Mobil versiya
“Bu, çox gözəl imkandır” - Tale Heydərov
Tarix: 01-02-2017 | Saat: 14:19
Bölmə:Gündəm / Manşet | çapa göndər

“Bu, çox gözəl imkandır” - Tale Heydərov








Yanvarın 31-də Almaniyanın paytaxtı Berlində keçirilən “L’Oreal Professionnel” brendinin illik tədbirində gənc almaniyalı dizayner Leoni Mergenin “Qarabağ kolleksiyası”nı özəl auditoriya qarşısında təqdim edilib.

“L’Oreal” 22 milyard avro gəliri və 77 min işçisi olan dünyanın ən böyük kosmetika şirkətidir. Bu kolleksiyada Qarabağ mövzusu və mədəni irsi təqdim olunub.

Bu ilin 18 yanvar tarixində Berlində “MERSEDES BENZ MODA HƏFTƏSİ” çərçivəsində Avropa Azərbaycan Cəmiyyətinin (TEAS) dəstəyi ilə Leoni Mergenin yüksək dəyərləndirilmiş “Qarabağ kolleksiyası” ictimaiyyət və moda aləminə təqdim edildikdən sonra “L’Oreal Professionnel” tərəfindən ozünün illik tədbiri üçün seçilib.

Leoni hazırkı kolleksiyasını Azərbaycanın zəngin mədəni irsindən ruhlanaraq ərsəyə gətirib. Bu kolleksiya Azərbaycanın Qarabağ regionunun ənənəvi geyimlərindən ilhamlanan silsilə parçalarından ibarətdir. Ansambllarda ölkənin məşhur parçalarını xatırladan bəzəklər həm kişi, həm qadın geyimi görünüşünü yaradan yaxaları və qollu çuxalar təqdim olunub. Tarixi İpək Yolunda birləşdirici mərkəz və atçılıq sahəsində lider olmuş Azərbaycanın irsi Leoninin kolleksiyasında mühüm rol oynayır. Atçılığın təsiri ilə yaradılmış dəri aksessuarları və mürəkkəb ipək elementləri onun dizayn variasiyalarında aydın görünür.

Avropa Azərbaycan Cəmiyyətinin sədri və təsisçisi Tale Heydərov Qarabağ kolleksiyasının TEAS üçün çox maraqlı layihə olduğunu deyib: “Biz gənc berlinli dizayner Leoni Mergenin Azərbaycan mədəniyyətindən ruhlanan moda kolleksiyasını dünya auditoriyası qarşısında təqdim etmək və və bu layihəni dəstəkləməkdən məmnunuq. Beynəlxalq media məkanında yüksək səviyyədə işıqlandırılan və geniş auditoriyanın diqqətini cəlb edən “Qarabağ kolleksiyası”nın təqdimatı çərçivəsində Dağlıq Qarabağın Ermənistanın işğalı altında olduğunu göstərmək və milli mədəni irsimizi qorumaq üçün çox gözəl imkandır.”



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
29-03-2024