Heydər Əsədov: Müasir çağırışlara cavab verən uğurlu gənclər siyasəti: perspektiv inkişaf üçün etibarlı zəmin
Tarix: 31-01-2025 | Saat: 15:11
Bölmə:Manşet / Siyasət | çapa göndər
Gənclər hər bir cəmiyyətin inkişafının əsas qüvvəsidir. Onların sosial, iqtisadi, mədəni və siyasi həyatdakı fəallığı inkişaf prosesinin davamlılığını təmin edir.
Ulu Öndər Heydər Əliyevin təşəbbüsü ilə 1997-ci ildən etibarən 2 fevral tarixinin ölkəmizdə Azərbaycan Gəncləri Günü kimi qeyd olunması ənənəsi bir daha təsdiq edir ki, gənclər siyasəti insan kapitalının məqsədyönlü inkişafının əsas istiqamətlərindəndir.
Ümummilli Lider gənclər sahəsində dövlət siyasətinin uğurla həyata keçirilməsi məqsədilə zəruri qanunvericilik bazasının formalaşdırılmasını təmin etmişdir. Gənclərlə bağlı bütün məsələlərin həllinə yönələn, onların öz qabiliyyətlərinin inkişaf etdirmələrinə yol açan fərman və sərəncamlar, qanunlar və Dövlət proqramları gənc nəslin mütəşəkkil qüvvə kimi formalaşmasına, mənəvi-ideoloji cəhətdən tam yetkinləşməsinə müsbət təsir göstərmişdir.
Ulu Öndər tərəfindən təməli qoyulmuş və bu gün Prezident İlham Əliyevin rəhbərliyi ilə uğurla davam etdirilən dövlət gənclər siyasəti Azərbaycanda gənc nəslin mənəviyyatca zəngin, vətənpərvərlik ruhunda tərbiyəsi, onların hərtərəfli inkişafı və ölkə həyatında fəal iştirakı üçün mühüm zəmin yaradır. Gənclər siyasətində milli və dövlətçilik maraqlarının prioritet olması 2020-ci ilin 44 günlük Vətən müharibəsində həlledici rol oynayıb. Müharibədə əsas missiyanı məhz Ali Baş Komandan İlham Əliyevin prezidentliyi dövründə yetişən gənclər yerinə yetiriblər.
Azərbaycan Prezidentinin təşəbbüsü ilə həyata keçirilən gənclər siyasətinin əsas istiqamətlərindən biri təhsil sahəsini əhatə edir. Gənclərin dünyəvi, yüksək səviyyədə təhsil almaları üçün müasir standartlara uyğun infrastruktur yaradılmışdır. Qabaqcıl proqramları çərçivəsində xarici ölkələrdə təhsil almaq üçün yaradılan imkanlar gənclərin yüksək ixtisaslı mütəxəssislər olaraq yetişməsinə şərait yaradır.
Gənclərlə bağlı sosial-iqtisadi məsələlərin həlli istiqamətində bir sıra təşəbbüslər həyata keçirilmişdir. Gənc sahibkarlara dəstək məqsədilə güzəştli kreditlər, startap layihələrinə maliyyə yardımları təmin edilmişdir. Bu cür təşəbbüslər gənclərin iqtisadiyyatın müxtəlif sahələrində fəaliyyət göstərərək ölkənin inkişafına mühüm töhfələr verməsini mümkün edir.
Prezident İlham Əliyev, həmçinin gənclərin ictimai-siyasi həyatda fəal iştirakını təşviq edir. Həyata keçirilən proqramlar gənclərin liderlik bacarıqlarının inkişafına, eləcə də cəmiyyətin müxtəlif sahələrində təmsil olunmasına imkan verir.
Gənclərin beynəlxalq aləmdəki uğurları da dövlətin gənclər siyasətinin səmərəliliyinin göstəricisidir.
Azərbaycan gənclərinin potensialını üzə çıxarmaq, onların təhsil və iş imkanlarını yaxşılaşdırmaq üçün həyata keçirilən tədbirlər ardıcıl xarakter daşıyır. Əsas hədəf gənclərin hərtərəfli inkişafını təmin etmək, müasir çağırışlara cavab vermək və ölkənin gələcəyini qurmaqdır.
2 fevral – Azərbaycan Gəncləri Günü gələcək hədəflərin təyin edilməsi, yeni ideyaların ortaya qoyulması və gənclərin inkişafı üçün daha geniş imkanların yaradılması üçün mühüm imkan – önəmli çağırışdır. Gənclər gələcəyin qurucuları kimi sabahın liderləri olacaqlar. Dövlət başçısının gənclərə göstərdiyi diqqət yalnız cəmiyyətin bu mühüm təbəqəsinin inkişafına deyil, həm də ölkənin parlaq gələcəyinə xidmət edir.
Heydər Əsədov
Milli Məclisin deputatı
Məlumatlanmaq üçün Facebook səhifəmizi
Digər xəbərlər
Tarix: 31-01-2025 | Saat: 15:11
Bölmə:Manşet / Siyasət | çapa göndər
Gənclər hər bir cəmiyyətin inkişafının əsas qüvvəsidir. Onların sosial, iqtisadi, mədəni və siyasi həyatdakı fəallığı inkişaf prosesinin davamlılığını təmin edir.
Ulu Öndər Heydər Əliyevin təşəbbüsü ilə 1997-ci ildən etibarən 2 fevral tarixinin ölkəmizdə Azərbaycan Gəncləri Günü kimi qeyd olunması ənənəsi bir daha təsdiq edir ki, gənclər siyasəti insan kapitalının məqsədyönlü inkişafının əsas istiqamətlərindəndir.
Ümummilli Lider gənclər sahəsində dövlət siyasətinin uğurla həyata keçirilməsi məqsədilə zəruri qanunvericilik bazasının formalaşdırılmasını təmin etmişdir. Gənclərlə bağlı bütün məsələlərin həllinə yönələn, onların öz qabiliyyətlərinin inkişaf etdirmələrinə yol açan fərman və sərəncamlar, qanunlar və Dövlət proqramları gənc nəslin mütəşəkkil qüvvə kimi formalaşmasına, mənəvi-ideoloji cəhətdən tam yetkinləşməsinə müsbət təsir göstərmişdir.
Ulu Öndər tərəfindən təməli qoyulmuş və bu gün Prezident İlham Əliyevin rəhbərliyi ilə uğurla davam etdirilən dövlət gənclər siyasəti Azərbaycanda gənc nəslin mənəviyyatca zəngin, vətənpərvərlik ruhunda tərbiyəsi, onların hərtərəfli inkişafı və ölkə həyatında fəal iştirakı üçün mühüm zəmin yaradır. Gənclər siyasətində milli və dövlətçilik maraqlarının prioritet olması 2020-ci ilin 44 günlük Vətən müharibəsində həlledici rol oynayıb. Müharibədə əsas missiyanı məhz Ali Baş Komandan İlham Əliyevin prezidentliyi dövründə yetişən gənclər yerinə yetiriblər.
Azərbaycan Prezidentinin təşəbbüsü ilə həyata keçirilən gənclər siyasətinin əsas istiqamətlərindən biri təhsil sahəsini əhatə edir. Gənclərin dünyəvi, yüksək səviyyədə təhsil almaları üçün müasir standartlara uyğun infrastruktur yaradılmışdır. Qabaqcıl proqramları çərçivəsində xarici ölkələrdə təhsil almaq üçün yaradılan imkanlar gənclərin yüksək ixtisaslı mütəxəssislər olaraq yetişməsinə şərait yaradır.
Gənclərlə bağlı sosial-iqtisadi məsələlərin həlli istiqamətində bir sıra təşəbbüslər həyata keçirilmişdir. Gənc sahibkarlara dəstək məqsədilə güzəştli kreditlər, startap layihələrinə maliyyə yardımları təmin edilmişdir. Bu cür təşəbbüslər gənclərin iqtisadiyyatın müxtəlif sahələrində fəaliyyət göstərərək ölkənin inkişafına mühüm töhfələr verməsini mümkün edir.
Prezident İlham Əliyev, həmçinin gənclərin ictimai-siyasi həyatda fəal iştirakını təşviq edir. Həyata keçirilən proqramlar gənclərin liderlik bacarıqlarının inkişafına, eləcə də cəmiyyətin müxtəlif sahələrində təmsil olunmasına imkan verir.
Gənclərin beynəlxalq aləmdəki uğurları da dövlətin gənclər siyasətinin səmərəliliyinin göstəricisidir.
Azərbaycan gənclərinin potensialını üzə çıxarmaq, onların təhsil və iş imkanlarını yaxşılaşdırmaq üçün həyata keçirilən tədbirlər ardıcıl xarakter daşıyır. Əsas hədəf gənclərin hərtərəfli inkişafını təmin etmək, müasir çağırışlara cavab vermək və ölkənin gələcəyini qurmaqdır.
2 fevral – Azərbaycan Gəncləri Günü gələcək hədəflərin təyin edilməsi, yeni ideyaların ortaya qoyulması və gənclərin inkişafı üçün daha geniş imkanların yaradılması üçün mühüm imkan – önəmli çağırışdır. Gənclər gələcəyin qurucuları kimi sabahın liderləri olacaqlar. Dövlət başçısının gənclərə göstərdiyi diqqət yalnız cəmiyyətin bu mühüm təbəqəsinin inkişafına deyil, həm də ölkənin parlaq gələcəyinə xidmət edir.
Heydər Əsədov
Milli Məclisin deputatı
Məlumatlanmaq üçün Facebook səhifəmizi
Xəbəri paylaş
Digər xəbərlər
31-01-2025
