Ana dili hər bir millətin tarixini yaşadan əsas amildir
Tarix: 30-07-2026 | Saat: 12:12
Bölmə:Siyasət | çapa göndər
Hər il 1 Avqust – Azərbaycan Əlifbası və Azərbaycan Dili Günü ölkəmizdə ana dilimizin zənginliyinə, saflığına və dövlətçilik tariximizdəki əvəzsiz roluna diqqəti artıran əlamətdar gün kimi qeyd olunur. Azərbaycan dili təkcə ünsiyyət vasitəsi deyil, xalqımızın tarixi, mədəniyyəti, milli yaddaşı və mənəvi dəyərlərinin daşıyıcısıdır. Dilimizi qorumaq milli kimliyimizi, dövlətçiliyimizi və gələcəyimizi qorumaq deməkdir.
Əsrlər boyu müxtəlif imperiyaların tərkibində yaşayan, çətin tarixi sınaqlardan keçən Azərbaycan xalqı öz ana dilini təmiz və toxunulmaz saxlayaraq günümüzə qədər yaşatmışdır. Lakin dilimizin dövlət dili səviyyəsinə yüksəlməsi, ümummilli mənafeyin başlıca atributuna çevrilməsi və latın qrafikalı əlifbaya tam keçid prosesi böyük tarixi şəxsiyyətlərin uzaqgörən siyasəti sayəsində mümkün olmuşdur.
Azərbaycan dilinin dövlət dili kimi formalaşması, qorunması və inkişafı birbaşa Ümummilli Lider Heydər Əliyevin adı ilə bağlıdır. Hələ Sovet Rejiminin ən sərt illərində – 1978-ci ildə Azərbaycan SSR Konstitusiyasına Azərbaycan dilinin dövlət dili olması barədə maddənin daxil edilməsi dahi rəhbərin böyük cəsarətinin və misilsiz vətənpərvərliyinin bariz nümunəsi idi.
Müstəqilliyimizin bərpasından sonra ana dilimizin taleyi yenidən diqqət mərkəzinə gəldi. Ulu Öndərin 2001-ci il iyunun 18-də imzaladığı "Dövlət dilinin tətbiqi işinin təkmilləşdirilməsi haqqında" və 2001-ci il avqustun 9-da imzaladığı "Azərbaycan Dili və Əlifbası Gününün təsis edilməsi haqqında" fərmanlar ölkəmizin mədəniyyət tarixində dönüş nöqtəsi oldu. Məhz onun qətiyyəti nəticəsində 2001-ci il avqustun 1-dən ölkədə tam olaraq latın qrafikalı əlifbaya keçildi.
Heydər Əliyevin dilimizə verdiyi dəyər onun bu məşhur kəlamında öz dolğun ifadəsini tapır: "Dil hər bir millətin varlığının yeganə zəmanətidir. Inkişaf etmiş zəngin dil mədəniyyətinə sahib olan xalq əyilməzdir, sarsılmazdır."
Ulu Öndərin dil siyasətini yeni tarixi dövrün tələblərinə uyğun olaraq uzaqgörənliklə davam etdirən Prezident İlham Əliyev Azərbaycan dilinin saflığının qorunması və beynəlxalq aləmdə mövqeyinin möhkəmlənməsi üçün böyük addımlar atmışdır. Dövlət başçısının imzalamış olduğu "Azərbaycan dilində kiril qrafikası ilə çap olunmuş əsərlərin latın qrafikası ilə yenidən nəşri haqqında" Fərmanı klassik irsimizin gənc nəsillərə çatdırılmasında misilsiz rol oynadı.
Bundan başqa, "Azərbaycan dilinin elektron məkanında tətbiqinin genişləndirilməsi" və "Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında" fərmanlar ana dilimizin müasir texnologiyalar əsrində qorunub saxlanılmasına, kütləvi informasiya vasitələrində və məişətdə saflığının təmin edilməsinə xidmət edir.
Böyük fəxarət hissi ilə qeyd etməliyik ki, Müzəffər Ali Baş Komandan İlham Əliyevin rəhbərliyi ilə qazanılan 44 günlük Zəfərdən sonra Azərbaycan dili artıq yalnız mədəniyyət və ədəbiyyat dili kimi deyil, qalib xalqın, azad Qarabağın və Xankəndinin, Şuşanın zirvələrində əks-səda verən zəfər dili kimi səslənir!
Dilimizin zənginliyini qorumaq hər bir Azərbaycan vətəndaşının müqəddəs vətəndaşlıq borcudur. Bu məsuliyyət xüsusilə müəllimlərin, alimlərin, jurnalistlərin, yazıçıların, ziyalıların və gənclərin üzərinə düşür. Çünki ana dilinə göstərilən qayğı gələcək nəsillərin milli kimliyinə göstərilən qayğı deməkdir.
Azərbaycan Əlifbası və Azərbaycan Dili Günü bizə bir daha xatırladır ki, ana dili xalqın əbədiyaşarlığını təmin edən ən böyük milli sərvətdir. Dövlət dili uğrunda ardıcıl mübarizə aparan Ulu Öndər Heydər Əliyev hər zaman cəsarətli mövqe nümayiş etdirərək Azərbaycan dilinin dövlət dili kimi möhkəmlənməsinə, inkişafına və gələcək nəsillərə bütöv şəkildə çatdırılmasına əvəzsiz töhfələr vermişdir. Onun müəyyən etdiyi strateji xətt bu gün Prezident İlham Əliyev tərəfindən uğurla davam etdirilir və Azərbaycan dili müstəqil dövlətimizin qüdrətini, xalqımızın milli birliyini və mənəvi zənginliyini dünyaya nümayiş etdirən ən böyük dəyərlərdən biri olaraq yaşayır.
Azərbaycan dili bizim keçmişimiz, bu günümüz və gələcəyimizdir. Bu dili qorumaq, sevmək, zənginləşdirmək və gələcək nəsillərə olduğu kimi çatdırmaq hər bir azərbaycanlının müqəddəs vəzifəsidir. Ana dilinə ehtiram göstərən xalq öz milli kimliyini və dövlətçiliyini də əbədi yaşadır.
Mehman Ramazanov,
Yeni Azərbaycan Partiyası Oğuz rayon təşkilatının sədr müavini
Məlumatlanmaq üçün Facebook səhifəmizi
Digər xəbərlər
Tarix: 30-07-2026 | Saat: 12:12
Bölmə:Siyasət | çapa göndər
Hər il 1 Avqust – Azərbaycan Əlifbası və Azərbaycan Dili Günü ölkəmizdə ana dilimizin zənginliyinə, saflığına və dövlətçilik tariximizdəki əvəzsiz roluna diqqəti artıran əlamətdar gün kimi qeyd olunur. Azərbaycan dili təkcə ünsiyyət vasitəsi deyil, xalqımızın tarixi, mədəniyyəti, milli yaddaşı və mənəvi dəyərlərinin daşıyıcısıdır. Dilimizi qorumaq milli kimliyimizi, dövlətçiliyimizi və gələcəyimizi qorumaq deməkdir.
Əsrlər boyu müxtəlif imperiyaların tərkibində yaşayan, çətin tarixi sınaqlardan keçən Azərbaycan xalqı öz ana dilini təmiz və toxunulmaz saxlayaraq günümüzə qədər yaşatmışdır. Lakin dilimizin dövlət dili səviyyəsinə yüksəlməsi, ümummilli mənafeyin başlıca atributuna çevrilməsi və latın qrafikalı əlifbaya tam keçid prosesi böyük tarixi şəxsiyyətlərin uzaqgörən siyasəti sayəsində mümkün olmuşdur.
Azərbaycan dilinin dövlət dili kimi formalaşması, qorunması və inkişafı birbaşa Ümummilli Lider Heydər Əliyevin adı ilə bağlıdır. Hələ Sovet Rejiminin ən sərt illərində – 1978-ci ildə Azərbaycan SSR Konstitusiyasına Azərbaycan dilinin dövlət dili olması barədə maddənin daxil edilməsi dahi rəhbərin böyük cəsarətinin və misilsiz vətənpərvərliyinin bariz nümunəsi idi.
Müstəqilliyimizin bərpasından sonra ana dilimizin taleyi yenidən diqqət mərkəzinə gəldi. Ulu Öndərin 2001-ci il iyunun 18-də imzaladığı "Dövlət dilinin tətbiqi işinin təkmilləşdirilməsi haqqında" və 2001-ci il avqustun 9-da imzaladığı "Azərbaycan Dili və Əlifbası Gününün təsis edilməsi haqqında" fərmanlar ölkəmizin mədəniyyət tarixində dönüş nöqtəsi oldu. Məhz onun qətiyyəti nəticəsində 2001-ci il avqustun 1-dən ölkədə tam olaraq latın qrafikalı əlifbaya keçildi.
Heydər Əliyevin dilimizə verdiyi dəyər onun bu məşhur kəlamında öz dolğun ifadəsini tapır: "Dil hər bir millətin varlığının yeganə zəmanətidir. Inkişaf etmiş zəngin dil mədəniyyətinə sahib olan xalq əyilməzdir, sarsılmazdır."
Ulu Öndərin dil siyasətini yeni tarixi dövrün tələblərinə uyğun olaraq uzaqgörənliklə davam etdirən Prezident İlham Əliyev Azərbaycan dilinin saflığının qorunması və beynəlxalq aləmdə mövqeyinin möhkəmlənməsi üçün böyük addımlar atmışdır. Dövlət başçısının imzalamış olduğu "Azərbaycan dilində kiril qrafikası ilə çap olunmuş əsərlərin latın qrafikası ilə yenidən nəşri haqqında" Fərmanı klassik irsimizin gənc nəsillərə çatdırılmasında misilsiz rol oynadı.
Bundan başqa, "Azərbaycan dilinin elektron məkanında tətbiqinin genişləndirilməsi" və "Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında" fərmanlar ana dilimizin müasir texnologiyalar əsrində qorunub saxlanılmasına, kütləvi informasiya vasitələrində və məişətdə saflığının təmin edilməsinə xidmət edir.
Böyük fəxarət hissi ilə qeyd etməliyik ki, Müzəffər Ali Baş Komandan İlham Əliyevin rəhbərliyi ilə qazanılan 44 günlük Zəfərdən sonra Azərbaycan dili artıq yalnız mədəniyyət və ədəbiyyat dili kimi deyil, qalib xalqın, azad Qarabağın və Xankəndinin, Şuşanın zirvələrində əks-səda verən zəfər dili kimi səslənir!
Dilimizin zənginliyini qorumaq hər bir Azərbaycan vətəndaşının müqəddəs vətəndaşlıq borcudur. Bu məsuliyyət xüsusilə müəllimlərin, alimlərin, jurnalistlərin, yazıçıların, ziyalıların və gənclərin üzərinə düşür. Çünki ana dilinə göstərilən qayğı gələcək nəsillərin milli kimliyinə göstərilən qayğı deməkdir.
Azərbaycan Əlifbası və Azərbaycan Dili Günü bizə bir daha xatırladır ki, ana dili xalqın əbədiyaşarlığını təmin edən ən böyük milli sərvətdir. Dövlət dili uğrunda ardıcıl mübarizə aparan Ulu Öndər Heydər Əliyev hər zaman cəsarətli mövqe nümayiş etdirərək Azərbaycan dilinin dövlət dili kimi möhkəmlənməsinə, inkişafına və gələcək nəsillərə bütöv şəkildə çatdırılmasına əvəzsiz töhfələr vermişdir. Onun müəyyən etdiyi strateji xətt bu gün Prezident İlham Əliyev tərəfindən uğurla davam etdirilir və Azərbaycan dili müstəqil dövlətimizin qüdrətini, xalqımızın milli birliyini və mənəvi zənginliyini dünyaya nümayiş etdirən ən böyük dəyərlərdən biri olaraq yaşayır.
Azərbaycan dili bizim keçmişimiz, bu günümüz və gələcəyimizdir. Bu dili qorumaq, sevmək, zənginləşdirmək və gələcək nəsillərə olduğu kimi çatdırmaq hər bir azərbaycanlının müqəddəs vəzifəsidir. Ana dilinə ehtiram göstərən xalq öz milli kimliyini və dövlətçiliyini də əbədi yaşadır.
Mehman Ramazanov,
Yeni Azərbaycan Partiyası Oğuz rayon təşkilatının sədr müavini
Məlumatlanmaq üçün Facebook səhifəmizi
Xəbəri paylaş
Digər xəbərlər
30-07-2026
29-07-2026
