Dayanıqlı inkişaf strategiyasının nəticəsi
Tarix: 04-04-2025 | Saat: 10:23
Bölmə:Manşet / Gündəm / Siyasət / Özəl / Seçilənlər-9 | çapa göndər
Əziz Ələkbərli,
Milli Məclisin deputatı,
Qərbi Azərbaycan İcması
İdarə Heyətinin sədri
Aprelin 2-də Azərbaycan Respublikasının Prezidenti İlham Əliyev və Almaniya Federativ Respublikasının Prezidenti Frank-Valter Ştaynmayer mətbuata bəyanatlarla çıxış edib, jurnalistlərin suallarını cavablandırıblar.
Qeyd edək ki, Almaniya Azərbaycanın Avropada ən vacib siyasi-iqtisadi tərəfdaşlarından biridir. Azərbaycan bu ölkə ilə əlaqələrin inkişafına mühüm önəm verir. Almaniya da Azərbaycanı Cənubi Qafqazda vacib tərəfdaş kimi qəbul edir, ölkəmizin regionda lider mövqeyini, həmçinin beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir. Eyni zamanda, bu ölkə Azərbaycanın Avropanın enerji təhlükəsizliyinin təmin olunmasında mühüm rolunu təqdir edir.
İki ölkə arasında enerji sahəsində də əməkdaşlıq yüksələn xətlə inkişaf edir. SOCAR və Almaniyanın “Uniper” şirkəti 2013-cü ildə uzunmüddətli qaz tədarükü haqqında müqavilə imzalayıblar. 2020-ci il dekabrın 31-dən Cənub Qaz Dəhlizi Azərbaycan təbii qazını İtaliyadakı qəbul nöqtəsi vasitəsilə Avropa İttifaqının bazarına çatdırır. “Uniper” şirkəti Avropa bazarında təbii qazın əsas alıcılarından biridir. Bu, şirkətin ən uzunmüddətli qaz alışı layihəsidir (2020-2045). Azərbaycandakı alman şirkətləri bərpaolunan enerjinin inkişafı layihələrinə də maraq göstərirlər. Almaniyanın “Berlin Wind” şirkəti tərəfindən Xızı rayonunun Yeni Yaşma və Şurabad qəsəbələrinin ərazisindəki 50 MVt-lıq “Yeni Yaşma” Külək Elektrik Parkında yenidənqurma işləri aparılıb və 2018-ci il oktyabrın 11-də parkın açılışı olub.
Ölkəmizin başçısı cənab İlham Əliyev Almaniya Federativ Respublikasına səfərlərində iki ölkə arasında əlaqələrin daha da inkişafı üçün kifayət qədər sənədlər imzalamış, Qərbi Avropanın bu mühüm dövləti ilə münasibətlərin yüksələn xətt üzrə inkişafına mühüm töhfələr vermişdir. Cənab Frank-Valter Ştaynmayerin bu səfəri də iki ölkə arasında əlaqələrin daha da inkişaf etdirilməsi yönündə atılan addımlardan biridir.
Bu fikri bəyanatında səsləndirən ölkəmizin başçısı cənab İlham Əliyev qeyd etmişdir ki, “Mən tam əminəm ki, bu səfər bizim əlaqələrimizə yeni müsbət təkan verəcəkdir. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində – harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir.”
Cənab Prezident bəyanatında ölkəmizin ötən il COP29 kimi qlobal iqlim konfransına uğurla ev sahibliyi etdiyini və mühüm nəticələr əldə edildiyini qeyd edərək bildirib ki, “COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. Bu da təbii olaraq təəssüf hissi doğurur. Çünki xüsusilə indiki şəraitdə – Azərbaycanla Ermənistan arasında normallaşma prosesinin uğurla getdiyi bir zamanda Ermənistan tərəfinin bu beynəlxalq konfransı boykot etməsi başadüşülən deyildi. Bu gün bu məsələ də müzakirə olundu və Azərbaycanın mövqeyi Almaniya tərəfinə çatdırılmışdır.”
Ermənistanın Azərbaycana qarşı 30 illik işğal siyasətinin məğlubiyyətlə nəticələndiyini qeyd edən dövlət başçısı vurğulayıb ki, bu müddətdə beynəlxalq təşkilatlar münaqişənin həllində heç bir nəticəyə nail olmamışdır. Bunun əksinə olaraq Azərbaycan tarixi Zəfər nəticəsində öz ərazi bütövlüyünü və suverenliyini tam təmin etmiş, həm də beynəlxalq hüququ döyüş meydanında və siyasi müstəvidə həll etmişdir. İndi bunun nəticəsi olaraq sülh danışıqları davam edir və hər iki dövlətin mövqeləri kifayət qədər yaxınlaşmışdır.
Cənab Prezident bəyanatının sonunda qeyd etmişdir ki, “İkitərəfli münasibətlərimizin tarixində bu, Almaniya Prezidentinin Azərbaycana birinci rəsmi səfəridir. Əminəm ki, səfərin yekunları bizim ölkələrimizi bir-birinə daha yaxın edəcəkdir.”
Qərbi Avropanın 4 aparıcı dövlətindən biri olan Almaniya Federativ Respublikası ilə münasibətlərin bu səviyyədə inkişafı cənab Prezident İlham Əliyevin siyasi kursunun uğurlu nəticəsi kimi qeyd edilməlidir. Zaman göstərmişdir və göstərməkdə davam edir ki, Ulu Öndər Heydər Əliyevin uzaqgörən siyasətinin uğurlu davamı ölkəmizin dünya siyasi sistemində çəkisini artırmaqla bərabər, ikitərəfli və çoxvektorlu əlaqələrin də inkişafında mühüm rol oynayır. Çünki bu siyasəti həyata keçirən cənab İlham Əliyevin siyasi xətti və mövqeyi aydın və qətiyyətlidir, dayanıqlı inkişafa hesablanmış strategiyaya əsaslanır.
Məlumatlanmaq üçün Facebook səhifəmizi
Digər xəbərlər
Tarix: 04-04-2025 | Saat: 10:23
Bölmə:Manşet / Gündəm / Siyasət / Özəl / Seçilənlər-9 | çapa göndər
Əziz Ələkbərli,
Milli Məclisin deputatı,
Qərbi Azərbaycan İcması
İdarə Heyətinin sədri
Aprelin 2-də Azərbaycan Respublikasının Prezidenti İlham Əliyev və Almaniya Federativ Respublikasının Prezidenti Frank-Valter Ştaynmayer mətbuata bəyanatlarla çıxış edib, jurnalistlərin suallarını cavablandırıblar.
Qeyd edək ki, Almaniya Azərbaycanın Avropada ən vacib siyasi-iqtisadi tərəfdaşlarından biridir. Azərbaycan bu ölkə ilə əlaqələrin inkişafına mühüm önəm verir. Almaniya da Azərbaycanı Cənubi Qafqazda vacib tərəfdaş kimi qəbul edir, ölkəmizin regionda lider mövqeyini, həmçinin beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir. Eyni zamanda, bu ölkə Azərbaycanın Avropanın enerji təhlükəsizliyinin təmin olunmasında mühüm rolunu təqdir edir.
İki ölkə arasında enerji sahəsində də əməkdaşlıq yüksələn xətlə inkişaf edir. SOCAR və Almaniyanın “Uniper” şirkəti 2013-cü ildə uzunmüddətli qaz tədarükü haqqında müqavilə imzalayıblar. 2020-ci il dekabrın 31-dən Cənub Qaz Dəhlizi Azərbaycan təbii qazını İtaliyadakı qəbul nöqtəsi vasitəsilə Avropa İttifaqının bazarına çatdırır. “Uniper” şirkəti Avropa bazarında təbii qazın əsas alıcılarından biridir. Bu, şirkətin ən uzunmüddətli qaz alışı layihəsidir (2020-2045). Azərbaycandakı alman şirkətləri bərpaolunan enerjinin inkişafı layihələrinə də maraq göstərirlər. Almaniyanın “Berlin Wind” şirkəti tərəfindən Xızı rayonunun Yeni Yaşma və Şurabad qəsəbələrinin ərazisindəki 50 MVt-lıq “Yeni Yaşma” Külək Elektrik Parkında yenidənqurma işləri aparılıb və 2018-ci il oktyabrın 11-də parkın açılışı olub.
Ölkəmizin başçısı cənab İlham Əliyev Almaniya Federativ Respublikasına səfərlərində iki ölkə arasında əlaqələrin daha da inkişafı üçün kifayət qədər sənədlər imzalamış, Qərbi Avropanın bu mühüm dövləti ilə münasibətlərin yüksələn xətt üzrə inkişafına mühüm töhfələr vermişdir. Cənab Frank-Valter Ştaynmayerin bu səfəri də iki ölkə arasında əlaqələrin daha da inkişaf etdirilməsi yönündə atılan addımlardan biridir.
Bu fikri bəyanatında səsləndirən ölkəmizin başçısı cənab İlham Əliyev qeyd etmişdir ki, “Mən tam əminəm ki, bu səfər bizim əlaqələrimizə yeni müsbət təkan verəcəkdir. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində – harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir.”
Cənab Prezident bəyanatında ölkəmizin ötən il COP29 kimi qlobal iqlim konfransına uğurla ev sahibliyi etdiyini və mühüm nəticələr əldə edildiyini qeyd edərək bildirib ki, “COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. Bu da təbii olaraq təəssüf hissi doğurur. Çünki xüsusilə indiki şəraitdə – Azərbaycanla Ermənistan arasında normallaşma prosesinin uğurla getdiyi bir zamanda Ermənistan tərəfinin bu beynəlxalq konfransı boykot etməsi başadüşülən deyildi. Bu gün bu məsələ də müzakirə olundu və Azərbaycanın mövqeyi Almaniya tərəfinə çatdırılmışdır.”
Ermənistanın Azərbaycana qarşı 30 illik işğal siyasətinin məğlubiyyətlə nəticələndiyini qeyd edən dövlət başçısı vurğulayıb ki, bu müddətdə beynəlxalq təşkilatlar münaqişənin həllində heç bir nəticəyə nail olmamışdır. Bunun əksinə olaraq Azərbaycan tarixi Zəfər nəticəsində öz ərazi bütövlüyünü və suverenliyini tam təmin etmiş, həm də beynəlxalq hüququ döyüş meydanında və siyasi müstəvidə həll etmişdir. İndi bunun nəticəsi olaraq sülh danışıqları davam edir və hər iki dövlətin mövqeləri kifayət qədər yaxınlaşmışdır.
Cənab Prezident bəyanatının sonunda qeyd etmişdir ki, “İkitərəfli münasibətlərimizin tarixində bu, Almaniya Prezidentinin Azərbaycana birinci rəsmi səfəridir. Əminəm ki, səfərin yekunları bizim ölkələrimizi bir-birinə daha yaxın edəcəkdir.”
Qərbi Avropanın 4 aparıcı dövlətindən biri olan Almaniya Federativ Respublikası ilə münasibətlərin bu səviyyədə inkişafı cənab Prezident İlham Əliyevin siyasi kursunun uğurlu nəticəsi kimi qeyd edilməlidir. Zaman göstərmişdir və göstərməkdə davam edir ki, Ulu Öndər Heydər Əliyevin uzaqgörən siyasətinin uğurlu davamı ölkəmizin dünya siyasi sistemində çəkisini artırmaqla bərabər, ikitərəfli və çoxvektorlu əlaqələrin də inkişafında mühüm rol oynayır. Çünki bu siyasəti həyata keçirən cənab İlham Əliyevin siyasi xətti və mövqeyi aydın və qətiyyətlidir, dayanıqlı inkişafa hesablanmış strategiyaya əsaslanır.
Məlumatlanmaq üçün Facebook səhifəmizi
Xəbəri paylaş
Digər xəbərlər
04-04-2025
