Gəncədə Autizm Mərkəzi istifadəyə verilib -Fotolar
Tarix: 11-04-2023 | Saat: 22:41
Bölmə:Özəl | çapa göndər
Gəncə şəhərində Heydər Əliyev Fondunun təşəbbüsü, “AzerGold” Qapalı Səhmdar Cəmiyyətinin (QSC) dəstəyi, “Birgə və Sağlam” İctimai Birliyinin təşkilatçılığı ilə yaradılan Gəncə Autizm Mərkəzinin rəsmi açılış mərasimi keçirilib.
aia.az xəbər verir ki, Dünya Autizm Maarifləndirmə ayında təşkil olunan tədbirdə İqtisadiyyat nazirinin müavini Sahib Ələkbərov, Gəncə şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, “AzerGold” QSC-nin İdarə Heyətinin sədr müavini Xəyyam Fərzəliyev, Heydər Əliyev Fondunun "Heydər Əliyev İrsinin tədqiqi və təbliği" şöbəsinin müdiri Cəmil Əliyev, Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva, Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinin İdarə Heyətinin sədr müavini Pərviz Səfərov, “Birgə və Sağlam” İctimai Birliyinin sədri Aytən Eynalova, SOBE Autizm Fondunun koordinatoru Zeynep Takı Kapıtaş, Autizm səfiri, Xalq artisti Tünzalə Ağayeva və ictimaiyyət nümayəndələri iştirak ediblər.
Tədbirdə çıxış edən İqtisadiyyat nazirinin müavini Sahib Ələkbərov Ulu Öndər Heydər Əliyevin əsasını qoyduğu, Prezident İlham Əliyevin uğurla davam etdirdiyi sosial yönümlü dövlət siyasətinə töhfə vermək məqsədilə yaradılan Gəncə Autizm Mərkəzinin Gəncə şəhəri və ətraf bölgələrdə autizm spektr pozuntusu olan uşaq və yeniyetmələrin fərdi inkişafına xidmət edən nəcib təşəbbüs olduğunu diqqətə çatdırıb.
Gəncə şəhər İH-nin başçısı Niyazi Bayramov layihənin Ümummilli Lider Heydər Əliyevin miras qoyduğu zəngin mənəvi irsin təşviqi, Azərbaycan dövlətinin uşaq və gənclərin inkişafı ilə bağlı yürütdüyü ardıcıl və məqsədyönlü siyasətin dəstəklənməsi, xüsusilə bölgədə həssas kateqoriyalardan olan vətəndaşlarımızın hərtərəfli qayğı ilə əhatələnməsi baxımından mühüm əhəmiyyət kəsb etdiyini qeyd edib.
“AzerGold” QSC-nin İdarə Heyətinin sədr müavini Xəyyam Fərzəliyev Prezident İlham Əliyevin rəhbərliyi ilə hər sahədə olduğu kimi uşaq və gənclərlə bağlı dövlət siyasətinin də uğurla davam etdirildiyini, bu siyasətə ən böyük dəstəyin isə 1-ci vitse-prezident Mehriban xanım Əliyevanın rəhbərliyi altında Heydər Əliyev Fondu tərəfindən verildiyini qeyd edib. O, bu gün Mehriban xanım Əliyeva tərəfindən uşaqların inkişafı, təhsili, gələcəyi ilə bağlı mühüm layihələrin həyata keçirildiyini, xüsusi qayğıya ehtiyacı olan uşaqlara hərtərəfli diqqət göstərildiyini, onların xəstəliklərdən qorunması, sağlamlıqlarının bərpası üçün ciddi və təxirəsalınmaz tədbirlərin görüldüyünü diqqətə çatdırıb. X.Fərzəliyev əlavə edib ki, layihənin əsas məqsədi autizm spektr pozuntularına malik olan uşaqları aşkarlayaraq, onlarda bu pozuntuların təzahür xüsusiyyətlərini öyrənmək, psixodiaqnostik və psixokorreksiya işi təşkil etməklə müsbət dəyişmələrə nail olmaqdır.
Heydər Əliyev Fondunun Heydər Əliyev İrsinin tədqiqi və təbliği şöbəsinin müdiri Cəmil Əliyev bildirib ki, Mehriban xanım Əliyevanın rəhbərliyi ilə uşaq, yeniyetmə və gənclərin inkişafı ilə bağlı Fond tərəfindən həyata keçirilən tədbirlər yeni nəslin fiziki və mənəvi cəhətdən sağlam, cəmiyyətə faydalı vətəndaş, Vətənə sadiq övlad kimi böyüməsinə xidmət edir. Natiq Fondun təşəbbüsü ilə artıq sayca ikinci Autizm Mərkəzinin istifadəyə verildiyini, növbəti illərdə də bu istiqamətdə fəaliyyətin dəstəklənəcəyini qeyd edib.
“Birgə və Sağlam” İctimai Birliyinin sədri Aytən Eynalova layihə barədə geniş məlumat verərək, Gəncə şəhəri ilə yanaşı, Daşkəsən, Göygöl, Goranboy, Şəmkir, Tovuz rayonlarında autizm spektr pozuntulu şəxsləri və onların ailələrini əhatə edən layihə çərçivəsində risk qrupuna aid edilən, xüsusi təhsil dəstəyinə ehtiyacı olan uşaqların müəyyənləşdirildiyini, onlara yerli və beynəlxalq mütəxəssislər tərəfindən müvafiq təlimlərin keçirilməsinə başlanıldığını bildirib.
Tədbirdə Ailə, Qadın və Uşaq Problemləri üzrə Dövlət Komitəsinin sədr müavini A.Sofiyeva, Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinin İdarə Heyəti sədrinin müavini Pərviz Səfərov, Türkiyənin SOBE Autizm Fondunun koordinatoru Z.T.Kapıtaşı, Xalq artisti T.Ağayeva, Autizm Valideyn Məşvərət Şurasının sədri N.Məmmədova və digərləri çıxış edərək, layihə barədə fikirlərini bölüşüb, autizm sahəsində son dövrlər icra olunan irimiqyaslı tədbirlərin Azərbaycanda dövlət və özəl təşkilatlar tərəfindən bu sahəyə ayrılan xüsusi diqqət və qayğının əyani təzahürü olduğunu qeyd ediblər.
Çıxışlardan sonra qonaqlar Gəncə Autizm Mərkəzində məktəbəqədər təhsil, ixtisasəldəetmə, özünüidarəetmə və müstəqil davranış bacarıqlarına yiyələnmə kimi ehtiyaclara uyğun olaraq uşaqlar üçün tam ödənişsiz əsaslarla təşkil edilən təlim və bərpa prosesi ilə tanış olublar. Mərasim Autizm səfiri, Xalq artisti Tünzalə Ağayeva və autizmli gənc pianoçu Əlisahib Bayramovun ifaları ilə davam edib.
Sonda tədbir iştirakçıları autizmli uşaqların rəsm və əl işlərindən ibarət sərgi ilə tanış olublar.
Azər Tağızadə
Məlumatlanmaq üçün Facebook səhifəmizi
Digər xəbərlər
Tarix: 11-04-2023 | Saat: 22:41
Bölmə:Özəl | çapa göndər
Gəncə şəhərində Heydər Əliyev Fondunun təşəbbüsü, “AzerGold” Qapalı Səhmdar Cəmiyyətinin (QSC) dəstəyi, “Birgə və Sağlam” İctimai Birliyinin təşkilatçılığı ilə yaradılan Gəncə Autizm Mərkəzinin rəsmi açılış mərasimi keçirilib.
aia.az xəbər verir ki, Dünya Autizm Maarifləndirmə ayında təşkil olunan tədbirdə İqtisadiyyat nazirinin müavini Sahib Ələkbərov, Gəncə şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, “AzerGold” QSC-nin İdarə Heyətinin sədr müavini Xəyyam Fərzəliyev, Heydər Əliyev Fondunun "Heydər Əliyev İrsinin tədqiqi və təbliği" şöbəsinin müdiri Cəmil Əliyev, Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva, Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinin İdarə Heyətinin sədr müavini Pərviz Səfərov, “Birgə və Sağlam” İctimai Birliyinin sədri Aytən Eynalova, SOBE Autizm Fondunun koordinatoru Zeynep Takı Kapıtaş, Autizm səfiri, Xalq artisti Tünzalə Ağayeva və ictimaiyyət nümayəndələri iştirak ediblər.
Tədbirdə çıxış edən İqtisadiyyat nazirinin müavini Sahib Ələkbərov Ulu Öndər Heydər Əliyevin əsasını qoyduğu, Prezident İlham Əliyevin uğurla davam etdirdiyi sosial yönümlü dövlət siyasətinə töhfə vermək məqsədilə yaradılan Gəncə Autizm Mərkəzinin Gəncə şəhəri və ətraf bölgələrdə autizm spektr pozuntusu olan uşaq və yeniyetmələrin fərdi inkişafına xidmət edən nəcib təşəbbüs olduğunu diqqətə çatdırıb.
Gəncə şəhər İH-nin başçısı Niyazi Bayramov layihənin Ümummilli Lider Heydər Əliyevin miras qoyduğu zəngin mənəvi irsin təşviqi, Azərbaycan dövlətinin uşaq və gənclərin inkişafı ilə bağlı yürütdüyü ardıcıl və məqsədyönlü siyasətin dəstəklənməsi, xüsusilə bölgədə həssas kateqoriyalardan olan vətəndaşlarımızın hərtərəfli qayğı ilə əhatələnməsi baxımından mühüm əhəmiyyət kəsb etdiyini qeyd edib.
“AzerGold” QSC-nin İdarə Heyətinin sədr müavini Xəyyam Fərzəliyev Prezident İlham Əliyevin rəhbərliyi ilə hər sahədə olduğu kimi uşaq və gənclərlə bağlı dövlət siyasətinin də uğurla davam etdirildiyini, bu siyasətə ən böyük dəstəyin isə 1-ci vitse-prezident Mehriban xanım Əliyevanın rəhbərliyi altında Heydər Əliyev Fondu tərəfindən verildiyini qeyd edib. O, bu gün Mehriban xanım Əliyeva tərəfindən uşaqların inkişafı, təhsili, gələcəyi ilə bağlı mühüm layihələrin həyata keçirildiyini, xüsusi qayğıya ehtiyacı olan uşaqlara hərtərəfli diqqət göstərildiyini, onların xəstəliklərdən qorunması, sağlamlıqlarının bərpası üçün ciddi və təxirəsalınmaz tədbirlərin görüldüyünü diqqətə çatdırıb. X.Fərzəliyev əlavə edib ki, layihənin əsas məqsədi autizm spektr pozuntularına malik olan uşaqları aşkarlayaraq, onlarda bu pozuntuların təzahür xüsusiyyətlərini öyrənmək, psixodiaqnostik və psixokorreksiya işi təşkil etməklə müsbət dəyişmələrə nail olmaqdır.
Heydər Əliyev Fondunun Heydər Əliyev İrsinin tədqiqi və təbliği şöbəsinin müdiri Cəmil Əliyev bildirib ki, Mehriban xanım Əliyevanın rəhbərliyi ilə uşaq, yeniyetmə və gənclərin inkişafı ilə bağlı Fond tərəfindən həyata keçirilən tədbirlər yeni nəslin fiziki və mənəvi cəhətdən sağlam, cəmiyyətə faydalı vətəndaş, Vətənə sadiq övlad kimi böyüməsinə xidmət edir. Natiq Fondun təşəbbüsü ilə artıq sayca ikinci Autizm Mərkəzinin istifadəyə verildiyini, növbəti illərdə də bu istiqamətdə fəaliyyətin dəstəklənəcəyini qeyd edib.
“Birgə və Sağlam” İctimai Birliyinin sədri Aytən Eynalova layihə barədə geniş məlumat verərək, Gəncə şəhəri ilə yanaşı, Daşkəsən, Göygöl, Goranboy, Şəmkir, Tovuz rayonlarında autizm spektr pozuntulu şəxsləri və onların ailələrini əhatə edən layihə çərçivəsində risk qrupuna aid edilən, xüsusi təhsil dəstəyinə ehtiyacı olan uşaqların müəyyənləşdirildiyini, onlara yerli və beynəlxalq mütəxəssislər tərəfindən müvafiq təlimlərin keçirilməsinə başlanıldığını bildirib.
Tədbirdə Ailə, Qadın və Uşaq Problemləri üzrə Dövlət Komitəsinin sədr müavini A.Sofiyeva, Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinin İdarə Heyəti sədrinin müavini Pərviz Səfərov, Türkiyənin SOBE Autizm Fondunun koordinatoru Z.T.Kapıtaşı, Xalq artisti T.Ağayeva, Autizm Valideyn Məşvərət Şurasının sədri N.Məmmədova və digərləri çıxış edərək, layihə barədə fikirlərini bölüşüb, autizm sahəsində son dövrlər icra olunan irimiqyaslı tədbirlərin Azərbaycanda dövlət və özəl təşkilatlar tərəfindən bu sahəyə ayrılan xüsusi diqqət və qayğının əyani təzahürü olduğunu qeyd ediblər.
Çıxışlardan sonra qonaqlar Gəncə Autizm Mərkəzində məktəbəqədər təhsil, ixtisasəldəetmə, özünüidarəetmə və müstəqil davranış bacarıqlarına yiyələnmə kimi ehtiyaclara uyğun olaraq uşaqlar üçün tam ödənişsiz əsaslarla təşkil edilən təlim və bərpa prosesi ilə tanış olublar. Mərasim Autizm səfiri, Xalq artisti Tünzalə Ağayeva və autizmli gənc pianoçu Əlisahib Bayramovun ifaları ilə davam edib.
Sonda tədbir iştirakçıları autizmli uşaqların rəsm və əl işlərindən ibarət sərgi ilə tanış olublar.
Azər Tağızadə
Məlumatlanmaq üçün Facebook səhifəmizi
Xəbəri paylaş
Digər xəbərlər
25-12-2024
15:30 XALQI BİRLƏŞDİRƏN QƏLƏBƏ
