Gəncədə Əməkdar məşqçi, “Tərəqqi” medallı, “Şöhrət” ordenli Elçin Zeynalovun 75 illik yubileyi keçirilib -Fotolar
Tarix: 04-04-2023 | Saat: 10:37
Bölmə:Özəl | çapa göndər
Gəncə şəhər İcra Hakimiyyətinin dəstəyi, Gəncə-Daşkəsən Regional Təhsil İdarəsinin təşkilatçılığı ilə Əməkdar məşqçi, “Şöhrət” ordenli, “Tərəqqi”medallı Elçin Zeynalovun 75 illik yubileyi münasibətilə tədbir təşkil olunub.
aia.az xəbər verir ki, tədbirdə Gəncə şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Milli Məclisin deputatı Müşfiq Cəfərov, idman ictimayyətinin nümayəndələri, ziyalılar və təhsil işçiləri iştirak ediblər.
Öncə Azərbaycan Respublikasının Dövlət Himni səsləndirilib. Daha sonra Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
İcra başçısı Niyazi Bayramov veteran məşqçi Elçin Zeynalovun şərəfli ömür yolundan bəhs edib. Bildirib ki, E.Zeynalov ömrünün böyük hissəsini Gəncə idmanının inkişafına həsr edib. Onun bir çox yetirməsi dünya, Avropa çempionatlarının, Dünya Kubokunun qalibi və mükafatçılarıdır. Şəhər rəhbəri E.Zeynalovun yetirməsi Toğrul Əsgərovun 2012-ci ildə London Olimpiya Oyunlarının qızıl medalını qazandığını, 2016-cı il Rio de-Janeyro Olimpiya Oyunlarında gümüş medala layiq görüldüyünü diqqətə çatdırıb. İcra başçısı yubilyarın idman sahəsində göstərdiyi xidmətlərinin Azərbaycan Respublikasının Prezidenti cənab İlham Əliyev tərəfindən də yüksək qiymətləndiridiyini bildirib. Əməkdar məşqçini 75 illik yubileyi münasibətilə təbrik edən şəhər rəhbəri Elçin Zeynalovu Gəncə şəhərində idmanın inkişafına verdiyi misilsiz xidmətlərə görə “Təşəkkürnamə” ilə təltif edib.
Digər çıxış edənlər də Elçin Zeynalovun həyat və fəaliyyətinə nəzər salaraq yubiley münasibətilə ona öz təbriklərini çatdırıblar.
Tədbirdə istedadlı şagirdlər tərəfindən müxtəlif musiqi və idman nömrələri təqdim olunub.
Sonda Elçin Zeynalov ölkədə idman sahəsinə göstərilən yüksək diqqət və qayğıya görə Prezident İlham Əliyevə və 1-ci vitse-prezident Mehriban xanım Əliyevaya təşəkkürünü bildirib. Həmçinin tədbirin təşkilində əməyi keçənlərə minnətdarlığını ifadə edib.
Qeyd edək ki, Elçin Zeynalov 1 aprel 1948-ci ildə Gəncə şəhərində anadan olub. 1968-ci ildə Bədən Tərbiyəsi İnstitutunun qiyabi şöbəsinə daxil olub. O, bu gün də sərbəst güləş idman növü üzrə məşqçilik fəaliyyətini davam etdirir və Gəncə şəhər yığma komandasının baş məşqçisi vəzifəsində çalışır.
E.Zeynalov Azərbaycan Respublikasının Prezidenti İlham Əliyevin müvafiq sərəncamları ilə müxtəlif illərdə "Əməkdar bədən tərbiyəsi və idman xadimi" fəxri adına, “Şöhrət” ordeninə, “Azərbaycan Respublikası Prezidentinin fəxri diplomu”na və “Tərəqqi” medalına layiq görülüb.
Azər Tağızadə
Məlumatlanmaq üçün Facebook səhifəmizi
Digər xəbərlər
Tarix: 04-04-2023 | Saat: 10:37
Bölmə:Özəl | çapa göndər
Gəncə şəhər İcra Hakimiyyətinin dəstəyi, Gəncə-Daşkəsən Regional Təhsil İdarəsinin təşkilatçılığı ilə Əməkdar məşqçi, “Şöhrət” ordenli, “Tərəqqi”medallı Elçin Zeynalovun 75 illik yubileyi münasibətilə tədbir təşkil olunub.
aia.az xəbər verir ki, tədbirdə Gəncə şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Milli Məclisin deputatı Müşfiq Cəfərov, idman ictimayyətinin nümayəndələri, ziyalılar və təhsil işçiləri iştirak ediblər.
Öncə Azərbaycan Respublikasının Dövlət Himni səsləndirilib. Daha sonra Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
İcra başçısı Niyazi Bayramov veteran məşqçi Elçin Zeynalovun şərəfli ömür yolundan bəhs edib. Bildirib ki, E.Zeynalov ömrünün böyük hissəsini Gəncə idmanının inkişafına həsr edib. Onun bir çox yetirməsi dünya, Avropa çempionatlarının, Dünya Kubokunun qalibi və mükafatçılarıdır. Şəhər rəhbəri E.Zeynalovun yetirməsi Toğrul Əsgərovun 2012-ci ildə London Olimpiya Oyunlarının qızıl medalını qazandığını, 2016-cı il Rio de-Janeyro Olimpiya Oyunlarında gümüş medala layiq görüldüyünü diqqətə çatdırıb. İcra başçısı yubilyarın idman sahəsində göstərdiyi xidmətlərinin Azərbaycan Respublikasının Prezidenti cənab İlham Əliyev tərəfindən də yüksək qiymətləndiridiyini bildirib. Əməkdar məşqçini 75 illik yubileyi münasibətilə təbrik edən şəhər rəhbəri Elçin Zeynalovu Gəncə şəhərində idmanın inkişafına verdiyi misilsiz xidmətlərə görə “Təşəkkürnamə” ilə təltif edib.
Digər çıxış edənlər də Elçin Zeynalovun həyat və fəaliyyətinə nəzər salaraq yubiley münasibətilə ona öz təbriklərini çatdırıblar.
Tədbirdə istedadlı şagirdlər tərəfindən müxtəlif musiqi və idman nömrələri təqdim olunub.
Sonda Elçin Zeynalov ölkədə idman sahəsinə göstərilən yüksək diqqət və qayğıya görə Prezident İlham Əliyevə və 1-ci vitse-prezident Mehriban xanım Əliyevaya təşəkkürünü bildirib. Həmçinin tədbirin təşkilində əməyi keçənlərə minnətdarlığını ifadə edib.
Qeyd edək ki, Elçin Zeynalov 1 aprel 1948-ci ildə Gəncə şəhərində anadan olub. 1968-ci ildə Bədən Tərbiyəsi İnstitutunun qiyabi şöbəsinə daxil olub. O, bu gün də sərbəst güləş idman növü üzrə məşqçilik fəaliyyətini davam etdirir və Gəncə şəhər yığma komandasının baş məşqçisi vəzifəsində çalışır.
E.Zeynalov Azərbaycan Respublikasının Prezidenti İlham Əliyevin müvafiq sərəncamları ilə müxtəlif illərdə "Əməkdar bədən tərbiyəsi və idman xadimi" fəxri adına, “Şöhrət” ordeninə, “Azərbaycan Respublikası Prezidentinin fəxri diplomu”na və “Tərəqqi” medalına layiq görülüb.
Azər Tağızadə
Məlumatlanmaq üçün Facebook səhifəmizi
Xəbəri paylaş
Digər xəbərlər
01-11-2024
