Mobil versiya
"Xahiş edirəm mənə qarşı olunan haqsızlığı durdurun" - FOTOLAR
Tarix: 5-04-2019, 12:34 | Saat: 15:47:00
Bölmə:Gündəm | çapa göndər

"Xahiş edirəm mənə qarşı olunan haqsızlığı durdurun"



Sumqayıt şəhərində fəaliyyət göstərən 4 saylı bağçanın müdiri vəzifəsindən azad edilən Xatirə Kamal qızı Heydərova Prezident İlham Əliyev cənablarına və Birinci vitse-prezident Mehriban xanım Əliyevaya ona edilən haqsızlıqlar barədə şikayət edib.

Göndərilən şikayət məktubunu olduğu kimi təqdim edir:

"Cənab Prezident!

Hörmətli Mehriban xanım!

Mən 1975-ci ildən Sumqayıt Sintetik Kauçuk zavodunun nəzdində fəaliyyət göstərən bağçada tərbiyəçi kimi işə başlamışam. Bakı Pedoqoji məktəbində təhsil almışam. 1988-ci ildə Sumqayıt Sintetik Kauçuk zavodunun nəzdində fəaliyyət göstərən 4 saylı bağçaya müdir təyin edildim. Rəhbərlik etdiyim bu illər ərzində nümunəvi bağçalardan olmuşuq. Ötən 30 il ərzində rəhbərlik etdiyim bağçaya ömrümü, enerjimi sərf etmişəm. Maddi imkanlarım çərçivəsində bağçada müəyyən təmir işləri də apartdırmışam. Həmişə ölkədə keçirilən seçkilərdə olduğu kimi, Sumqayıt şəhərinin ictimai həyatında da aktiv iştirak etmiş, şəhərin abadlaşması istiqamətində müəyyən köməkliklər göstərmişəm.

Ancaq təəssüflər olsun ki, 2017-ci ilin noyabr ayından başlayaraq Sumqayıt Şəhər İcra Hakimiyyəti başçısının 1-ci müavini Teymur Səmədov mənə problemlər yaratmağa başladı. Belə ki, həmin zamandan Teymur Səmədovun tələbi ilə işdən çıxmadığıma görə onun qəzəbinə tuş gəldim. Bundan sonra onun göstərişi ilə bağçaya davamlı göndərilən komissiya bizim iş prinsipimizi zəiflətməklə yanaşı mənim fəaliyyətimdə qanunsuzluqlar tapmağa çalışdı. Həmin vaxt mənim əmək bülletenində olmağıma baxmayaraq əmr tarixi dəyişdirilməklə işdən çıxarıldım. Özüm şəkər xəstəsiyəm. Teymur Səmədov dəfələrlə evimə zəng etdirib məni hədələtdirib. İşçiləri əleyhimə sıxışdıraraq izahatlar almağa çalışır, işdən azad olunmasam prokurorluqla hədələyirdilər. Evimdə qızdırma içərisində xəstə yatdığım zaman Teymur Səmədov Sumqayıt xəstəxanasının rəhbərliyinə tapşırıb ki, mənə xəstəlik kağızı yazmasınlar. Ancaq sağ olsun ki, həkim Əsədullayev məni evimdə yoxlayandan sonra Teymur Səmədovla danışaraq mənim halımın çox pis olduğunu dedi.

Cənab Prezident!

Hörmətli Mehriban xanım!

Teymur Səmədovun məni işdən çıxartmasına səbəb kimi 63 yaşımın olmasını göstərir. Bu saat Sumqayıtda 10-a yaxın baxça var ki, onlara 67-68 yaşlı xanımlar rəhbərlik edir. Əgər Teymur Səmədovun əsl məqsədi doğrudan da yaş senzidirsə niyə o adamları görməzdən gəlir?!

Mənim pensiya vaxtıma 2 il qalıb. Olmazdımı ki, gecəmi, gündüzümü, 30 il illik fəaliyyətimin üzərindən xətt çəkilməsin?! 2 ildən sonra əmək pensiyasına çıxacaqdım. Ancaq Teymur Səmədovun mənə olan düşmən münasibəti o dərəcədə kəskin idi ki, o məni Əmək Məcəlləsinin 70-ci maddəsinin "C" bəndi ilə vəzifədən azad etdi.

Bu qanunsuzluğa etirazımı bildirmək üçün dəfələrlə Sumqayıt Şəhər İcra Hakimiyyətinin başçısı hörmətli Zakir Fərəcovun qəbuluna düşmək istəsəm də mənə süni əngəllər yaradaraq görüşə icazə vermədilər.

Sizə son iki ayda 21 dənə məktub ünvanlamışam.

Teymur Səmədov mənə sifariş göndərib ki, nə heç yerə şikayət etməyim, nə də baxçanın həndəvərinə getməyim, yoxsa məni həbs etdirəcək.

Cənab Prezident!

Hörmətli Mehriban xanım!

Gördüyünüz kimi 43 illik fəaliyyətim, zəhmətim bir məmur qərəzliyi, məsuliyyətsizliyi, qanunsuzğu ucbatından məhv edilib. Özüm şəkər xəstəsiyəm, insult keçirtmişəm. Son ümidim Sizsiniz. Xahiş edirəm Teymur Səmədovun mənə qarşı etdiyi haqsızlığın aradan qaldırılması və mənim işə bərpa olunmağım üçün Sumqayıt Şəhər İcra Hakimiyyətinə göstəriş verəsiniz.

Sizə böyük ümidlərlə Heydərova Xatirə Kamal qızı".(Qlobal.Az)

aia.az









5151 dəfə oxunub.

Bölməyə aid digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

21-07-2019
17-07-2019
«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031