“Dövlət qulluqçularının İT üzrə bacarıqları və rəqəmli hazırlığı” mövzusunda seminar keçirilib
Tarix: 18-10-2018, 15:39 | Saat: 15:47:00
Bölmə:Gündəm | çapa göndər

“Dövlət qulluqçularının İT üzrə bacarıqları və rəqəmli hazırlığı” mövzusunda seminar keçirilib

Nəqliyyat, Rabitə və Yüksək Texnologiyalar Nazirliyinin (NRYTN) təşəbbüsü ilə Avropa İttifaqının (Aİ) TAIEX yardım alətindən istifadə edilməklə “Dövlət qulluqçularının informasiya texnologiyaları üzrə bacarıqları və rəqəmli hazırlığı” mövzusunda seminar keçirilib.

Nazirlikdən Trend-ə verilən məlumata görə, seminar 15-16 oktyabr tarixlərində NRYTN-in İnformasiya-Kommunikasiya Texnologiyalarının Tətbiqi və Tədrisi Mərkəzinin təşkilatçılığı ilə baş tutub.

Tədbirin məqsədi dövlət qulluqçularının informasiya texnologiyaları üzrə hazırlıq səviyyələrinin artırılması və dövlət idarəçiliyində informasiya texnologiyalarının səmərəli istifadəsi sahəsində Aİ təcrübəsinin öyrənilməsi və ölkəmizdə tətbiqi olub.

Seminarda nəqliyyat, rabitə və yüksək texnologiyalar nazirinin müavini Elmir Vəlizadə, nazirliyin İnformasiya cəmiyyətinin və elektron idarəçiliyin innovativ inkişafı şöbəsinin müdiri Rəşad Əzizov və İKT-nin Tətbiqi və Tədrisi Mərkəzinin direktoru Rauf Cabarov açılış nitqləri ilə çıxış ediblər və ölkəmizdə dövlət qulluqçularının rəqəmli hazırlığı sahəsində aparılan işlər barədə məlumat veriblər.

Daha sonra Almaniya, Portuqaliya, İtaliya və Litvanın informasiya texnologiyaları üzrə aparıcı ekspertləri öz ölkələrinin təcrübəsini bölüşüblər.

Ekspertlər “Dövlət qulluqçuları üçün yüksək səviyyəli İT biliklərinə nail olmaq üçün beynəlxalq standartlar və təlim proqramları”, “Dövlət qulluqçuları üçün rəqəmsal bacarıqların inkişafında Aİ ölkələrinin təcrübəsi”, “Rəqəmsallaşdırma prosesində İT təlimlərinin rolu”, “İnformasiya təhlükəsizliyi və şəxsi məlumatların məxfiliyi” və “Rəhbər şəxslər üçün e-liderlik bacarıqları” mövzuları üzrə təqdimatlar edərək çıxış ediblər. Tədbir xarici ekspertlərin müxtəlif mövzuları əhatə edən müzakirələri ilə başa çatıb.

aia.azшаблоны для dle 11.2



537 dəfə oxunub.

Bölməyə aid digər xəbərlər
Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
19-11-2018
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
{sape_links}{sape_article}