Mobil versiya
Sabah toyu olan gəncin evini dağıtdılar – İcra başçısına ağır ittihamlar
Tarix: 12-04-2019, 18:08 | Saat: 15:47:00
Bölmə:Karusel / Ölkə | çapa göndər

Sabah toyu olan gəncin evini dağıtdılar – İcra başçısına ağır ittihamlar


Abşeron rayonunun icra başçısı İradə Gülməmmədovanın daha bir vətəndaşın evini sökməsi barədə məlumatlar yayılıb.

BakuPost xəbər verir ki, yayılan məlumatlarda həmin evdə iki gün sonra toy olacağı bildirilir. İddialara görə, ev sökülərkən gəlinin cehizləri də məhv edilib. Məhz bu məqam sosial şəbəkələrdə ciddi etiraz doğurub, Abşerona rəhbərlik edən xanım icra başçısının ünvanına ağır ittihamlar səsləndirilib.
Evi sökülən vətəndaş Rəsul Hüseynov BakuPost-a bildirib ki, 20 ildir yaşadığı evi söküblər: "Mənim 20 ildir yaşadığım evimi söküblər. Torpaq dəllalları, rüşvətlə mənim yurdumu viran qoydular. İcra nümayəndələri Asəf Əhmədov və başqaları torpaq alverçiləri olan Vahid Gülmalıyev, Fikrət və İntiqam Tanrıverdiyevlərlə əlbir olub, mənim evimi dağıtdılar. Mən uşaqlarımı bu evdə böyütmüşəm. Bu evdən üç meyit çıxıb”.

Onun sözlərinə görə, evi məhkəmənin qərarı ilə məhkəmə icraçıları tərəfindən sökülüb: "Yalandan deyirlər ki, guya bura başqasının yeridir. Bunun əsasında məni iki il əvvəl məhkəməyə verdilər və məhkəmə evin sökülməsi barədə qərar qəbul etdi. Amma vəkilim sorğu verib, Daşınmaz Əmlakın Reyestr Xidmətindən sənəd aldı ki, təqdim olunan sənəd bizim yer deyil. Məndən 7 sot torpaq tələb edirlər, ancaq əllərində mənim torpağıma aid heç bir sənəd yoxdur. Torpaq çıxarışından başqa bütün sənədlərim var mənim. Evimi öz aralarında bir-birinə satıblar”.

Məsələ ilə bağlı Abşeron rayon İcra Hakimiyyətindən Axar.az-a bildirilib ki, sözügedən ev İcra Hakimiyyəti tərəfindən sökülməyib:
"Həmin evin sökülməsinin Abşeron rayon İcra Hakimiyyəti ilə heç bir əlaqəsi yoxdur. Bu barədə yalnız məhkəmə icraçıları danışa bilər. Bu, iki vətəndaşın arasında baş verən problemdir və məhkəmə çəkişməsinin nəticəsidir”.

aia.az



549 dəfə oxunub.

Bölməyə aid digər xəbərlər


Xəbərə şərh yaz
Ad və soyad:*
E-Mail:
Şərhiniz:
Kodu yazın: *
Кликните на изображение чтобы обновить код, если он неразборчив

25-04-2019
24-04-2019
«    Апрель 2019    »
ПнВтСрЧтПтСбВс
1234567
891011121314
15161718192021
22232425262728
2930 
{sape_links}{sape_article}