Ana Sayfa > Manşet / Gündəm > Dənizdə batan şəxs sualtı idman növü ilə məşğul imiş -
Dənizdə batan şəxs sualtı idman növü ilə məşğul imiş -11-06-2024, 09:21. Yazar: sevinc1 |
![]() Pirallahı rayonu, Dübəndi çimərliyində batan Mikayıl Mirzəyev sualtı idman növü ilə məşğul imiş. aia.az xəbər verir ki, onun ən yaxın xilasetmə məntəqəsindən beş kilometr məsafədə, nəzarət olunmayan ərazidə batdığı bildirilir. 1979-cu il təvəllüdlü M.Mirzəyevin meyiti sudan çıxarılaraq aidiyyəti üzrə təhvil verilib. *** 12:57 Bakı şəhəri, Pirallahı rayonu, Dübəndi yaşayış massivi ərazisində dənizdə batmış 1979-cu il təvəllüdlü Mirzəyev Mikayıl Rəhim oğlunun cəsədi Fövqəladə Hallar Nazirliyi Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən suda tapılıb çıxarılaraq aidiyyəti üzrə təhvil verilib. aia.az xəbər verir ki, bu barədə FHN-in Mətbuat xidməti məlumat yayıb. Qeyd edilib ki, vətəndaş ən yaxın xilasetmə məntəqəsindən 5 km məsafədə nəzarət olunmayan ərazidə batıb. ***09:43 Fövqəladə Hallar Nazirliyinin (FHN) "112" qaynar telefon xəttinə, Bakı şəhəri, Pirallahı rayonu, Dübəndi Yaşayış massivinin yaxınlığında, dənizdə (ən yaxın sularda xilasetmə məntəqəsindən təqribən 1 km aralı, nəzarətsiz ərazi) 1 nəfərin batması barədə məlumat daxil olub. FHN-dən aia.az-a verilən məlumata görə, məlumatla əlaqədar, FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar. Əlavə məlumat veriləcək. aia.az Geri dön |