Oğuz Şəhidlər Xiyabanında Vətən müharibəsi şəhidi, Anar Talıb oğlu Əliyevin doğum günündə xatirəsi anılıb.
17-05-2024, 10:12. Yazar: sevinc1
16.05.2024 cü il tarixdə Oğuz Şəhidlər Xiyabanında Vətən müharibəsi şəhidi,
Anar Talıb oğlu Əliyevin doğum günündə xatirəsi anılıb.
Anım tədbirində YAP Oğuz rayon təşkilatının sədri Saleh Məhərrəmov , İcra Hakmiyyətinin Şöbə müdiri və əməkdaşları, şəhid ailələri, Oğuz şəhər Emin Abdullayev adına 2 N -li Texniki-Təbiət təmayüllü litseyin kollektivi, Oğuz bələdiyyəsinin üzvləri, mədəniyyət işciləri, rayon ictimaiyyətinin nümayəndələri , Vətən müharibəsində xüsusi şücaət göstərərək döyüşüb qəhrəmancasına şəhadətə yüksəlmiş şəhid Anar Əliyevin doğum günü ilə əlaqədar şəhidin Oğuz Şəhidlər Xiyabanında yerləşən məzarını ziyarət edib, şəhid məzarları önünə gül-çiçək dəstələri düzərək əziz xatirələrini ehtiramla yad ediblər. Daha sonra şəhidin böyüyüb boya-başa çatdığı ünvana gedilərək ailə üzvləri ziyarət edilib.
Anar Talıb oğlu Əliyev 16 may 1991-ci ildə Oğuz rayonunda anadan olub. 1998–2009-cu illərdə Oğuz şəhər şəhid E.Abdullayev adına 2 nömrəli tam orta məktəbdə oxumuşdur. 2009–2011-ci illərdə Azərbaycan Silahlı Qüvvələrində müddətli həqiqi hərbi xidmət keçmişdir. Anar Əliyev 2020-ci il sentyabrın 27-də başlanan Vətən müharibəsi zamanı Füzuli döyüşlərində savaşıb. Anar Əliyev oktyabrın 26-da Füzuli döyüşlərində qəhrəmancasına şəhid olmuşdur. Anar Əliyev oktyabrın 27-də Oğuz Şəhidlər Xiyabanında dəfn olunmuşdur. Ailəli idi, 1 oğlan övladı yadigar qalmışdır.
Ölümündən sonra Azərbaycan Respublikası Prezidentinin müvafiq Sərəncamlarına əsasən "Vətən uğrunda", "Füzulinin azad olunmasına görə" və " Döyüşdə fərqlənməyə görə" medalları ilə təltif olunmuşdur. Şəhid Anar Əliyevin adı Oğuz şəhərindəki küçələrdən birinə verilərək əbədiləşdirilmişdir.
Allah bütün şəhidlərimizə rəhmət eyləsin.
Geri dön