“Qan ver, yaşat!” devizi altında aksiya
30-08-2023, 09:11. Yazar: sevinc1
Azərbaycanımızın cənub qapısı sayılan Astara Rayon Mərkəzi Xəstəxanasında talassemiyalı və hemofiliyalı xəstələrə dəstək məqsədilə qanvermə aksiyası keçirilib. “Qan ver, yaşat!” devizi altında reallaşan aksiyada Astara Rayon Polis Şöbəsinin şəxsi heyəti daha fəal olub.
Həkim-hemotoloqların iştirakı ilə keçirilən aksiyada hər bir donorun qanvermədən əvvəl sağlamlığı tam şəkildə öyrənilib. Belə ki, aksiyaya qoşulanlardan tibbi müayinədən sonra qan götürülüb. Toplanan qanı bir daha laboratoriya müayinəsindən keçirib, irsi qan xəstəliklərindən əziyyət çəkən insanların müalicəsində istifadə olunacaq.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön