“Fənərbağça” mövsümə qələbə ilə başlayıb
14-08-2023, 09:16. Yazar: sevinc1
Türkiyə Super Liqasının ilk turunda "Fənərbağça" "Qaziantep"i qəbul edib.
aia.az bildirir ki, kadıköylülər bosniyalı hücumçu Edin Cekonun 3 və 18-ci dəqiqələrdə vurduğu qollar sayəsində qələbə qazanıblar.
Qarşılaşmanın 23-cü dəqiqəsində qonaqların rumıniyalı yarımmüdafiəçisi Aleksandru Maksim qırmızı vərəqə alaraq komandasını azlıqda qoyub.
Birinci hissənin əlavə edilmiş dəqiqələrində "qırmızı-qaralar" hesabdakı fərqi minimuma endirsələr də, bundan artığına gücləri çatmayıb.
Beləliklə, matç "Fənərbağça"nın 2:1 hesabı ilə başa çatıb.
Qeyd edək ki, növbəti turda "Fənərbağça" "Yılport Samsunspor"a qarşı səfər matçına çıxacaq, "Qaziantep" isə "Sivasspor"u qəbul edəcək.
aia.az
Geri dön