Tələbə qızın idman uğurları davam edir
22-06-2023, 11:25. Yazar: sevinc1
Lənkəran Dövlət Universitetinin Tarix- coğrafiya və İncəsənət fakültəsinin Sosial iş ixtisası üzrə I tədris ili tələbəsi Könül Vidadi qızı Süleymanova böyük idman uğurlarına yeni-yeni imzalar atır. Tələbə qız 2023-cü ilin yanvarında Italiyada keçirilən paralimpiyaçıların üzgüçülük üzrə dünya kubokunda uğurla yarışaraq 3-cü yeri sahib çıxıb. Könül Süleymanova cari ilin 12 may tarixində Almaniyada keçirilən çempionatda da inamla yarışaraq idmanın bu növü üzrə yüksək uğur qazanmaqla 27 iyul-06 avqust 2023-cü il tarixində Böyük Britaniyanın Mançester şəhərində keçiriləcək dünya çempionatına lisenziyanı özünə təmin edib.
Könül 10 yaşından peşəkar idmanın üzgüçülük növü ilə məşğuldur. İdmanın bu növü üzrə uşaqlar arasında 5 dəfə Azərbaycan çempionu olub, bir neçə dəfə Avropa miqyaslı yarışlarda ölkəmizi uğurla təmsil edərək yüksək nəticələr qazanıb.
Zəfər Orucoğlu,
Azərbaycan Jurnalistlər Birliyinin üzvü
Geri dön