Uşaq musiqi, incəsənət, rəssamlıq, muğam, aşıq məktəb və mərkəzlərinə işə qəbul olmaq istəyən şəxslərin nəzərinə
18-07-2022, 15:39. Yazar: sevinc1
Azərbaycan Respublikasının Mədəniyyət Nazirliyi Dövlət İmtahan Mərkəzi (DİM) ilə birgə uşaq musiqi, incəsənət, rəssamlıq, muğam, aşıq məktəb və mərkəzlərinə müəllim vəzifəsinə işə qəbul olmaq istəyən şəxslər üçün avqustun 7-də test imtahanı keçirəcək.
DİM-dən Aia.Az-a bildirilib ki, imtahan vermək istəyən namizədlərin qeydiyyatı Mərkəzin internet saytında 28 iyul saat 17:00-dək həyata keçirilir.
Namizədlər DİM-in saytında yerləşdirilmiş link vasitəsilə qəbul qaydaları, müsabiqə şərtləri və test mərhələsi üzrə proqramla tanış ola və imtahanda iştirak etmək üçün qeydiyyatdan keçə bilərlər.
Aia.Az
Geri dön