AFFA çempiona kubok əvəzinə şar verilməsinə aydınlıq gətirdi
23-02-2022, 14:36. Yazar: admen
AFFA-nın təşkilatçılığı ilə Şamaxı şəhərində məktəblilər arasında keçirilən mini-futbol turnirində mükafatlandırılma mərasimində federasiyanın qalib komandaya təqdim etdiyi hədiyyələr müzakirələrə səbəb olub.
Bununla bağlı AFFA-nın Mətbuat və ictimaiyyətlə əlaqələr şöbəsinin müdiri Firuz Abdulla AİA.-A açıqlama verib.
O bildirib ki, turnir təşkil olunarkən qaliblərə mükafat və kubok verilməsi nəzərdə tutulmayıb. "Bu rəsmi turnir və liqa deyil. Birinci yeri tutan komandaya da helium şarını fərqləndirmək üçün veriblər", - F.Abdulla deyib.
Qeyd edək ki, AFFA-nın təşkilatçılığı ilə Şamaxı şəhərində yerləşən məktəblərdə təhsil alan 11-12 yaşlı uşaqlar arasında keçirilən mini-futbol turnirinin qalibinə 1 rəqəmi olan helium şarı təqdim edilib. Kuboku əvəz edən şarı qalib komandaya Azərbaycan yığmasının sabiq üzvü, tanınmış futbolçu Vəli Qasımov verib.
Geri dön