Ana Sayfa > Səhiyyə > Ötən həftə dünyada koronavirusa yoluxmada rekord artım qeydə alınıb -

Ötən həftə dünyada koronavirusa yoluxmada rekord artım qeydə alınıb -


13-01-2022, 09:17. Yazar: sevinc1
Ötən həftə dünyada koronavirusa yoluxmada rekord artım qeydə alınıb -

Ötən həftə ərzində (3-9 yanvar) "omikron" ştammının yayılması ilə əlaqədar dünya üzrə koronavirusa yoluxma hallarının sayında rekord artım qeydə alınıb.

aia.az-ın məlumatına görə, bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus deyib.

"Son bir həftə ərzində ÜST-yə dünya üzrə 15 milyondan çox yeni COVID-19 halı barədə məlumat daxil olub. İndiyə qədər bu, bir həftə ərzində qeydə alınmış ən yüksək göstəricidir", - deyə baş direktor bildirib.

O qeyd edib ki, koronavirusa yoluxma hallarının kəskin şəkildə artmasına səbəb "omikron" ştammının yayılmasıdır.

ÜST-nin baş direktoru bir daha peyvənd olunmağın zəruriliyini vurğulayıb. Onun sözlərinə görə, Afrikada əhalinin 85 faizindən çoxu hələ də peyvəndin ilk dozasını gözləyir. Dünyanın 90-a yaxın ölkəsi hələ də əhalisinin 40 faizini belə peyvənd etməyib, bu ölkələrin 36-sı isə əhalisinin 10 faizindən azını peyvənd edib.

aia.az
Geri dön