Ömür ağacımın budağı Ayaz...
8-07-2021, 10:59. Yazar: sevinc1
Əziz dostumuz Böyükkişi müəllimin dilindən igid, şirin nəvəsi Ayaz balaya ən xoş arzularla. Allah saxlasın!!!
Ömür ağacımın budağı Ayaz...
Gözəl hafizəsi, zəkası dərin,
Köməyin görəsən ocağın, pirin.
Doğrudan nəvələr olurmuş şirin,
Ömür ağacımın budağı Ayaz!
Düşmənə şimşək ol başı üstə çax,
Xaini, paxılı yerindəcə yax.
Səni pənahında saxlasın Allah,
Evdə hamımızın dayağı Ayaz!
Hər işində sənə həyan Böyük bəy,
Daim qulluğunda duran Böyük bəy.
İndidən hiss edir baban Böyük bəy,
Görürsən sabahı, uzağı Ayaz!
Mən bir Mübarizəm, igidəm deyir,
Oyuncaq avtomat, tüfəng istəyir.
Kişilər sayağı hərəkət edir,
İndidən istəmir qucağı Ayaz!
Müəllif: Fuad Biləsuvarlı
Geri dön