Yunanıstan-Bolqarıstan interkonnektorunun 90 kilometrlik sahəsində işlər başa çatıb
27-05-2021, 15:57. Yazar: sevinc1
Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektorunun (IGB) 90 kilometrlik sahəsində işlər başa çatıb.
Trend bu barədə ICGB AD layihə şirkətinə istinadən bildirir.
Qeyd olunur ki, mayın sonunadək 182 kilometrlik boru kəmərinin 145 kilometri qaynaq edilib:
"90 kilometrlik sahədə işlər tamamlanıb. Layihənin reallaşdırılması sürətləndirilmiş tempdə davam edir, pandemiya ilə bağlı yaranmış vəziyyətə baxmayaraq bütün əsas işlər irəliləyir".
Xatırladaq ki, Yunanıstanla Bolqarıstanın qaz-nəqliyyat sistemlərini birləşdirəcək IGB kəmərinin uzunluğu 182,6 kilometr, illik buraxılış gücü 3 milyard kubmetr olacaq.
aia.az
Geri dön