Azərbaycanda dayı bacısı qızının ərini öldürdü
14-07-2015, 17:50. Yazar: admin
Kişi atası evinə gələn qızı əri ilə barışdırmaq istəyərkən qətl törədib.
Ağcabədi rayonunda dəhşətli qətl hadisəsi baş verib. Rayonun Aran kənd sakini 1971-ci il təvəllüdlü Musa Əli oğlu Əliyev həmkəndlisini çoxsaylı bıçaq zərbələri vuraraq öldürüb.
Ağcabədi rayon prokurorluğundan ANS PRESS-ə verilən məlumata görə, öldürülən şəxs 1979-cu il təvəllüdlü İlham Cahid oğlu Həsənov olub. O, həm də hadisəni törədən Musa Əliyevin bacısı qızının əri olub.
Həmin gün əri ilə aralarında münaqişə yaşanan xanım atası evinə gəlib. Musa Əliyev isə bacısı qızının əriylə arasındakı problemi həll etmək və onu ər evinə qaytarmaq üçün İlhamın yanına yollanıb.
Həmkəndlilər arasında söhbət sonradan münaqişəyə çevrilib. Musa Əliyev bıçağa əl ataraq bacısı qızının ərinə çoxsaylı zərbəsi vurub. Zərbələrdən biri mərhumun boğaz nahiyəsinə dəyib və yerindəcə keçinib.
Faktla bağlı Ağcabədi Rayon Prokurorluğunda cinayət işi qaldırılıb, araşdırma aparılır.
Musa Əliyev hüquq-mühafizə orqanları tərəfindən həbs edilib.
Geri dön