Azərbaycan və Türkiyə prezidentlərinin telefon danışığı Misir portalında yayımlanıb
25-04-2021, 14:26. Yazar: admen
Misirin “Aldiplomasy” informasiya portalında Azərbaycan və Türkiyənin dövlət başçıları İlham Əliyev və Rəcəb Tayyib Ərdoğan arasında telefon danışığında ABŞ Prezidenti Co Baydenin qondarma “erməni soyqırımı” ilə əlaqədar bəyanatının qınandığı barədə xəbər yayılıb.
AZƏRTAC-a istinadla yayılan xəbərdə bildirilir ki, Prezident İlham Əliyev sözügedən bəyanatı tarixi səhv adlandırıb və onun qəbuledilməz olduğunu vurğulayıb. Azərbaycanın dövlət başçısı açıqlamanın regionda yaranmaqda olan əməkdaşlıq meyillərinə ciddi zərbə olduğunu söyləyib. Prezident İlham Əliyev Azərbaycanın hər zaman Türkiyənin yanında olduğunu qeyd edib.
Oqtay Bayramov
AZƏRTAC-ın xüsusi müxbiri
Qahirə
Geri dön