Bakıda yeni yol tikilir
25-03-2016, 15:18. Yazar: admin
Sürücülərə alternativ hərəkət istiqamətləri seçmələri tövsiyə olunur.
Sabahdan etibarən Bakı şəhərində daha bir yolun tikintisinə başlanacaq.
“Azəravtoyol” ASC-dən Oxu.Az-a verilən məlumata görə, Bakı şəhəri Sabunçu rayonunun Maştağa-Bilgəh avtomobil yolunun tikintisi ilə bağlı tədbirlər haqqında Azərbaycan prezidentinin sərəncamına uyğun olaraq martın 26-dan etibarən sözügedən avtomobil yolunda “Azəravtoyol” ASC tərəfindən tikinti işlərinə start verilir.
Tikinti işlərinə Bilgəh qəsəbəsi, sahilyanı ərazidən Maştağa qəsəbəsi istiqamətinə doğru başlanır.
Tikinti işlərinin aparıldığı ərazilərdə hissə-hissə avtonəqliyyat vasitələrinin hərəkəti müvəqqəti olaraq məhdudlaşdırılacaq.
Sürücülərə tikinti işlərinin başlanmasını nəzərə alaraq öncədən alternativ hərəkət istiqamətləri seçmələri tövsiyə olunur.
Geri dön