Qazaxıstanda koronavirusdan ilk ölüm
26-03-2020, 19:52. Yazar: sevinc1
Qazaxıstanda koronavirusdan ilk ölüm qeydə alınıb. Aia.az-ın "Sputnik Qazaxıstan"a istinadən verdiyi xəbərə görə, bu barədə ölkənin İnformasiya və İctimai İnkişaf naziri Dauren Abayev məlumat verib.
O bildirib ki, bu gün bir Qazaxıstan vətəndaşı koronavirusdan ölüb. Nazirin sözlərinə görə, Nur-Sultan Sağlamlıq İdarəsi sabah bu barədə ətraflı məlumat verəcək. Həmin xəstə ölkənin paytaxtı Nur-Sultanda ölüb.
Qeyd edək ki, Qazaxıstanda koronavirus yoluxmuş 109 nəfər var. Onların 61-i paytaxtdadır. Xəstələrdən ikisi sağalıb. Martın 16-dan aprelin 15-dək ölkədə fövqəladə vəziyyət elan olunub.
Geri dön