Ana Sayfa > Manşet / Parlament > Göygöldə baş verən yol qəzasında ölənlərin sayı 8-ə çatıb
Göygöldə baş verən yol qəzasında ölənlərin sayı 8-ə çatıb29-04-2019, 15:07. Yazar: sevinc1 |
Göygöldə baş verən yol qəzasında 8 nəfər ölüb. Səhiyyə Nazirliyinin mətbuat xidmətinin əməkdaşı Səfayə Əhmədovanın ONA-ya verdiyi məlumata görə, ölənlərdən 3-ü kişi, 3-ü qadın, 2-si isə uşaqdır. O qeyd edib ki, 1 nəfər qadın isə Gəncə şəhər xəstəxanasının travmatologiya şöbəsinə yerləşdirilib, onun vəziyyəti ağırdır. *** Saat 13:57 Göygöldə baş verən yol qəzasında ölənlərin sayı 5-ə çatıb. ONA-nın yerli bürosunun verdiyi xəbərə görə, qəza nəticəsində xəsarət alan daha bir azyaşlı xəstəxanada ölüb. *** Saat 13:24 Göygöldə baş verən yol qəzasında biri azyaşlı olmaqla 4 nəfər ölüb. ONA-nın yerli bürosunun məlumatına görə, Daşkəsən rayon sakini Eldəniz Gəray oğlu Həsənovun idarə etdiyi "VAZ-2107" markalı avtomobil Aslan Əbülfət oğlu Camalovun idarə etdiyi "VAZ-2106" markalı maşınla toqquşub. Qəza nəticəsində "VAZ-2106"ın sürücüsü, bir qadın və bir azyaşlı uşaq hadisə yerində ölüblər. "VAZ-2107"nin sürücüsü və daha bir nəfər xəsarətlə xəstəxanaya yerləşdiriliblər. A.Camalov xəstəxanada dünyasını dəyişib. Faktla bağlı cinayət işi başlanıb, araşdırma aparılır. *** Saat 12:28 Göygöldə ağır yol-nəqliyyat hadisəsi baş verib. ONA-nın yerli bürosunun verdiyi məlumata görə, hadisə Gəncə-Daşkəsən yolunda qeydə alınıb. “VAZ” markalı iki avtomobilin toqquşması nəticəsində 4 nəfər ölüb. Faktla bağlı araşdırma aparılır. aia.az [media=https://www.youtube.com/watch?v=wYJXtDt6pLc] Geri dön |