Bu gün əməkdar artist Röya Ayxanın ad günüdür
14-06-2018, 15:52. Yazar: sevinc1
aia.az xəbər verir ki, əməkdar artist 36 yaşını qeyd edir.
Röya Ayxan 1982-ci il iyun ayının 14-də Qobuda dünyaya gəlib. Bakı şəhəri Nəsimi rayonu 5 saylı orta məktəbin məzunu olub. 2004-cü ildə Bakı Dövlət Universitetinin Beynəlxalq hüquq fakültəsinə daxil olub.
İlk dəfə Vaqif Gərayzadənin W-trio qrupunda çıxış edib. Qrupdan ayrıldıqdan sonra solo müğənniliyə başlayıb. 2005-ci ildə Heydər Əliyev Sarayında "Bu gecə" adlı ilk solo konserti olub. 2006-cı ildə 3 gün yenidən həmin sarayda "Darıxmışam" adlı solo konsert verib. 2006-cı il sentyabr ayının 15-də Şəfa stadionunda və sentyabr ayının 22-də Milli Parkda solo konserti olub. 2005-ci ildə Yalta şəhərində keçirilən Beynəlxalq Gənc İfaçılar müsabiqəsində "Tamaşaçı simpatiyası" nominasiyası üzrə laureat olub. 2006-cı ildə V&V prodüser mərkəzinin keçirdiyi sorğuya əsasən "İlin müğənnisi" və "İlin konserti" nominasiyaları üzrə qalib gəlib.
30 dekabr 2015-ci ildə Azərbaycanın əməkdar artisti fəxri adına layiq görülmüşdür.
2008-2014-cü illərdə Anar Çingiz oğlu Cəlilovla nikahda olub. 25 oktyabr 2009-cu ildə oğlu Hüseyn dünyaya gəlib. Hazırda subaydır.
aia.az saytının kollektivi Röyanı ad günü münasibətilə təbrik edir, ona gələcək işlərində uğurlar arzulayır.
aia.az
Geri dön