Əmanətçilərə 748 milyon ödənilib
18-12-2017, 17:19. Yazar: admin
Əmanətlərin Sığortalanması Fondu sığorta hadisəsi baş vermiş bankların qorunan əmanətçilərinə ödənilən kompensasiyaların məbləğinin açıqlayıb.
Fonddan AzVision.az-a verilən məlumata görə, ləğv prosesində olan "Yunayted Kredit Bank" ASC-də fiziki şəxslərin ümumi əmanətlərinin məbləği 3,55 mln. manat olmaqla, onlardan 3,23 mln. manatı qorunan əmanətlər, o cümlədən 2 mln. 99,950 min manatı kompensasiya olunan əmanətlərdir. Dekabrın 14-ə Əmanətlərin Sığortalanması Fondu tərəfindən qorunan əmanətçilərə ümumilikdə 1 mln. 837,465 min manatdan artıq (ümumi kompensasiya öhdəliyinin 87,5%-i) kompensasiya ödənilib və 262,485 min manat ödənilməmiş kompensasiya öhdəliyi qalıb.
"Bank of Azerbaijan" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 27 yanvar 2017-ci il tarixində başa çatıb və bu tarixədək bankın qorunan əmanətçilərinə 24,191 mln. (ümumi kompensasiya öhdəliyinin 97%-i) kompensasiya ödənilib.
"Gəncəbank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 4 fevral 2017-ci il tarixində başa çatıb və bu tarixədək bankın qorunan əmanətçilərinə 976,441 min manat (ümumi kompensasiya öhdəliyinin 94%-i) kompensasiya verilib.
"Texnikabank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 12 fevral 2017-ci il tarixində başa çatıb. Ümumilikdə bankın qorunan əmanətçilərinə 120 mln. 413,9 min manat (ümumi kompensasiya öhdəliyinin 98,2%-i) kompensasiya ödənilib.
"Parabank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 1 avqust 2017-ci il tarixində başa çatıb. Ümumilikdə bankın qorunan əmanətçilərinə 43 mln. 222 min manatdan artıq (ümumi kompensasiya öhdəliyinin 98,5%-i) kompensasiya verilib.
"Zaminbank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 1 avqust 2017-ci il tarixində başa çatıb. Ümumilikdə, bankın qorunan əmanətçilərinə 72 mln. 196,9 min manat (ümumi kompensasiya öhdəliyinin 99,3%-i) kompensasiya ödənilib.
"Kredobank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 1 avqust 2017-ci il tarixində başa çatıb. Ümumilikdə, bankın qorunan əmanətçilərinə 27 mln. 914,7 min manat (ümumi kompensasiya öhdəliyinin 99,6%-i) kompensasiya qaytarılıb.
"Dekabank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 1 avqust 2017-ci il tarixində başa çatıb. Ümumilikdə, bankın qorunan əmanətçilərinə 3 mln. 88,3 min manat (ümumi kompensasiya öhdəliyinin 98,8%-i) kompensasiya ödənilib.
"Atrabank" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 22 avqust 2017-ci il tarixində başa çatıb. Ümumilikdə, bankın qorunan əmanətçilərinə 14 mln. 352,1 min manatdan artıq (ümumi kompensasiya öhdəliyinin 98,2%-i) kompensasiya verilib.
"Qafqaz İnkişaf Bankı" ASC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 22 avqust 2017-ci il tarixində başa çatıb. Ümumilikdə, bankın qorunan əmanətçilərinə 2 mln. 4,4 min manatdan artıq (ümumi kompensasiya öhdəliyinin 95,8%-i) kompensasiya ödənilib.
"Bank Standard" QSC-nin qorunan əmanətçilərinə kompensasiyaların ödənilməsi üçün ərizələrin qəbulu üzrə 1 il müddət 10 oktyabr 2017-ci il tarixində başa çatıb. Ümumilikdə, bankın qorunan əmanətçilərinə 437 mln. 745,8 min manat (ümumi kompensasiya öhdəliyinin 99,2%-i) kompensasiya verilib.
Əmanətlərin Sığortalanması Fondu tərəfindən 11 bank üzrə 747,943 mln. manatdan artıq kompensasiya ödənilib.
Qeyd edək ki, "Əmanətlərin sığortalanması haqqında" qanunun 28,4 maddəsinə əsasən əmanətçinin müraciətini qeyri-mümkün etmiş halların mövcud olduğunu təsdiq edən sənədlər təqdim edildikdə bu qanunun 28.3-cü maddəsində göstərilən müddət əmanətçinin ərizəsinə əsasən uzadıla bilər. Lakin bundan asılı olmayaraq bütün hallarda əmanətçinin kompensasiya almaq hüququ Fondun kompensasiyaların ödənilməsi haqqında bildirişin ilk dəfə dərc edildiyi gündən başlayaraq 5 il müddətində saxlanılır.
aia.az
Geri dön