Kral İlham Əliyevi Ərəbistana dəvət edib - XİN
17-05-2017, 17:23. Yazar: admin
Səudiyyə Ərəbistanı kralı Salman bin Əbdüləziz Al Səud Azərbaycan prezident İlham Əliyevi paytaxt Ər-Riyadda keçiriləcək Ərəb, Müsəlman-Amerika Zirvə Toplantısına dəvət edib.
AzVision.az xəbər verir ki, bu barədə Səudiyyə Ərəbistanı XİN-in rəsmi “Facebook” səhifəsində məlumat yerləşdirilib.
“İki Müqəddəs Məscidin Xadimi Səudiyyə Ərəbistanı Kralı əlahəzrət Salman bin Əbdüləziz Al Səud Azərbaycan Respublikasının Prezidenti zati-aliləri cənab İlham Heydər oğlu Əliyevi 21 may 2017-ci il tarixində ər-Riyadda keçiriləcək Ərəb, Müsəlman-Amerika Zirvə Toplantısına dəvət edib”, - deyə Səudiyyə Ərəbistanı XİN-in yaydığı məlumatda bildirilib.
Qeyd edək ki, toplantıda ABŞ prezidenti Donald Tramp və Türkiyə prezidenti Rəcəb Tayyib Ərdoğanın da iştirak edəcəyi gözlənilir.
AİA.az
Geri dön