Bakıda ətin qiyməti yenidən qalxdı: Sümüksüz mal əti 23 manata çatdı
Bu gün, 18:34. Yazar: vasif
Bakıda mal ətinin satış qiymətində artım müşahidə olunur. Paytaxtın bəzi satış məntəqələrində qiymətlərin əvvəlki dövrlə müqayisədə yüksəldiyi bildirilir.
Hazırda sümüklü mal ətinin bir kiloqramı 19 manata, sümüksüz mal ətinin qiyməti isə 23 manata qədər yüksəlib.
Satıcılar bahalaşmanın əsas səbəblərindən biri kimi bazarda kəsim üçün heyvan təklifinin azalmasını göstərirlər. Heyvan sayının azalmasının alış qiymətlərinə, bunun isə son nəticədə pərakəndə satış qiymətinə təsir etdiyi bildirilir.
Qiymət artımının bütün satış məntəqələrini eyni səviyyədə əhatə edib-etmədiyi və bahalaşmanın davam edib-etməyəcəyi isə hələlik məlum deyil.
Geri dön