"İlin sonuna doğru yeni iqtisadi qərarlar elan edilə bilər" -
Bu gün, 10:08. Yazar: sevinc1
"Bu il iqtisadi baxımdan sabitlik və tənzimləmə mərhələsində keçir. Büdcə siyasətində ehtiyatlılıq, makroiqtisadi sabitliyin qorunması və qeyri-neft sektoruna yönəlik təşviqlər əsas xətti təşkil edir".
aia.az xəbər verir ki, bunu iqtisadçı Eldəniz Əmirov deyib. O bildirib ki, Qarabağ və Şərqi Zəngəzurda bərpa layihələri davam edir:
"İlin sonuna doğru yeni iqtisadi qərar və təşəbbüslərin elan ediləcəyi ehtimal edilir".
O xatırladıb ki, Rəqabət Məcəlləsi 1 iyul 2024-cü ildə qüvvəyə minib və Orta Dəhliz, Şimal-Cənub Nəqliyyat Dəhlizi üzrə nəqliyyat və tranzit layihələri genişləndirilib:
"Qarabağ və Şərqi Zəngəzurda bərpa və iqtisadi canlanma proqramları dərinləşdirilib. Yaşıl enerji və alternativ enerji üzrə yeni beynəlxalq müqavilələr imzalanıb. Qeyri-neft sektorunda investisiya artımı müşahidə olunub. Turizm və xidmət sektorunda rekord göstəricilər qeydə alınıb. Xarici ticarət dövriyyəsi genişlənib".
aia.az
Geri dön