Qəzzada İsrail tərəfindən öldürülən fələstinlilərin sayı 48 min 239-a yüksəlib
Dünən, 18:49. Yazar: sevinc1
İsrailin 471 günlük fasiləsiz hücumlarından sonra atəşkəsin əldə edildiyi Qəzza zolağında son 24 saatda dağıntılar altından çıxarılan 14-ü 17 fələstinlinin cəsədi xəstəxanalara çatdırılıb.Qəzzadakı Fələstinin Səhiyyə Nazirliyi, İsrail və HƏMAS arasında atəşkəsin 24-cü günündə İsrail ordusunun hücumları nəticəsində ölən və yaralananlarla bağlı son məlumatı paylaşıb.Bildirilib ki, son 24 saat ərzində xəstəxanalara 17 ölü və 9 yaralı daxil olub. Həyatını itirənlərdən 14-ü dağıntılar altından çıxarılıb.
İsrailin Qəzza zolağına 7 oktyabr 2023-cü il tarixindən atəşkəs elan olunduğu 19 yanvara qədər davam edən hücumlarında həyatını itirən fələstinlilərin sayının 48 min 239-a, yaralıların sayının isə 111 min 676-ya yüksəldiyi bildirilib.
Yanvarın 19-da HƏMAS ilə əldə olunan atəşkəs və əsir mübadiləsi razılaşmasına baxmayaraq, İsrail Qəzzada atəşkəsi tez-tez pozur.
Qəzza Səhiyyə Nazirliyinin baş direktoru Munir əl-Burş fevralın 11-də verdiyi yazılı açıqlamada atəşkəs razılaşmasından sonra İsrailin Qəzza zolağına birbaşa hücumları nəticəsində 92 fələstinlinin həyatını itirdiyini açıqlayıb.
aia.az
Tərcümə şöbəsi
Geri dön