Milli Məclisin deputatı Asif Əsgərov növbəti vətəndaş qəbulu keçirib
Bu gün, 15:20. Yazar: sevinc1
Milli Məclisin deputatı Asif Əsgərov növbəti vətəndaş qəbulunu Yeni Azərbaycan Partiyası Zaqatala rayon təşkilatı aparatının inzibati binasında keçirib. Deputat qəbul zamanı seçicilərin çoxsaylı müraciətlərini dinləyib. Bəzi məsələlər yerində həllini tapıb.
AİA.Az xəbər verir ki, qəbul zamanı vətəndaşlar tərəfindən edilən müraciətlərdən Milli Məclisin deputatının səlahiyyətləri çərçivəsində həlli mümkün məsələlərin yerində obyektiv araşdırılması və operativ həlli ilə bağlı aidiyyəti üzrə tapşırıq və tövsiyyələr verilib.
Bundan başqa millət vəkili Asif Əsgərov qəbul zamanı olunmuş müraciətlərə əsasən aztəminatlı ailələrə ərzaq yardımı edib.
Zaqatala sakinləri Ulu öndər Heydər Əliyevin siyasi xəttini hər zaman bəyənərək dəstəklədiklərini qeyd ediblər.
Eyni zamanda qaldırılan problemlərin həlli üçün göstərilən diqqətə və qayğıya görə Ulu Öndərin siyasətini uğurla davam etdirən cənab Prezident Ilham Əliyevə və Azərbaycanın Birinci vitse-prezidenti çox hörmətli Mehriban xanım Əliyevaya Vətənimizin daha gözəl və qüdrətli olması, insanlarımızın daha xoşbəxt və firavan yaşaması ücün, onların gərgin və yorulmaz birgə fəaliyyətində hər zaman can sağlığı, böyük uğurlar və yeni-yeni qələbələr arzulayıblar. Bir daha zaqatalalılara göstərilən münasibətə görə dərin təşəkkürlərini bildiriblər.
Geri dön