YAP yüksək nüfuza malikdir
Dünən, 15:20. Yazar: sevinc1
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qusar rayonu, Urva bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Qusar rayon təşkilatının sədri David İbramxəlilov Yeni Azərbaycan Partiyasının hər zaman milli maraqlara, mövcud reallıqlar və çağırışlara uyğun fəaliyyət göstərdiyini qeyd edib. Onun sözlərinə görə, bu, insanların partiyaya olan inamını daha da möhkəmləndirib: “YAP bu gün cəmiyyətimizdə olduqca yüksək nüfuza malikdir. Heç şübhəsiz, yanvarın 29-da keçiriləcək bələdiyyə seçkiləri də xalqın Yeni Azərbaycan Partiyasına etimadının daha bir bariz nümunəsi olacaqdır”.
Seçki qərəgahının üzvləri Arif Xəlilov və Rail İskəndərov bələdiyyələrin yerli əhəmiyyətli məsələlərin həllində rolundan danışıblar.
Bələdiyyə üzvlüyünə namizədlər Sudya Mançarov və Rüzgar Ağamuradov seçiciləri bələdiyyə seçkilərində fəal iştirak etməyə və Yeni Azərbaycan Partiyasını dəstəkləməyə çağırıblar.
Geri dön