İki sərnişin avtobusu toqquşub: 13 nəfər ölüb
29-12-2024, 20:25. Yazar: sevinc1
Qərbi Afrika ölkəsi olan Nigeriyanın Ondo əyalətində iki avtobusun toqquşması nəticəsində 13 nəfər ölüb.Milli Yol Təhlükəsizliyi Təşkilatının Ondo Dövlət Koordinatoru Samuel İbitoye mətbuata açıqlamasında əyalətin Ovo/İkare-Akoko avtomobil yolunda iki sərnişin avtobusunun toqquşduğunu bildirib.
İbitoye toqquşmadan sonra başlayan yanğında 13 nəfərin öldüyünü, çox sayda insanın isə yaralandığını bildirib.
Bəzilərinin vəziyyəti ağır olan yaralıların xəstəxanaya yerləşdirildiyini qeyd edən İbitoye, ölənlərin sayının artacağından narahat olduğunu bildirib.
Həddindən artıq sürətin qəzaya səbəb ola biləcəyinə diqqət çəkən İbitoye sürücüləri daha diqqətli olmaları barədə xəbərdar edib.
aia.az
Tərcümə şöbəsi
Geri dön