YAP Nərimanov rayon təşkilatında imzatoplayacaq şəxslərlə görüş keçirilib
20-12-2024, 15:01. Yazar: sevinc1
Yeni Azərbaycan Partiyası Nərimanov rayon təşkilatında 2025-ci il 29 yanvar tarixdə keçiriləcək Azərbaycan Respublikası Bələdiyyə Seçkiləri ilə əlaqədar imzatoplayacaq şəxslərlə görüş keçirilib.
20 dekabr tarixdə keçirilən görüşdə YAP Nərimanov rayon təşkilatının sədri Elçin Quliyev Nərimanov rayonunda yerləşən hər 3 Seçki Dairəsi üzrə müəyyən edilmiş imza toplayacaq nümayəndələrə seçici imzasının toplanılması qaydasını izah edib. Təşkilat sədri Azərbaycan Respublikasının Seçki Məcəlləsində və Mərkəzi Seçki Komissiyası tərəfindən hazırlanmış təlimatda göstərilmiş qanuna uyğunluqlara əməl etməyi tövsiyyə edib. İmza toplanacaq yerlər Dairə Seçki Komissiyasının müvafiq əraziləri üzrə müəyyənləşdirilərək sxem halına salınıb və nümayəndələrə təqdim olunub.
Sonra imzatoplayacaq şəxslərin sualları cavablandırılıb.
Geri dön