Azərbaycan Ağsaqqallar Şurasının üzvləri Ulu Öndər Heydər Əliyevin məzarını ziyarət ediblər
13-12-2024, 10:58. Yazar: sevinc1
Azərbaycan Ağsaqqallar Şurasının sədri, millət vəkili, professor Eldar Quliyev, sədrin birinci müavini, millət vəkili, akademik Əhliman Əmiraslanov, sədr müavinləri – millət vəkili, professor Eldar İbrahimov, Tahir Süleymanov və Bayram Yusifov, eləcə də İdarə Heyətinin üzvləri professor Aqiyə Naxçıvanlı, professor Misir Mərdanov, professor İbrahim Quliyev, Akif Rəfiyev, Vahid Quliyev, Əsabil Qasımov, Şuranın Aparat rəhbəri Ramin Həsənli, baş məsləhətçi-hüquqşünas Kamal Əliyev, məsləhətçi Zahid Abbasov, o cümlədən rayon təşkilatlarının sədrləri müasir və müstəqil Azərbaycan dövlətinin qurucusu Ulu Öndər Heydər Əliyevin Anım günü ilə əlaqədar Fəxri Xiyabana gələrək xalqımızın Ümummilli Liderinin xatirəsini ehtiramla yad edib, məzarı önünə gül dəstələri qoyublar.
Görkəmli oftalmoloq-alim, akademik Zərifə Əliyevanın da əziz xatirəsi anılıb, məzarı üzərinə tər çiçəklər düzülüb.
Azərbaycan Ağsaqqallar Şurasının sədri, millət vəkili, professor Eldar Quliyev Ulu Öndər Heydər Əliyevin mənalı həyat yolundan, çoxşaxəli fəaliyyətindən söz açıb. Bildirib ki, Ümummilli Liderin zəngin irsi, dövlətçilik təcrübəsi xalqımızın mənəvi dəyərlər xəzinəsidir və hər bir Azərbaycan vətəndaşı üçün yüksək intellekt, müdriklik, fədakarlıq və vətənpərvərlik nümunəsidir. O, dahi şəxsiyyətin yolunu uğurla davam etdirən Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə ölkəmizin qazandığı davamlı uğurları da xüsusi olaraq vurğulayıb.
Geri dön