Odlar Yurdu Universitetində (OYU) ümummilli lider Heydər Əliyevin anım gününə həsr olunmuş tədbir keçirilib
12-12-2024, 15:44. Yazar: sevinc1
Odlar Yurdu Universitetində (OYU) ümummilli lider Heydər Əliyevin anım gününə həsr olunmuş tədbir keçirilib.
Əvvəlcə tədbir iştirakçıları tərəfindən Ulu Öndərin büstü ziyarət olunmuş, gül-çiçək dəstələri qoyularaq əziz xatirəsi bir dəqiqəlik sükutla yad edilmişdir.
Azərbaycan Dövlət Himninin səsləndirilməsi ilə başlayan tədbirdə Odlar Yurdu Universitetinin rektoru Əhməd Vəliyev, millət vəkili Samir Vəliyev, prorektorlar, professor-müəllim heyəti, tələbələr iştirak etmişlər.
Tədbirdə açılış nitqi ilə çıxış edən OYU-nun rektoru Əhməd Vəliyev bildirib ki, ümummilli lider Heydər Əliyev siyasi fəaliyyəti boyu inkişaf edən, milli dəyərləri ilə tanınan, xarici dövlətlər arasında özünə layiqli yer tutan güclü Azərbaycan naminə böyük əzmlə çalışıb və dönməz prinsipləri, misilsiz tarixi xidmətləri ilə adını dünyada ən nüfuzlu liderlər cərgəsinə daxil edib.
Sonra millət vəkili Samir Vəliyev çıxış edərək ulu öndər Heydər Əliyevin idarəçiliyi ilə Azərbaycanın bütün sahələrdə qazandığı uğurları nəzərə çatdırıb, ölkəmizin beynəlxalq nüfuzunun möhkəmlənməsində bu fenomenal şəxsiyyətin mühüm roluna toxunub.
Tədbir OYU tələbələrinin ifasında bədii hissə ilə davam edib.
Geri dön