Ukraynada Almaniyadan olan qaçqınları geri qaytarmaq istəyiblər
12-12-2024, 14:08. Yazar: sevinc1
Kiyev Almaniyadan olan bütün ukraynalı qaçqınları mümkün qədər tez qaytarmağa ümid edir. Euronews xəbər verir ki, bu barədə Ukraynanın baş naziri Denis Şmıqal mətbuat konfransı zamanı bildirib.
“Biz Almaniya tərəfi və yeni milli birlik nazirimizlə birlikdə işləmək və bütün ukraynalıları mümkün qədər tez geri qaytarmağın yollarını tapmaq üçün razılaşdıq”, - deyə Ukrayna hökumətinin başçısı bildirib.
Bundan əvvəl Berlin əyalət hökumətinin qaçqınlarla iş üzrə departamentinin rəhbəri Mark Sibert bildirmişdi ki, ukraynalı qaçqınların əksəriyyəti Almaniyada qalmaq istəyir və Ukraynaya qayıtmaq variantından imtina edir. Almaniyanın Konstitusiya və Suverenlik Şurasının rəhbəri Ralf Nimeyer münaqişənin başlamasından sonra alman əhalisinin ukraynalı qaçqınlara münasibətinin pisləşdiyini bildirib.
O, əlavə edib ki, Ukraynanın “ən tez” ölkədən gedən vətəndaşlara ehtiyacı var.
aia.az
Tərcümə şöbəsi
Geri dön