Müsavat bələdiyyə seçkilərilə bağlı qərar verdi
Dünən, 12:37. Yazar: sevinc1
Müsavat Partiyası Divanının növbəti iclası keçirilib.
aia.az xəbər verir ki, partiyanın mətbuat xidmətinin məlumatına görə, iclasda əvvəlcə görülən işlər müzakirə olunub. Məclisin komissiya sədrlərinin iştirakı ilə keçirilən toplantılar barədə məlumat verilib.
Partiyanın Nizami rayon təşkilatının yığıncağı və keçirilən seçkilər haqda məlumat dinlənilib.
Yanvarın 29-na təyin olunan bələdiyyə seçkiləri ilə bağlı müzakirə aparılıb. Divan Müsavat Məclisinin son sessiyada ona verdiyi səlahiyyətləri rəhbər tutaraq seçkilərdə öz namizədləri ilə iştirak etmək, namizədlərin irəli sürülməsi səlahiyyətlərini partiyanın rayon təşkilatlarına həvalə etmək haqqında qərar qəbul edib. Prosesə ümumi nəzarət Divan tərəfindən həyata keçiriləcək.
Dekabrın 7-də saat 11:00-da Məclisin sessiyasının keçirilməsi qərara alınıb.
aia.az
Geri dön