Norveç mübahisəli dərin dəniz mədən layihəsini dayandırır
Dünən, 19:22. Yazar: sevinc1
Norveç mübahisəli dəniz dibini dərin dəniz mədənləri üçün açmaq layihəsini dayandırıb və ətraf mühit qruplarının hiddətinə səbəb olub.
BBC-nin məlumatına görə, müxalifətdə olan Sosialist Sol Partiya hökumətin dəniz diblərinin bəzi hissələrində kommersiya məqsədli dərin dəniz mədənlərinin çıxarılmasına icazə verən layihəni dayandırmayacağı təqdirdə 2025-ci il büdcəsini təsdiq etməyəcəyini bəyan edib.
Bu addımdan sonra hökumət ölkənin dəniz dibinin dərin dəniz mədənlərinin işlənməsi üçün açılması layihəsini dayandırdığını açıqladı.
Norveçin baş naziri Jonas Gahr Store verdiyi açıqlamada bu qərarı "təxirə salınma" olaraq xarakterizə etdi və layihənin tənzimləyici və ətraf mühitə təsirləri ilə bağlı araşdırmaların davam edəcəyini qeyd etdi.
Greenpeace Norveç nümayəndəsi Haldis Tjeldflaat Helle layihənin dayandırılmasının "böyük qələbə" olduğunu söylədi.
"Norveçin öz sularında okeanların məhv edilməsinə yaşıl işıq yandırmağı planlaşdırarkən özünü okean lideri kimi göstərdiyini izləmək əsl utancverici idi" dedi Helle
DƏRİN DƏNİZLƏR ÜÇÜN “FƏLAKƏT”DİR
Norveç hakimiyyəti 2023-cü ilin iyununda hökumətin ölkənin yeni iqtisadi imkanlar axtarışında neft və təbii qazdan asılılığı azaltmaq strategiyasına uyğun olaraq, kontinental şelfin bir hissəsini kommersiya dərin dəniz mədənləri üçün açmaq istədiyini elan etdi.
Norveçdə azlıq hökuməti və iki əsas müxalifət partiyası 5 dekabr 2023-cü ildə ətraf mühit qruplarının etirazlarına baxmayaraq Şimal Buzlu Okeanında dərin dəniz mədənlərinin işlənməsi barədə razılığa gəliblər.
Ekoloji qruplar qərarı dəniz üçün "fəlakət" kimi qiymətləndirir və bu addımın bölgədəki biomüxtəlifliyi təhdid edəcəyi barədə xəbərdarlıq edir.
aia.az
Tərcümə şöbəsi
Geri dön